ساۋ قاز
بۇل كۇيدىڭ اڭىزى «اقساق قاز» كۇيىنىڭ اڭىزىنا جالعاس ايتىلىپ، كۇيدىڭ ءوزى دە جالعاس تارتىلادى.
...سونىمەن، سۇر مەرگەننىڭ وعىنان جارالى بولىپ، ۇيىرىمەن بىرگە جىلى جاققا ۇشىپ كەتە الماي، ەنە قاز يەسىز ارالدا زارلاپ جالعىز قالادى. باۋىرىنا باسقان بالاپاندارىنان ايىرىلىپ، قاناتتاس سەرىگى اتا قازدان كوز جازىپ، قاسىرەت شەرىن توگەدى. ساپ تۇزەپ، مونشاقتاي تىزىلگەن ۇيالاس قازداردىڭ سوڭىنان تەلمىرە قارايدى. قوس قاناتىن كەرە سەرپىپ ۇشپاق بولادى. ءبىراق باۋىرىمەن جەر سوعىپ، دارمەنى تاۋسىلا سۇڭقىلدايدى.
وسىنداي شاقتا تۋ سىرتىنان ساڭق ەتكەن اتا قازدىڭ ءۇنى ەستىلەدى. بالاپاندارىن قالىڭ قۇستىڭ لەگىنە قوسقان اتا قاز قاناتتاس سەرىگىن قيماي قايتا ورالعان ەكەن. ەنە قازدىڭ ەت جۇرەگى ەلجىرەپ، سىڭسىپ جىلاعانداي ءۇن شىعارادى. اتا قازعا جۇپ-جۇمىر موينىن سوزىپ، يىعىنا يەك سۇيەيدى.
اتا قاز بولسا كەۋدەسىمەن دەمەپ، قاناتىمەن جەلپىپ، وزىنە ىلەستىرمەك بولىپ الەك. امال قانشا، اقساق قازدا دارمەن جوق. قاناتىمەن جەر ساباپ، قامىعا سۇڭقىلدايدى.
دارمەنى تاۋسىلعان اتا قاز دا اھ ۇرىپ، قوش-قوشىن ايتۋعا ءماجبۇر بولادى. ومىرلىك سەرىگىنەن تىرىدەي ايىرىلىپ، زار توگە الىستاي بەرەدى...
وسى كورىنىستى كۇيشى دومبىراعا ءتۇسىرىپ، قوس قازدىڭ سەزىم كۇيىن، تاعدىر تالايىن قوس ىشەكپەن سويلەتكەن ەكەن.
You Might Also Like
-
ەرتەدە، جاۋگەرشىلىگى مول زامان بولسا كەرەك. بىردە، قاننەن-قاپەرسىز بەيبىت جاتقان اۋىلدى جاۋ شاۋىپ، ويرانىن شىعارادى. ويدا جوقتا باستالعان الاساپىراندا ءبىر بالاجان انا ەسەيىپ قالعان جالعىز بالاسىن ق...
-
تەپەڭكوك ءاۋ باستا ءبىر بايدىڭ قويعا سالعان شابان اتى ەكەن. مىڭ سالسا ءبىر باسپايتىن شاباندىعىنا بولا تەپەڭكوك اتانسا كەرەك.
