ورازا تۇتىپ دەنساۋلىققا قاۋىشىڭىز
ورازا تۇتۋ دەنساۋلىققا زياندى ەمەس، كەرىسىنشە وتە پايدالى. بۇل جايت بۇگىنگى مەديسينا ماماندارى تاراپىنان ايقىن تۇردە دالەلدەنگەن. الەمدەگى كوپتەگەن مامان دارىگەرلەر تاراپىنان جازىلعان كىتاپتاردا سان الۋان اۋرۋلاردىڭ ديەتا ساقتاۋمەن ەمدەلەتىنى نەمەسە ديەتا ارقىلى ەمنىڭ تەز جۇرەتىنى ايتىلۋدا.
ورازا — ءبىر جىل بويى توقتاۋسىز جۇمىس ىستەگەن اسقازانمەن بۇكىل اس قورىتۋ جۇيەلەرىنىڭ دەم الۋى جانە ادام دەنەسىنىڭ تازارۋى دەگەن ءسوز.
ادامداردا وتە ءجيى كەزدەسەتىن ىندەت اسقازان جانە ىشەك اۋرۋلارى. ال بۇل جاعداي سەمىرۋ، جۇرەك جانە تامىر اۋرۋلارىنا، قانت ديابەتىنە جانە قان قىسىمىنىڭ جوعارىلاۋىنا سەبەپ بولۋدا. ورازا بۇكىل بۇل اۋرۋلاردىڭ الدىن الۋشىسى بولۋمەن قاتار ەمنىڭ كوزى دە بولىپ تابىلادى.
ورازا تۇتۋمەن ادام كۇشتى قالاۋ ەركىنە دە قول جەتكىزەرى ءسوزسىز. وسى سەبەپتى اراق، ناشا سياقتى جامان ادەتتەرىنەن ورازا ارقىلى قۇتىلعاندار كوپ كەزدەسۋدە.
ورازا دەنەدەگى كومىرسۋ، پروتەين مەن اسىرەسە ماي قورلارىنىڭ ارەكەتكە ءتۇسۋىن قامتاماسىز ەتەدى. ورازا ارقىلى سۇزگىش جۇمىسىنان قۇتىلعان بۇيرەكتەر ءوزىن تەكسەرۋ، جوندەۋ، دەم الۋ جانە جاڭالانۋعا مۇمكىندىك تابادى.
ورازا جىلىنا ءبىر اي، تەك كۇندىزدەرى ىشىپ-جەۋدەن تيىلۋ دەگەن ءسوز. بۇل جەردەن اشتىقتىڭ جانە سۋسىزدىقتىڭ نە ەكەنىن سەزىنىپ، تۇسىنۋگە بولادى. ورازا توق ادامدارعا اش ادامنىڭ قانداي جاعدايدا بولاتىنىن، نە سەزىنەتىنىن دە ەسكە سالادى. سونداي-اق ءوزىن تاربيە ەتۋدى قامتاماسىز ەتەدى.
ءساييد ءبۋرحاناددين تيرميزي شاكىرتتەرىنە بىلاي دەگەن ەكەن: «قارىندارىڭ اش بولسىن! ول ءۇشىن ورازا تۇتىڭدار! ويتكەنى ورازا دانىشپاندىق قازىنالارىنىڭ كىلتى. ورازا تۇتۋ كوڭىل كوزىنىڭ اشىلۋىنا، كوڭىلدىڭ جۇمسارۋىنا سەبەپ بولادى».
قورىتا ايتقاندا ورازا ادام ءۇشىن زياندى ەمەس، قاي جاعىنىنان قارالسا دا پايدالى. ويتكەنى ورازا تۇتقانداردا كۇندىز قان كولەمى مەن ءتىن سۋىنىڭ ازايعانى ناتيجەسىندە ەڭ بولماعاندا قان قىسىمىنىڭ قالىپتى كۇيگە ەنگەنى جانە جۇرەك جۇمىسىنىڭ جاقسارعانى بايقالادى. ورازا تۇتقان كىسىنىڭ جۇيكە جۇيەسى دە جەڭىلدەيدى.
وقۋعا كەڭەس بەرەمىز:
ورازاعا قاتىستى پايدالى مالىمەتتەر
جاپون عالىمى ورازانىڭ پايداسىن دالەلدەگەنى ءۇشىن نوبەل سىيلىعىن الدى
سان ءتۇرلى دەرتتىڭ شيپاسى — قۇرما
You Might Also Like
-
ەرتەدە ءبىر ساۋداگەر ىلعي التىن مەن كۇمىس جيناپتى. التىن مەن كۇمىستەن باسقا بايلىقتى بايلىق دەمەپتى. التىندى بىرەۋدەن الداپ الىپتى، بىرەۋدەن ارباپ الىپتى.
