ساكەن يماناسوۆ شىعارماشىلىعى تۋرالى
ساكەن يماناسوۆ قازىرگى قازاق پوەزياسىنىڭ كوش باسىندا تۇرعان اسا تالانتتى اقىن. ول ەشقاشان بيلىكتىڭ جەتەگىندە جۇرمەگەن، شىعارماشىلىعىن كۇيبەڭ تىرلىكتىڭ شىلاۋىنا سالماعان، كۇنكورىستىڭ كوزىنە اينالدىرماعان دارىن. ول ۇلى شىندىقتىڭ ءسوزىن سويلەگەن بۇحار جىراۋ، شالكيىز، ماحامبەت، اباي، ماعجان سياقتى قازاق ۇلتىنىڭ رۋحاني كوسەمىنە اينالعان دانا بابالارىمىزدىڭ ءداستۇرىن جالعاستىرۋشى، ەشكىمگە ۇقساماس مانەرى، ايبىندى ءۇنى بار اقىن. ساكەن يماناسوۆ تۆورچەستۆوسىنىڭ اۋقىمى كەڭ، ول مىناۋ كۇردەلى دۇنيەنىڭ ءاربىر قۇبىلىسىنا سەرگەك قارايتىن، ويى كەمەل دە تەرەڭ قالامگەر.
"وتكىردىڭ ءجۇزى" كىتابى اقىننىڭ ءبىر بەلەسى. بۇل جيناقتا ءالسىز ولەڭ جوق. زاماننىڭ ۋايىمى، حالىقتىڭ مۇڭى اقىن ولەڭدەرىنىڭ وزەگى. ونىڭ قايسى ولەڭىن وقىساڭىز دا بەي-جاي وتىرا المايسىز. اقىننىڭ ءسوزى الماستاي وتكىر، تيگەن جەرىن ءتىلىپ تۇسەدى. ول جوعارىعا جالتاقتامايدى، بۇقپايدى، ىقپايدى. بۇل ءور مىنەزدى اقىننىڭ تابيعاتىنا ءتان قاسيەت.
You Might Also Like
-
جەرلەسىمىز ساكەن يماناسوۆ ءوزىنىڭ جاڭا كىتابىن جيناقتىڭ ەكىنشى بولىمىندەگى "عاشىق دۇنيە" دەگەن ولەڭ تاقىرىبىمەن اتاپتى. اۆتوردىڭ جىرلار جيناعىن وسىلايشا اتاۋ سەبەبىن اتالمىش ولەڭنىڭ وزىنەن...
-
الپىسىنشى جىلداردىڭ باس كەزىندە قازاق پوەزياسىنا تەگەۋرىندى ءبىر جاس تولقىن، جاڭا تولقىن كەلىپ قوسىلدى. وسى تولقىننىڭ الدىڭعى لەگىندە اقىن ساكەن يماناسوۆ بار ەدى.
