روسسيانىڭ كوممۋنيستەر پارتياسى 25-كە تولدى
14-ناۋرىزدا روسسيانىڭ كوممۋنيستەر پارتياسىنىڭ قۇرىلعانىنا 25 جىل تولدى.
1898 جىلدىڭ 14-ناۋرىزگ — مينسك قالاسىندا قازىرگى جەر-دۇنيەگە قۇلاشىن ارتىپ، جەر-دۇنيەدەگى بارلىق مادەنيەتى زور مەملەكەتتىڭ بارىنە جايىلعان كوممۋنيست پارتياسىنىڭ ەڭ العاشقى نەگىزى، ىرگەسى سالىنعان كۇن.
سول 1898 جىلدىڭ 14-ناۋرىز كۇنى ەڭ العاشقى جينالعان 12 كىسى كوممۋنيست پارتياسىنىڭ ەڭ العاشقى جوباسىن ءتىزۋ تۋرالى ءھام پاتشا ۇكىمەتىمەن كۇرەسۋدىڭ تاسىلدەرى تۋرالى ءسوز اشتى. ءقازىر وعان 25 جىل ءوتتى. ەندى سول 25 جىلدىڭ ىشىندە كوممۋنيست پارتياسى ەرجەتىپ، كۇللى دۇنيەگە قۇلاشتاپ قاناتىن جايدى.
كۇللى جەر-دۇنيەنى جارلى تابى ساياسىنا الدى. بۇل 25 مۇشەلى تولعانىن كوممۋنيست پارتياسى جاريالاپ، وتكەن ومىرىندە قانداي جولمەن ءجۇرىپ، قانداي وتكەلدەردەن وتكەنىن، قانداي حال دەردى باسىنان كەشىرىپ وتكىزگەنىن ەسىنە سالىپ وتپەك ءھام بۇل 25 جىلدىق ءومىرىنىڭ دانىمەن جالپى جارلى تابىن تانىستىرىپ وتپەك.
بۇل تۋرالى پارتيانىڭ ورتالىق جوعارعى مەكەمەلەرى جەر-جەرلەردەگى پارتيا مەكەمەلەرىنە نۇسقاۋ بەردى.
25 جاسقا تولعان تاريحي كۇنىن جاقسىلاپ وتكىزۋگە پارتيا مەكەمەلەرى دايىندالۋى كەرەك.
1923 جىل
You Might Also Like
-
وتكەن 1922 جىل بويى ەۋروپانىڭ قازىرگى بايلار، مىرزالار بيلەگەن ۇكىمەتتەرى جەر جۇزىنە «تىنىشتىق ورناتپاق» بولىپ ەۋروپانىڭ ءار قالاسىندا جينالىپ ءمۇلايىم، كۇلكى سوزدەردى سويلەپ تارقاسىپ، ءاۋ...
-
ماسكەۋدە شىعاتىن «پراۆدا» گازەتىنىڭ 61-نومىرىندە (20- ناۋرىزدا شىققان نومىرىندە) كارل رادەك جولداس «مادەنيەتتى ەۋروپانىڭ جۇرەگىندە» دەگەن ماقالا باسىپ، وندا مىنا تومەندەگىلە...
