InfoHub Logo

وڭتۇستىك قازاقستان وبلىسى
شاردارا اۋدانى
«ۇزىن-اتا» جالپى ورتا مەكتەبى
11^ءا سىنىپ وقۋشىسى: مىسقالبايەۆا ۇلنازىك

 

انا ءتىلدى قادىرلەپ ۇستايتىن ۇلتتىڭ بولاشاعى جارقىن. سەبەبى، ءتىل قاي ەلدە، جەردە بولماسىن ەڭ قاسيەتتى دە قاستەرلى. ءتىل-اربىر تاۋەلسىز ەلدىڭ ماقتانىشى، ابىرويى. ول اتادان بالاعا ساقتالاتىن كيەلى مۇرا. ءتىل-باعا جەتپەس قازىنا. دەمەك، ءار ۇلت، ءار ازامات ءوز انا ءتىلىن كوزىنىڭ قاراشىعىنداي قورعاۋى ءتيىس دەپ بىلەمىن.

مەنىڭ ءتىلىم-قازاق ءتىلى. مەن ونىڭ شۇبارلانۋىنا، اياققا تاپتالۋىنا ءاردايىم قاسقايا قارسى تۇرۋعا قاۋقارلىمىن. قازاق ءتىلىم بايلىعىم، رۋحاني جان دۇنيەمنىڭ ايناسى، وتانىمىزدىڭ وسىپ-ونۋىنە بىردەن-بىر سەپتىگىن تيگىزەر ماڭگىلىك مۇرا. ەلىمىزدىڭ بولاشاعى-ونىڭ انا ءتىلى. ول ءاردايىم بىزبەن ءومىر سۇرەرى استە بەلگىلى. ءتىل ءبىزدىڭ باقىتىمىز بولسا، ءتىلدىڭ باقىتى-ونىڭ بولاشاعىنىڭ جارقىن بولۋى، ۇلتىنىڭ ونى ءقادىر تۇتا ءبىلۋى دەپ بىلەمىن «انا ءتىلى-حالىق بوپ جاساعاننان بەرى جان دۇنيەمىزدىڭ ايناسى، ءوسىپ-ونىپ تۇرلەنە بەرەتىن، ماڭگى قۇلامايتىن بايتەرەگى»-دەپ جۇسىپبەك ايماۋىتوۆ ايتقانداي، پاتريوت ازاماتتىڭ جۇرەگى قاشاندا ءتىلى، ءدىنى بولىپ سوعۋى ءتيىس. سەبەبى، قازاق ءتىلى - رەسپۋبليكامىزدىڭ مەملەكەتتىك ءتىلى. ەلىمىزدە جۇرگىزىلەتىن ءىس-شارالار، قۇجاتتار، قاعازدار مىندەتتى تۇردە مەملەكەتتىك تىلدە بولۋى قاجەت. ويتكەنى وركەنيەتكە قۇلاش ۇراتىن ەلدىڭ ءورىسى قاشاندا بىلىكتى دە سانالى ۇرپاق پەن كوبەيەتىنى بەسەنەدەن بەلگىلى. ءبىزدىڭ ماقساتىمىز-الەمدەگى ءمۇيىزى قاراعايداي ەلدەردىڭ قاتارىندا بولۋ. بۇل كوزدەگەن مۇراتقا جەتۋ ءۇشىن،ساۋاتتى ۇل مەن قىز تاربيەلەۋ قاجەت. ول دەگەنىمىز - ءوز انا تىلىندە ياعني قازاق تىلىندە ەركىن سويلەپ، ونى تەرەڭىنەن مەڭگەرە بىلگەن ۇل مەن قىز.

ءاربىر ادام ءوز انا تىلىندە سويلەۋگە مىندەتتى. مەن وتانىمدى،تاۋەلسىز قازاقستانىمدى،قاسيەتتى دە قاستەرلى مەكەنىمدى، بايلىققا، قازىناعا تولى جەرىمدى، ەڭ باستىسى بولاشاعى ايقىن، كەلەشەگى جارقىن قازاق ءتىلىمدى ماقتان ەتەمىن.

---