قۇتتىقتايمىز!
ساكەن يماناسوۆقا
سىرلاساتىن داۋىرمەنەن، عاسىرمەن،
بىرگە تۋعان قۇدىرەت جىر — اسىلمەن.
اقىن ساكەن، — ولكەمىزدىڭ ورەنى، —
قۇتتىقتايمىز كەمەلدەنگەن جاسىڭمەن!
ەلۋ جاستا ساكەنىمىز — جانى ىزگى،
الاكولدە سالىپ ەدىڭ سان ءىزدى.
اقىندىققا ۇمتىلعان سول ۇلى جول
تالاپكەردەن باستالاتىن ءتارىزدى.
وسى جەردە جىرىڭ سەنىڭ گۇل اتتى،
جۇگەندەدىڭ اساۋ پەگاس — پىراقتى.
وتتان ىستىق وتان ءسوزى سەن ءۇشىن
الاكولدەن باستالاتىن سياقتى.
ەلۋ جىلدا ەل جاڭاردى، كوگەردى،
كەمەل جاسقا كەلدىڭ بيىل سەن ەندى.
كوتەرىلدىڭ بيىكتەرگە القىنباي،
ارتقا تاستاپ تالاي اسۋ، بەلەڭدى.
ەلۋ — تال ءتۇس، الىس ءالى ەكىندى،
جىرىڭ ءقازىر ءبىر بيىككە بەكىندى.
الاكولدىك ارىندى اساۋ اقىندىق
ءبىر وزىڭنەن باستالاتىن سەكىلدى.
"جاڭا ومىردە" قالامىڭدى شىندادىڭ،
جەر تارپىدى اساۋ تۇلپار — جىرلارىڭ.
"ادىرناڭدى" الا ەگىزدەي موڭىرەتىپ،
جىر — ساداعىن شىرەي تارتىپ تۇرعانىڭ.
وسىلايشا وتە بەرسىن اسىل كۇن،
جارقىراي بەر، سىنىعى ەدىڭ اسىلدىڭ.
ەلۋ دەگەن ءوزىڭ ءۇشىن تۇك ەمەس،
ارقالايتىن تۇتاس جۇگىن عاسىردىڭ.
تالدىقورعان وبلىسى، الاكول اۋداندىق
"جاڭا ءومىر" — "نوۆايا جيزن" گازەتى رەداكسياسىنىڭ كوللەكتيۆى.
ءۇشارال قالاسى، 2 ماي 1988 جىل
You Might Also Like
-
"ءومىربايانىما قوسىمشا دەرەكتەردى ولەڭدەرىمنەن تاباسىز..." وسى ويدى سەرگەي ەسەنيننەن باستاپ، اقىندار اۋلەتىنىڭ ءار بۋىن وكىلدەرى ءجيى قايتالايدى. اسىلى، ولەڭدەرى وزگەشە ءومىربايانعا اينالاتىنىن...
-
اقىن بولىپ جارالىپ، اللانىڭ بەرگەن دارىنىن توگىپ الماي ۋىسىنا مىعىم ۇستاپ، كەمەلىنە كەلىپ، بەرەرىن ەلىنە مولىنان بەرىپ وتىرعان، بۇگىندەرى ارقالى اقىنىمىز الاكولدەن ءوسىپ-ونىپ، بۇكىل الاشتىڭ پوەزيا پ...
