سەنات دەپۋتاتتارى عىلىمي تەحنولوگيالىق جەتىستىكتەر كورمەسىمەن تانىستى (فوتو)
الماتىدا ق ر پارلامەنتىنىڭ سەنات دەپۋتاتتارى ق.ي.ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىندە رەسپۋبليكالىق جانە حالقارالىق دەڭگەيدەگى عىلىمي جانە ءبىلىم بەرۋ سالاسىنىڭ تەحنولوگيالارى كورمەسىمەن تانىستى.
كورمەگە قويىلعان 10-نان استام جوبانى تاماشالاعان دەپۋتاتتار عىلىمي جەتىستىكتەردىڭ وندىرىسكە ەنگىزۋ، عىلىمي جۇمىستارى كوممەرسيالاندىرۋ ماسەلەلەرىن تىلگە تيەك ەتتى.
«بىزدە عىلىمي جەتىستىكتەر كوپ. ولاردىڭ كوبى ەكونوميكادا وندىرىسكە ەنگىزىلمەگەن. ءبىزدىڭ ماقساتىمىز - وسىنىڭ قۇقىقتىق، ەكونوميكالىق، ۇيىمداستىرۋشىلىق مەحانيزمدەرىمەن عالىمداردى، بيزنەستى سول جۇمىسقا ىنتالاندىرۋ. پارلامەنتتە «عىلىم» تۋرالى زاڭ شىقتى. عىلىمي تەحنولوگيالىق جۇمىستى كوممەرسيالاندىرۋ تۋرالى زاڭ شىقتى. ول قالاي ەنگىزىلىپ جاتىر؟ قانداي ناتيجە بەرەدى؟ ۇكىمەت، مينيسترلىكتەر، عزي تاراپىنان ءتيىستى زاڭدى اكتىلەر، رەگلامەنتتەر كەرەك. زاڭدى كوبى بىلە بەرمەيدى. ينستيتۋتتاردا، جوو، مەكەمەلەردە ءتيىستى ترەنينگ، سەمينارلار اتقارىلۋى كەرەك. عىلىمدى قاراجاتتاندىرۋعا مەملەكەت تاراپىنان جىلدا كوپ بولىنەدى. ءبىراق بيزنەس وعان بەت بۇرماسا ناتيجە بولمايدى. سول ءۇشىن ارنايى ۇلتتىق تەحنيكالىق ۋنيۆەرسيتەتكە كەلىپ، عالىمدارمەن اقىلداسىپ جاتىرمىز. قارجىلاندىرۋدىڭ ارنايى ەكونوميكالىق، قۇقىقتىق مەحانيزمدەرى بار. عىلىمي جۇمىستى كوممەرسيالاندىرۋ تۋرالى زاڭدا قاراستىرىلعانداي، ەڭ الدىمەن عىلىمي زەرتتەۋ جۇمىسىنىڭ ناتيجەسىن وندىرىسكە ەنگىزىپ جاتقان ۇجىمدارعا ءتيىستى سالىقتىق جەڭىلدىكتەر بەرىلەدى»، - دەدى سەناتتىڭ سالالىق كوميتەتىنىڭ ءتوراعاسى اقان بيجانوۆ.
ايتا كەتۋ كەرەك، قازۇزتۋ-دا وتكەن كورمەگە عالىمدار مەن ستۋدەنتتەردىڭ 10-نان استام جوبالارى قويىلدى. اتاپ ايتقاندا تاۋ-كەن وندىرىسىندەگى، مەتاللۋرگيا، گيدروگەولوگيا سالالارىنداعى جوبالار كوپ.
«وندىرىسكە ەنگىزىلىپ جاتقان جوبالار بار. الدىمەن اپروباسيادان وتەدى. ولاردىڭ ءبىرى كوممەرسيالاندىرۋ تەحنولوگياسى بويىنشا مۇناي قالدىعىن جەردەن سورۋ، گيدروگەلمەن ءپوليساحاريدتى قۇبىرعا جىبەرىپ، تەسىكتەردى بىتەپ، جوعارىعا سىعىندى رەتىندە يتەرىپ شىعارادى. بۇل جوبا «قاراجامباسمۇناي»، «تورعايپەترولەۋم» وندىرىسىندە تەستىلەۋدەن ءوتىپ جاتىر. ال ەلەكترزاريادتاۋ ستانسياسى جوباسى كەشە مەگاسەنتردە ورناتىلدى. ءبىزدىڭ ۋنيۆەرسيتەتتە دە بار. بۇل جوبانىڭ دا بولاشاعى زور. بارلىق قازاقستاندىقتار ءتۇبى ايتەۋىر ەكولوگيالىق ءقاۋىپسىز قۋات كوزىنە كوشەتىنى بەلگىلى»، - دەدى ۋنيۆەرسيتەتتىڭ كوممەرسيالاندىرۋ تەحنولوگيا ءبولىمىنىڭ باستىعى الدوڭعاروۆ ەسەن.
بۇگىن اتالعان وقۋ ورنىندا «عىلىمنىڭ ەكونوميكاعا ينتەگراسيالانۋى» تاقىرىبىندا كونفەرەنسيا وتەدى. جيىنعا ق ر بعم ەرلان ساعادييەۆ، جوو باسشىلارى، عالىمدار مەن ءىرى بيزنەس يەلەرى قاتىسادى.
دەرەككوز: inform.kz
You Might Also Like
-
ماركەتولوگتى، تجم جۇمىسشىسىن، الەۋمەتتانۋشىنى، كوممۋنيكاسيانى جاساۋشىنى جانە ۇكىمەتتىك مەكەمەنىڭ قىزمەتكەرىن نە بىرىكتىرەدى دەپ ويلايسىز؟ ولاردىڭ بارلىعى دا بەلگىلى ءبىر اۋداندا قانشا ادامنىڭ تۇرىپ ...
-
بۇگىن قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ ۇيىمداستىرۋىمەن ءبىر مەزەتتە ەلىمىزدىڭ جەتى وبلىسىندا رەسپۋبليكالىق «ى. التىنسارين - 2016» پاندىك وليمپياداسى ءوتتى.
