InfoHub Logo

 

بۇگىنگى تاڭدا تاريحتا "قازاق" جانە "قازاقستان" اتاۋىنىڭ شىعۋ تەگى تۋرالى قوعامدا ءتۇرلى تۇجىرىمدامالار مەن كونسەپسيالار قالىپتاسقان. قازاقستان رەسپۋبليكاسى تاۋەلسىزدىك العاننان بەرى بۇل تاقىرىپ زەرتتەۋشىلەردىڭ نازارىنا ىلىگىپ، ءالى كۇنگە دەيىن وزەكتىلىگىن جوعالتپادى. ءبىراق، كونە دەرەكتەردىڭ ءوزى دە ناقتى مالىمەت كوزى رەتىندە بولا الادى.

«قازاقستان» اتاۋىنا عانا ەمەس، قازىرگى تاڭدا ءتول تاريحىمىزدا كوپتەگەن اق تاڭداق تۇستار بار، ءبىراق كەيبىر ناقتى مالىمەتتەر بەلگىلى ءبىر دارەجەدە تولىق ايتىلماي جاتادى. سونىڭ ىشىندە «قازاقستان» اتاۋىنا بايلانىستى ەل اراسىنداعى اتاۋدىڭ قالاي جانە قايدان پايدا بولعاندىعى تۋرالى ماسەلەلەر قوعامداعى نەگىزگى سۇراقتاردىڭ ءبىرى بولىپ تابىلادى. ءتىپتى، «ستان» جۇرناعىنا قارسىلىق ءبىلدىرىپ،جاتسىنعاندار دا بار ەمەس پە؟

ءبىراق، قازاقستان اتاۋى ورتا عاسىرلار شەنىندە قولدانىلعانىنا ءزاين-اد دين ءۆاسيفيدىڭ "باداي - ءال ۆاكاي" نەمەسە "تاڭعاجايىپ وقيعالار" ەڭبەگى دالەل بولا الادى.

«قازاقتاردى جەڭۋ» اتتى بولىمىندە قازاق ەلى قازاقستان دەپ اتالعاندىعى جازىلعان. دەرەكتىڭ ءبىز ءۇشىن باستى قۇندىلىعى دا وسى بولىپ تابىلادى. بۇل مالىمەتكە سۇيەنسەك، قازىرگى قوعامداعى جوعارى دا ايتىلعانداي تەرىس تۇجىرىمدامالاردى جوققا شىعارۋعا مۇمكىندىك بەرەدى. پارسى تىلىندەگ «-استون»، «-ەستون» جۇرناقتارى تەك قانا رۋ، تايپا، حالىق اتاۋلارىنىڭ سوڭىنا جالعانادى دا، ولاردىڭ مەكەن-جايىن، ايماعىن ءبىلدىرىپ، جاڭا ءسوز قۇرايدى. تۇجىرىمداما بويىنشا، «ستان» جۇرناعى جايدان-جاي پايدا بولماعان، ونىڭ تۇپكىلىكتى ماعىناسى «جەرگىلىكتى جەرى» دەگەن ماعىنانى بىلدىرەدى،ياعني قازاقتاردىڭ جەرگىلىكتى جەرى دەگەن ۇعىمعا يە بولعان. وسىنداي ورتاعاسىرلىق ءبىر عانا دەرەك قازاقستان تۋرالى وبەكتيۆتى،دالەلدى مالىمەت بەرە الدى.

بۇگىندە تاۋەلسىز، ازات، ەگەمەن ەل رەتىندە قازاقستان اتاۋىمەن بارشا الەمگە ءوزىمىزدى پاش ەتىپ كەلەمىز. وسى جولدى بەرىك ۇستاپ، رۋحاني قۇندىلىقتارىمىزدى ۇلىقتاي بەرەيىك.

---