InfoHub Logo

5 "ا" سىنىبى مەكتەپىشىلىك فەستيۆالعا ءوز دايىندىعىن كەش باستادى. باسقا سىنىپتىڭ تالىمگەرلەرى ءوز سىنىپتارىمەن دايىندىق جۇمىستارىن جۇرگىزىپ كەتكەن ۋاقىتتا 5 "ا" سىنىبىنىڭ تالىمگەرى دايىندىق جۇمىستارىنا كەلە المايتىن بولدى. وسى كەزدە سىنىپتىڭ دايىندىعىن سىنىپ جەتەكشىسىنىڭ ءوزى شۇعىل قولعا العان ەدى.
باستاۋىش سىنىپتا ساباق بەرگەن اعايلارى بۇلاردى باستاۋىش مەكتەپتەن كەيىن ۇلكەن مەكتەپكە شىعارىپ سالدى. وسى كەزدە باستاۋىشتى ەندى عانا ءبىتىرىپ كەلگەن بۇلاردى تاجىريبەلى ۇستاز اپاي قارسى العان ەدى. ول كىسى ءبىر جىل سىنىپ جەتەكشىلىك جاساعاننان كەيىن ءوز شاكىرتتەرىن جاسى
كىشى ارىپتەسى - ەر مۇعالىمگە تابىستادى. بۇل سىنىپ جەتەكشىلەرى دە تاجىريبەلى ۇستاز بولاتىن. ەندى سول اعايلارى فەستيۆالعا دايىندىق جۇمىستارىن باستاپ تا كەتتى.
باعدارلاما ءتۇزىلىپ جاتتى. ستاروستا قىز ءان سالاتىن بولدى. دۇنگەنباي بوتبايەۆتىڭ انا تۋرالى ءانى.

دامىلداپ وزەندەر دە،
كۇن باتىپ، كۇن شىعادى.
مەن ءۇشىن كوزىڭدى ىلمەي،
اناشىم، ءجۇرسىڭ ءالى، ءجۇرسىڭ بە ءالى؟

دۇنيە قۇلپىرادى،
بويالىپ دالا نۇرعا.
سوندا دا مەن تۇرامىن،
كوزىڭنىڭ جانارىندا.

سىنىپتىڭ وترياد سوۆەتى پرەدسەداتەلدىگىن ۇستازى بۇعان جۇكتەگەن ەدى.

- سەن كوركەمسوز وقيسىڭ، - دەدى اعايى بۇعان قاراپ.

- جاقسى. "جايلاۋىندا جۇرگەن جىگىت باعىپ قوي، دوس كەلدى دەپ جاساپ جاتىر انىق توي..."

- جوق. ول كوركەمسوزدى وقىمايسىڭ. ويتكەنى ول ولەڭ - كوركەمسوز رەتىندە كوپ وقىلعان ولەڭ. مۇنى باسقا سىنىپتىڭ كوركەمسوز وقۋشىلارى دا وقۋى مۇمكىن. ءار نارسەدەن شىعاتىن سالداردى ادام الدىن الا ەسكەرىپ وتىرۋى كەرەك. سوندىقتان ساعان كوركەمسوزدى ءوزىم تاۋىپ اكەپ بەرەمىن.

تاۋىپ اكەلىپ بەردى.

- كوركەمسوز وقۋ - وزىنشە ءبىر ونەر، - دەدى اعايى. كوركەمسوز ءبىر ورىندا قاتىپ قالعان كۇيدە وقىلمايدى. ولەڭدى وقۋشى ادام ولەڭگە ءوزىنىڭ ىشكى جان-دۇنيەسىن بەرە وتىرىپ وقۋ كەرەك. سوعان وراي قولدىڭ قيمىلى دا بولادى. ۇلكەن ساحنالارداعى كوركەمسوز وقۋشىلاردى كورىپ ءجۇرسىڭ بە؟ كوركەمسوز سولارشا وقىلۋى كەرەك.

