تاۋەلسىزدىك - ءتاڭىردىڭ سىيى
ەركىندىگىن ەنشىلەپ، ەگەمەندىك تىزگىنىن قولىنا العان مەملەكەتىمىزدىڭ تاۋەلسىزدىك تۋىن كوگىندە جەلبىرەتكەنىنە دە مىنە، بيىل 25 جىل تولىپ وتىر! 25 جىل! تاريح ءۇشىن قاس-قاعىم بۇل ءسات، جۇمىر باستى پەندەگە اجەپتەۋىر ۋاقىت. جاس جىگىتتىڭ اقىل توقتاتىپ، وڭدى- سولىن تانىپ، العا قاراي نىق باسىپ، ءوزىن كورسەتەر شاعى دەسەك، مەملەكەتىمىزدىڭ دە تەك العا قاراي دامىپ، وركەندەۋ كەزەڭىنە دە جەتىپ وتىرعانىن كوزىمىز كورىپ وتىر.
ءبىزدىڭ وتانىمىز - ەگەمەندى، تاۋەلسىز، قازاق مەملەكەتى.
وسىناۋ مارجانداي تىزبەكتەلە قالعان سوزدەردىڭ استارىندا-جاتسا تۇسىنەن، تۇرسا ەسىنەن ءبىر ءسات كەتپەگەن بابالاردىڭ عاسىرلىق ارمان جولى جاتىر ەمەس پە؟
تەرەڭنەن ويلاپ، تەبىرەنە تولعانساڭ- حالقىمىزدىڭ بارشا تاريحى وسى تاۋەلسىزدىك ءۇشىن، حالقىمىزدىڭ باس بوستاندىعى ءۇشىن كۇرەسپەن وتكەن ەكەن.
مىڭ ءولىپ، مىڭ تىرىلگەن قازاق ەلى قيلى- قيلى تاعدىر تاۋقىمەتىن كورسە دە، ۇلت رەتىندە تاريح ساحناسىندا ءوزىن- ءوزى ساقتاي ءبىلدى. حالقىمىزدىڭ قايسارلىعى مەن تاباندىلىعى ارقاسىندا بۇگىندە ەركىندىك سامالىنىڭ راحاتىنا بولەنۋدەمىز.
تاۋەلسىزدىك - قازاق ءۇشىن عاجاپ قۇت.
عاجاپ قۇتقا جۇرمەيدى ەندى مازاق تۇك.
ءبورى مىنەز بابالاردىڭ ارمانى-
اينالايىن، التىن قانات-ازاتتىق!- دەپ، ەل تاۋەلسىزدىگىنە وشپەستەي ەرلىك ىستەرىمەن ءوز ۇلەسىن قوسىپ كەتكەن قايراتتاي اعامىزدىڭ ولەڭ جولدارىن ەسكە تۇسىرسەك، قازاق حالقى ۇلت بولىپ ۇيىعالى بەرى تاپ بۇگىنگىدەي ءبىرتۇتاس، قۋاتتى مەملەكەت قۇرىپ، ءوز تاعدىرىن ءوزى شەشۋگە مۇمكىندىگى بولعان ەمەس. قازىرگى كۇندە مەملەكەتىمىزدىڭ دۇنيە جۇزىندەگى ەڭ ءىرى مەملەكەتتەرمەن تەرەزەسى تەڭ. ەشكىمگە جالتاقتاپ جاتقانىمىز جوق.وسىناۋ جىلدار ىشىندە ەلىمىزدى عالامعا تانىتقان كوپتەگەن يگى ىستەر اتقارىلۋدا. قازاقستاننىڭ كوك اسپانىندا كوك تۋىمىز جەلبىرەپ، قازاقستان دەگەن ەلدىڭ بار ەكەنىن الەم جۇرتشىلىعى مويىنداعالى قاشان. بۇگىنگى تاڭدا الەم نازارىن وزىنە اۋدارىپ وتىرعان قازاق ەلىنىڭ ءار كۇنى، ايى، جىلى جاعىمدى جاڭالىقتارعا تولى. ءيا، ەلىمىزدە بەيبىتشىلىك پەن تىنىشتىق زامان.
«قازاقستان - ءبىرتۇتاس جەر، ءبىرتۇتاس حالىق جانە ورتاق كەلەشەك»- دەپ ەلباسىمىز ايتقانداي، بۇگىنگى تاڭدا ەلىمىز ءتۇرلى ۇلت وكىلدەرىمەن ءبىر شاڭىراق استىندا ىنتىماعى ىرىستى،بىرلىگى بەكەم بولىپ، ءبىر ءۇيدىڭ بالاسىنداي جاراستى عۇمىر كەشىپ، ەلىمىزدىڭ تولاعاي تابىستارىن ارتتىرۋعا ءوز ۇلەستەرىن قوسۋدا.
