InfoHub Logo

ۇكىمەتتىڭ بۇگىنگى وتىرىسىندا ق ر پرەمەر-مينيسترى باقىتجان ساعىنتايەۆ قۇزىرەتتى مەملەكەتتىك ورگاندارعا مۇعالىمدەردىڭ جالاقىسىن كوتەرۋدى تاپسىردى.

"2018 جىلدىڭ 1 قاڭتارىنان باستاپ ءبىلىم بەرۋدىڭ جاڭارتىلعان مازمۇنىنا كوشكەن 1ء-شى، 2ء-شى، 5ء-شى جانە 7ء-شى سىنىپ ۇستازدارىنىڭ لاۋازىمدىق جالاقىسىن 30 پروسەنتكە كوبەيتۋ كەرەك. ال 1 قىركۇيەكتەن باستاپ اتالعان شارالار 3ء-شى، 6ء-شى جانە 8ء-شى سىنىپتار بويىنشا اتقارىلۋى شارت"، - دەدى ب.ساعىنتايەۆ.

ۇكىمەت باسشىسىنىڭ ايتۋىنشا، اعىمداعى جىلدا ۇلتتىق بىلىكتىلىك تەستى ەنگىزىلەدى. سونىڭ اياسىندا مۇعالىمدەردىڭ كاتەگوريالارى انىقتالادى. جاڭا جۇيە بويىنشا ءوز كاتەگورياسىن راستاعان ۇستازداردىڭ جالاقىسى 30 پروسەنتتەن 50 پروسەنتكە دەيىن وسەدى. اتالعان جۇمىسقا ق ر ءبىلىم جانە عىلىم مينيسترلىگى، ق ر ەڭبەك جانە الەۋمەتتىك دامۋ مينيسترلىگى، ق ر ۇلتتىق ەكونوميكا مينيسترلىگى مەن ق ر قارجى مينيسترلىگى جاۋاپتى.

ايتا كەتەيىك، بيىلعى جولداۋدا ق ر پرەزيدەنتى نۇرسۇلتان نازاربايەۆ مۇعالىمدەردىڭ جالاقىسىن كوتەرۋدى تاپسىردى. "جاڭارتىلعان مازمۇن دەگەنىمىز - حالىقارالىق ستاندارتتارعا ساي كەلەتىن جانە نازاربايەۆ زياتكەرلىك مەكتەپتەرىندە بەيىمدەلۋدەن وتكەن زاماناۋي وقۋ باعدارلامالارى. بۇلار ءبىزدىڭ بالالارىمىزعا قاجەتتى فۋنكسيونالدىق ساۋاتتىلىق پەن سىني تۇرعىدان ويلاۋ قابىلەتىن دارىتادى.

سونىمەن قاتار 2018 جىلى كاتەگوريالار اراسىنداعى الشاقتىقتى ارتتىرىپ، مۇعالىمدەر ءۇشىن بىلىكتىلىك دەڭگەيىن ەسكەرەتىن كاتەگوريالاردىڭ جاڭا كەستەسىن ەنگىزۋدى تاپسىرامىن. كاتەگوريالاردى بۇكىل الەمدە قولدانىلىپ جۇرگەن ۇلتتىق بىلىكتىلىك تەست ارقىلى بەرۋ كەرەك. بۇل پەداگوگتاردى وزدەرىن ۇدايى جەتىلدىرۋگە ىنتالاندىراتىن بولادى. ناتيجەسىندە، مۇعالىمدەردىڭ جالاقىسى بىلىكتىلىگىنىڭ راستالۋىنا بايلانىستى تۇتاستاي العاندا 30 پروسەنتتەن 50 پروسەنتكە دەيىن وسەدى. بۇل ءۇشىن بيىل قوسىمشا 67 ميلليارد تەڭگە ءبولۋ قاجەت"، - دەلىنگەن جولداۋدا.

---