InfoHub Logo

بۇگىندە ماتەريالدىق قۇندىلىقتاردى ىسىراپ، رۋحاني بايلىعىن بيىك شىڭعا قوياتىن، كوپتەن كوز سالاتىن حالىقتاردىڭ ءبىرى - قازاق حالقى. مادەنيەتىن بەرىك ساقتاپ، ادەت-عۇرپىنان اتتاپ وتپەي، نانىم-سەنىمدەرىمەن ءومىر ءسۇرىپ كەلە جاتقان حالقىمىزداڭ راسىمەندە ىشكى جان دۇنيەسى باي.

بۇرىڭعى ساق داۋىرىنەن كەلە جاتقان، وتقا تابىنۋ، تاساتتىق جاساۋ، الاستاۋ سياقتى نانىم-سەنىمدەردى ءبىرى شامانيزگە جاتقىزسا، ءبىرى ءالى كۇنگە دەيىن سول شارالاردى تۇرمىسىندا ءجيى قولدانۋدا. سوندا بۇل جاسالاتىن سالتتىڭ ءمانى نەدە؟

الاستاۋ - بالانى بەسىككە بولەردە، نە جاڭا ۇيگە قونىستاعاندا، وتباسىداعى اجە اپالارىمىز ونى مىندەتتى تۇردە وت جاعىپ، الاستايدى. ياعني جىن-شايتانداردى قۋۋ ماقساتىندا جاسالىنادى. شاكارىم اتامىز ايتقانداي "سەنىمسىز - يمان جوق" دەمەكشى، جىنعا سەنبەيتىن جانداردىڭ ءوزى بۇل نانىمنان اتتاپ وتپەيتىنى انىق

ءدال وسىندا قازاق حالقىنىڭ نانىم-سەنىمىنە كىرگەن ءبىر ءداستۇر - قورقىتىق قۇيۋ. بۇل، ادام شوشىڭعاندا، الدەنە ءبىر ءجايسىز حابار ەستىپ، اۋىر جاعدايعا دۋشار بولىپ، جۇرەگى تايعاندا جاسالىناتىن ىرىم. ەڭ الدىمەن قورعاسىندى ىستىق جالىننىڭ استىندا ەرىتىپ الادى. ادام وتىرعان كۇيدە ۇستىنە اقتىق جاۋىپ، توستاعاندا سۋىق سۋدى ۋستاپ، قىزعان قورعاسىندى اڭداتپاي قۇيادى. اششى داۋىستان اقتىق استىندا وتىرعان ادام شوشىپ، تايعان جۇرەگى قايتا ورنىنا كەلەدى دەپ سەنەدى. ال كەي ءبىر جاعدايدا، سۋىق سۋعا تۇسكەن قورعاسىن قاتتى كۇيدە قاتىپ، ادام نەدەن شوشىعانىن كورسەدەدى دەيدى. 

قازىرگى تاڭدا جاس بۋىندار بۇنداي جاعدايدا كوبىنە پسيحولوگتارعا جۇگىنەدى. الايدا ۇلكەن بۋىندى اعا-اپالارىمىز وزىنەن كەيىنگى جاستارعا بۇل سالتتى دارىپتەيتىنىن ايقىن. مەنىڭشە قانداي دا ءبىر پسيحولوگ ماماندارعا قاراعاندا، قيىنشىلىقتارمەن ۇلكەن بۋىندى اجەلەرىمىزبەن بولىسسەك شەشىمىن تاباتىنىمىزعا ەش ءشۇبا كەلتىرۋگە بولمايدى. كوپتى بىلگەننەن ەمەس كورگەننەن سۇرا دەمەكشى، ءوزىنىڭ ومىرلىك تاجىريبەسىنەن كورگەن اتا-اجەلەرىمىزدىڭ ءسوزى مەن سالتى بىزگە پايداسىن تيگىزگبەسە، زيانى جوق، ءتىپتى بۇنى شامانيزم ادەتىنە جاتقىزسادا، كەشەگى ءتۇن بۇگىنگى كۇنمەن جالعاسۋدا.

كۋاتوۆا اسەليا كۋانىشبەكوۆنا

---