پرەمەر-مينيستر: پەداگوگيكا ماماندىعىنا ءتۇسۋ ءۇشىن «تالاس» بولۋ كەرەك
پەداگوگيكا ماماندىعىنا ءتۇسۋ ءۇشىن «تالاس» بولۋ كەرەك. ق ر پرەمەر-مينيسترى باقىتجان ساعىنتايەۆ تالدىقورعاندا ۇستازدار قاۋىمىمەن كەزدەسۋ بارىسىندا وسىلاي دەدى.
«ءبىز ءمۇعالىمنىڭ ستاتۋسىن كوتەرەتىن بولساق، ونىڭ ايلىعىن كوتەرەتىن بولساق، وندا بۇگىنگى كۇنى وسى ماماندىققا ءتۇسۋ ءۇشىن «تالاس» بولۋ كەرەك. پەدوگوگيكالىق ينستيتۋتقا بارعاندا قانشاما كونكۋرس بولۋ كەرەك. ويتكەنى، ونىڭ ومىردەگى ورنى بولەك. سەبەبى، ونىڭ الەۋمەتتىك ستاتۋسى وزگەرەدى. ونىڭ مارتەبەسى زاڭمەن قورعالعان. ويتكەنى ونداي ءمۇعالىم مارتەبەسى باسقالاردا جوق. ءبىز سول كەزدە عانا جوعارى ءبىلىمدى پەداگوگقا جانە ساپالى بىلىمگە قول جەتكىزەمىز»، - دەدى پرەمەر-مينيستر.
پرەمەر-مينيستر وسىلايشا پەداگوگيكا سالاسىن تاڭداعان ستۋدەنتتەرگە تالاپتى كۇشەيتۋ كەرەكتىگىن ايتتى. ەندى بولاشاقتا ۇستازدىق ماماندىق كەز-كەلگەن تالاپكەر ءۇشىن بۇرىنعىداي قولجەتىمدى بولماۋى مۇمكىن.
«ايتەۋىر وقۋعا ءتۇسۋ كەرەك بولسا، پەداگوگيكالىق ماماندىققا تۇسە سالسىن دەيدى. ايتەۋىر ءبىلىمى جوق دەگەننەن گورى... سول بالا ءتۇستى، ءبىلىمىن الىپ شىقتى. ەندى قايدا بارىپ جۇمىس ىستەيدى؟ اۋىلعا جىبەرەمىز. ستەپەندياسىن الدى، ءۇي بەردى، ۇيلەندى. ءسويتىپ قالدى سول جەردە. ءبىراق اسىپ بارا جاتقان ءبىلىمى جوق، ول مەكتەپتەگى بالانى وقىتادى. ول نە ءبىلىم بەرەدى وعان؟!»، - ب. ساعىنتايەۆ.
پرەمەر-مينيستر تالدىقورعاندا العاش رەت اشىلعان №28 ءىت ليسەيدە ءبىلىم سالاسىنداعى رەفورمالاردى تىزبەكتەپ بەردى. ءمۇعالىم مارتەبەسىن كوتەرۋدە ۇستازداردىڭ دا ءبىلىمدى دە بىلىكتى، ىزدەنىمپاز ءارى شىعارماشىل بولۋى قاجەتتىگىن تىلگە تيەك ەتتى.
قازاقپارات
You Might Also Like
-
جارتاس قالاسىندا ەن كيىن نارسە نە دەسەڭىز جۇرتتىڭ بارلىعى ويلانباستان «مونشا» دەپ جامىراپ جاۋاپ بەرەدى. ۇيىندە شۇمەكتەن ىستىق سۋ ساۋلاپ تۇرعاندار مۇنىن جايىپ قايدان ءبىلسىن. ال جارتاستىق...
-
ءبارى دە تۋىسقان بولعىسى كەلىپ قالىپتى، باۋىرىما كىرىن ءولىپ بارادى. شىركىن-اي، دەسەڭىزشى. مەن دەگەندە انجىرلانىپ قاتقان مۇزى ەرىپ كەتكەن بولار ما؟ ەمەتايى ەزىلىپ بارا جاتقانداي سالەم بەرەيىك دەپ ەدى...
