InfoHub Logo

پەداگوگيكادا ءوزىن-وزى دامىتۋدىڭ ءرولى ماڭىزدى ءارى قاجەت. ويتكەنى، بۇل پەداگوگقا ءومىردىڭ ءار سالاسىنداعى بىلىمدەرىن جەتىلدىرۋگە مۇمكىندىك بەرەدى، ال ول، ءوز كەزەگىندە، ارينە، وقۋشىلاردان كورىنىس تابادى.

پەداگوگيكانىڭ ءوزى رۋحاني جانە شىعارماشىلىق دامىتۋ ماقساتىمەن تاربيە بەرۋ پروسەسى، ياعني، پەداگوگيكا ادامعا ومىرگە، وزىنە ريزا بولۋعا، سونداي-اق، قوعام مەن تابيعات اراسىنداعى ءوزارا بايلانىستى تابۋعا كومەتەسەدى.

پەداگوگيكاداعى ءوزىن-وزى دامىتۋدى دامۋعا ىقپال ەتەتىن جەكە ءبىر فاكتور رەتىندەگى قاراستىرۋعا بولمايدى. ويتكەنى، پەداگوگيكاداعى ءوزىن-وزى دامىتۋ – پەداگوگتىڭ كاسىبي قىزمەتىنە عانا ەمەس، ونىڭ جەكە ومىرىنە دە، ىشكى سەزىمدەرىنە دە اسەر ەتەتىن وسىنداي فاكتورلاردىڭ جيىنتىعى.

پەداگوگيكاداعى ءوزىن-وزى دامىتۋ وقۋشىلاردىڭ جان-جاقتى دامۋى ءۇشىن دە ماڭىزدى، ويتكەنى وقۋشىلاردىڭ بويىنداعى قاجەتتى ءبىلىمنىڭ ءبارىن پەداگوگ قالىپتاستىرادى. پەداگوگ ءوز وقۋشىلارىنىڭ بويىندا سۇلۋلىق سەزىمىن دامىتۋى، قوعامدا ءجۇرىپ-تۇرۋ ەرەجەلەرىنە ۇيرەتۋى، قابىلەتتەرىن جۇزەگە اسىرۋعا كومەكتەسۋى ءتيىس، ال وز-وزىنە جانە ءوز كۇشىنە دەگەن سەنىم وقۋشىلاردى كۇن سايىن قابىلداۋى ءتيىس سانالى دا سالماقتى شەشىمدەردى قابىلداۋعا يتەرمەلەي الادى.

پەداگوگيكاداعى ءوزىن-وزى جەتىلدىرۋ لايىقتى ءبىلىم دەڭگەيىمەن تىكەلەي بايلانىستى، ويتكەنى وقۋشىنىڭ ءوزىن-وزى دامىتۋمەن اينالىسۋىنا كومەكتەسۋ ءۇشىن، ونىمەن تەرەڭ دە سەنىمدى قاتىناس ورناتا ءبىلۋى ءتيىس، ونسىز قيىن بولادى.

پەداگوگيكاداعى ءوزىن-وزى  دامىتۋ پەداگوگ ءۇشىن دە، وقۋشى ءۇشىن دە قاجەت. ءوزىن-وزى  دامىتۋ ءار جەكە تۇلعا ءۇشىن قاجەت، ويتكەنى ول ءوزىن كوبىرەك تانىپ-بىلۋگە كومەكتەسەدى. ءوزىن-وزى دامىتۋ كومەگىمەن ءومىردىڭ بارلىق دەرلىك سالالارىن رەتكە كەلتىرۋگە بولادى. 

ول –ءومىردىڭ قارجى سالاسى، اينالاسىنداعى ادامدارمەن وڭاي قاتىناس ورناتۋ، تىڭداي ءبىلۋ، وقۋ، ۇيرەنۋ، وزىنە كەرەك ناتيجەگە جەتكىزەتىن شەشىمدەردى ءوز بەتىمەن قابىلداي الۋ. پەداگوگ وقۋشىلارىنىڭ بويىندا وسى قابىلەتتەردى قالىپتاستىرا الۋى ءۇشىن  جانە قالىپتاستىرۋعا نيەتتى بولۋى ءۇشىن ۇنەمى ءوزىن-وزى دامىتۋمەن اينالىسۋى ءتيىس.

ءوزىن-وزى دامىتۋ ءۇشىن ادامعا ءوز بويىنداعى بىلىمدەرى مەن ماشىقتارىن وزگە ادامعا بەرە الاتىن، سول ارقىلى وعان ومىردەگى ورنىن تاۋىپ، قالىپتى قارىم-قاتىناس جاساۋعا جانە اينالاسىنداعى وقيعالاردى ادەكۆات قابىلداي الۋعا كومەكتەسەتىن ءمۇعالىم جانە ۇستاز كەرەك. ال وقۋشىلار، بالالار نەنىڭ دۇرىس، نەنىڭ بۇرىس ەكەنىن ءوز بەتىمەن انىقتاپ، بىلە المايدى.

---