وقۋداعى جاستار اراسىندا
10-تامىزدا ورىنبورداعى قازاقستاننىڭ وقۋ ينستيتۋتىندا، ءام تاتار ينستيتۋتىندا وقۋشى جاستار ۇيىمىنىڭ مۇشەلەرىنىڭ جالپى جيىلىسىندا جولداس نۇرماقوۆ قازىرگى جەر جۇزىندەگى مەملەكەت ارالارىنداعى ساياسات جايى تۋرالى بايانداما قىلدى جانە مەن كەڭەس رەسپۋبليكالارىنىڭ وداقتىق قۇراماسى تۋرالى ءام قازاقستاننىڭ ورتالىق كەڭەس كوميتەتىنىڭ 3-جالپى ءماجىلىسىنىڭ قاراعان ماسەلەلەرى تۋرالى شىعارعان قاۋلىلارى جونىندە بايانداما قىلدىم.
قازاقستاننىڭ ورتالىق كوميتەتىنىڭ 3ء-ماجىلىسىنىڭ قاراعان ماسەلەلەرىنىڭ ىشىندە قازاق ءتىلىن كەڭسەلەردە جۇرگىزۋ دەگەن ماسەلەنىڭ، ءام قازاقستاندا اۋە كەمەسىن جۇرگىزۋ دەگەن ماسەلەلەردىڭ شەشىلۋى جاستارعا ءبىرتۇرلى ۇناپ، بارلىعى ءبىراۋىزدان قازاقستاندا مەكەمەلەردە كەڭسە ىستەرىن قازاقشاعا تەز اۋدارۋدى قۋاتتاپ، قازاقستاننىڭ بارلىق قازاق بالالارى وقيتىن شولا ءام مەكتەپتەرىندە قازاق بالالارىن كەڭسە ىستەرىنە دە تانىستىراتىن بولسا ەكەن دەپ، مۇنى قازاقستان وقۋ كوميسسارياتى بيىلعى جىلعى ساباق رەتىنە مىندەتتى قىلىپ كىرگىزسە ەكەن دەپ قارار شىعاردى.
جانە شامالارى كەلگەنشە اۋە كەمەسىنىڭ بولۋىنا جاردەم قىلۋدى ءام مۇشە بولىپ «اۋە كەمەسى دوستارىنىڭ قاۋىمىنا» جازىلۋعا قاۋلى قىلدى.
قازاقستاننىڭ وقۋ ينستيتۋتىنداعى ءام تاتار ينستيتۋتىنداعى جاستاردىڭ مۇنىسى ەرلىك.
قازاق ءام تاتار ينستيتۋتتارىنداعى جاستاردىڭ شىن كوڭىلدەرىمەن ىستەگەن بۇل قاۋلىلارىنىڭ ىسكە اسىپ، ءىس جۇزىندە كورىنۋىنە تىلەكتەسپىز! ورىنبورداعى وزگە شكالالارداعى جاستار دا بۇل يگى تىلەككە قوسىلار! ءىس جاستاردىكى!
19.09.1923 جىل
You Might Also Like
-
قازاقستاننىڭ ەڭبەكشىل تابى ءوز سىباعاسىن ءوزى الۋ ءۇشىن، ونەرلى حالىقتاردىڭ ەڭبەكشىل تابىنىڭ قاتارىنا كىرۋ ءۇشىن، روسسياداعى جالپى ەڭبەكشىل تاپتىڭ الىسىپ وتىرعان بوستاندىعىن، تەڭدىگىنىڭ جەمىستەرىمەن پا...
-
وسى كۇنى ورىنبوردا وقىپ جۇرگەن ەكى مىڭداي قازاق بالالارى بار. بۇلاردىڭ كوبى ەرجەتكەن بالالار ءام بۇلاردىڭ ىشىندە ايەل بالالار دا بار.