- ءبىزىڭ ءبيشى قىزىمىز بار، - دەدى اعايى باعدارلامانى جاساقتاپ بولعاننان كەيىن سىنىپقا قاراپ تۇرىپ. - مۇمكىن ءبىز وعان شىعىس بيلەرىنىڭ ءبىرىن دايىنداپ بيلەۋدى ۇسىنارمىز. ءبىراق بي - بىردەن-بىر مۋزىكاعا تاۋەلدى ونەر. سوندىقتان مەن شاكىرتىمدى ءوزىم سۇيەمەلدەيمىن. بۇل جاعىنان ءبىز فەستيۆالدا ۇتاتىن بولامىز.

اعايلارى ءاۋ باستا مۋزىكا ءپانىنىڭ ءمۇعالىمى بولعىسى كەلىپتى. سونان سوڭ ادەبيەت ءپانىنىڭ ءمۇعالىمى بولىپ كەتكەن. ءبىراق بۇدان مۋزىكاعا دەگەن قۇشتارلىعى كەمىمەسە كەرەك.

- دومبىرا اسا تاڭسىق اسپاپ ەمەس قوي، - دەدى اعايلارى. - ەڭ دۇرىسى ماندولين دەپ ويلايمىن. مەن شاكىرتىمدى ماندولينمەن سۇيەمەلدەيمىن.

فەستيۆالعا جينالعان جاننىڭ ءبارىنىڭ قوس جانارى ماندولين اسپابىندا ويناپ وتىرعان ۇستازدارىنىڭ ساۋساعىنا قادالدى دا قالدى. ماندولينادان توگىلگەن شىعىس سازىنىڭ اۋەنىنە شاكىرت قىز مىڭ بۇرالدى.
سول جولى 5 "ا" سىنىبىنا مەكتەپىىشىلىك فەستيۆالدىڭ ءبىرىنشى جۇلدەسى بۇيىرعان ەدى.
اعايلارى بۇلارعا 9-سىنىپقا دەيىن جەتەكشىلىك جاسادى. سونان سوڭ ءبىتىرۋشى سىنىپتا بۇلاردى وزىنەن جاسى كىشى ارىپتەسى - ەر مۇعالىمگە تابىستادى.
باستاۋىش سىنىپتان ءبىتىرۋشى سىنىپقا دەيىن بۇلارعا ءتورت ۇستاز - ءۇش ەر ءمۇعالىم ءبىر اپاي جەتەكشىلىك ەتتى. ولار: ءابدىرازاقوۆ نۇعىمان اعاي، باستاۋىش سىنىپتاعى ۇستازدارى، بايمانوۆا ايناش اپاي، ماتەماتيكا پانىنەن ساباق بەرگەن ءمۇعالىم، ول كىسى 4-سىنىپتا جەتەكشىلىك جاساعان بايىرعى، تاجىريبەلى پەداگوگ ۇستاز ەدى جانە وسىندا تىلگە تيەك بولىپ وتىرعان ۇستاز 5 - 9-سىنىپتار اراسىندا جەتەكشىلىك جاساعان - سۇندەتوۆ
ءجاندىلدا اعاي، قازاق ءتىلى مەن ادەبيەتى ءپانىنىڭ ءمۇعالىمى، سونىمەن قاتار ءبىتىرۋشى سىنىپتا جەتەكشىلىك ەتكەن ۇستاز - ساحييەۆ قۋانتقان اعاي، ورىس ءتىلى مەن ادەبيەتى ءپانىنىڭ ءمۇعالىمى. وسى ۇستازدارى بۇلاردى ءومىر ايدىنىنا شىعارىپ سالدى. بۇلاردىڭ بارلىعى دا - ءوز مەكتەپتەرىندە، قازالى اۋدانىنداعى №25 قازاق ورتا مەكتەبىندە، دارا، وزىندىك تۇلعالىق قاسيەتتەرگە يە بولعان ۇستازدار قاتارىنان سانالعان جاندار.

---