InfoHub Logo

سەمەي وبلىسى، قانبا دەگەن جەردە ون توعىزىنشى عاسىردىڭ اياق كەزىندە سەرىك دەگەن كىسى ءوزى ۇرى جانە ۇرى ۇستايدى ەكەن.

سەرىك ايتادى ەكەن:

— قۇداندالى جەردەن ءۇش رەت ۇرلاعانعا دەيىن بىلمەيدى، قايتا ءوزىڭدى جوقشى قىلىپ قويادى، — دەيدى ەكەن.

بىرەۋدىڭ مالىن الىپ سويىپ السا، يەسى سۇراپ كەلسە:

— ءسىزدىڭ مەندە جۇمىسىڭىز بار ما؟

— ءيا، بار، — دەسە،

— ءۇي ارتىنداعى بەتكە بارىپ سويلەسەيىك، — دەپ كىشكەنە بالاسىنىڭ قولىنا ەت تۋراپ سالعان توستاعان ۇستاتىپ، ءوزى قولىنا ءبىز الىپ بەتكەيدە وتىرادى.

— ال شارۋاڭىزدى ايتا بەرىڭىز.

— كەشە تۋ قۇناجىنىم جوعالدى. بەتى وسىلاي. ءسىزدىڭ جىگىتتەرىڭىزدەن كەلگەن سياقتى. سول مالىمدى اعايىنبىز عوي، قايىرساڭىز ەكەن، — دەدى مال يەسى.

سەرىك انت ىشەدى:

— ءبىرىنشى، ەگەر ءسىزدىڭ مالىڭىزدى الساق، قۇداي مىنا ءبىزدى ۇرسىن، — دەپ، قولىنداعى ءبىزدى جەرگە تۇيرەي ۇرادى ەكەن. ەكىنشى، ەگەر ءسىزدىڭ مالىڭىزدى الساق، قيا بەتتە بەرەلىك، — دەپتى. مال يەسى قيامەتتە دەپ تۇسىنەدى. ءۇشىنشى، ەگەر ءسىزدىڭ مالىڭىزدى جەسەك، بالامىزدىڭ ەتىن
جەيىك، — دەپ جانىنداعى بالاسىنىڭ توستاعانىنداعى ەتىنەن جەيدى ەكەن. مال يەسى «انت ءىشتى، الماعان ەكەن» دەپ كەتە بەرەدى ەكەن.

---