«ەل بىرلىگى – ەڭ اسىل قاسيەت» دەگەن قاعيداتتى قاستەر تۇتاتىن ەلباسىمىزدىڭ: « ەلىمىز امان، جۇرتىمىز تىنىش بولسىن.تاۋەلسىز ەل اتانىپ، بۇرىن- سوڭدى بولماعان، وزگەلەرمەن تەرەزەسى مەملەكەت قۇردىق. دۇنيە ءجۇزى سىيلايتىن ەل اتاندىق. سونىڭ ءبارى - بىرلىگىمىزدىڭ ارقاسى!»-دەگەن دانا سوزدەرىن ءارقاشان جادىمىزدا ۇستاساق ارتىقتىق ەتپەيدى.
ەركىن ەلدىڭ قاشاندا ارمانى اسقاق،
وي مەن ەڭبەك ۇشتاسقان قاربالاس شاق.
ۇلىلارىن الەمنىڭ مويىنداتىپ،
قازاق كوشىن كەلەسىز العا باستاپ-دەپ، باۋىرجان وڭعاربايەۆ اعامىز جىرلاعانداي، ەل باسقارۋ ەشقاشان دا وڭاي بولعان ەمەس. ال، تاۋەلسىزدىككە جاڭا ىلىككەن ەلدى قيىن كەزەڭدە باسقارۋدىڭ مىڭ باتپان اۋىر جۇگىن تەك ەردىڭ ەرى عانا كوتەرە الارى انىق. ونىڭ ۇستىنە حالقىمىزدىڭ باعىنا قاراي، وسىناۋ قيىن كەزەڭدە ەل باسقارۋ تىزگىنى ن.ءا. نازاربايەۆ سىندى ءوز جۇرتىنىڭ ارمان- مۇڭىن سەزىنە بىلەتىن تاجىريبەلى ساياساتكەر، بيىك پاراسات يەسىنىڭ قولىندا بولۋى دا بۇگىنگى بيىگىمىزگە تولىمدى تابىستارمەن جەتۋىمىزدە از ءرول اتقارعان جوق. ءبىر عانا «ەكسپو-2017» حالىقارالىق مامانداندىرىلعان بىرەگەي ۇلتتىق جوبالار كورمەسى مەملەكەت باسشىسى نۇرسۇلتان نازاربايەۆتىڭ الەمدىك دەڭگەيدەگى بەدەلىنىڭ قانشالىقتى بيىك ەكەنىن تانىتادى.
توقسان اۋىز ءسوزدىڭ توبىقتاي ءتۇيىنىن دە ەلباسىمىزدىڭ مىناداي سوزدەرىمەن اياقتايىن دەپ وتىرمىن: «تاۋەلسىزدىك- ءتاڭىردىڭ ۇرپاققا بەرگەن ۇلكەن باقىتى،حالقىمىزدىڭ ماڭگىلىك قۇندىلىعى. ءبىز بۇگىنگە دەيىن بارلىق جەتىستىكتەرىمىزگە تاۋەلسىزدىكتىڭ ارقاسىندا قول جەتكىزدىك...
ەلىڭنىڭ ۇلى بولساڭ، ەلىڭە جانىڭ اشىسا، ازاماتتىق نامىسىڭ بولسا، قازاقتىڭ ۇلتتىق جالعىز مەملەكەتىنىڭ نىعايىپ- كوركەيۋى جولىندا جان تەرىڭدى سىعىپ ءجۇرىپ ەڭبەك ەت. جەردىڭ دە، ەلدىڭ دە يەسى ءوزىڭ ەكەنىڭدى ۇمىتپا!
ءيا، «حالىقتىڭ كەمەلىنە كەلىپ، وركەندەپ ءوسۋى ءۇشىن ەڭ الدىمەن ازاتتىق پەن ءبىلىم قاجەت»- دەپ ۇلى عالىم ش. ءۋاليحانوۆ ايتىپ كەتكەندەي، ەلىمىزدىڭ باقىتىن تەربەتكەن تاۋەلسىزدىگىمىز باياندى، ىرگەسى ماڭگى بەرىك بولسىن. سۇيىكتى وتانىمىز - ازات قازاقستاندى قورعاۋ بۇگىنگى ۇرپاقتىڭ قولىندا. ەلىمىزدىڭ «ماڭگىلىك ەل» بولۋىنا بارشامىز ات سالىسايىق اعايىن!
ماقتارال اۋدانى، اسىقاتا كەنتى
«№121 جالپى ورتا مەكتەبى» كمم
قازاق ءتىلى مەن ادەبيەتى ءمۇعالىمى
تۋلتايەۆا پەرۋزا الماحانوۆنا
You Might Also Like
-
قارابايىر پىكىر كورىنگەنىمەن، ءبىلىم – ادامزات بالاسى ءۇشىن ماڭىزدى دۇنيە. سونىمەن قاتار ول – كەلەشەگىمىزدىڭ نەگىزى، ىرگەتاسى ءتارىزدى. جالقىنىڭ عانا ەمەس، جالپىنىڭ بولاشاعى. سايكەسىنشە، ب...
-
وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ق ر ءبىلىم جانە عىلىم ءمينيسترى ەرلان ساعادييەۆپەن كەزدەستى.
