InfoHub Logo

ساباقتىڭ تاقىرىبى: شەشەن ءسوزدىڭ بىلگىرلەرى
ساباقتىڭ ماقساتى: شەشەندىك سوزدەر ارقىلى وقۋشىلارعا ادامگەرشىلىكتى، يماندىلىقتى عيبرات ەتۋ. شەشەندەردىڭ سويلەۋ ونەرىن ۇيرەتۋ. بوس ءسوز سويلەۋدەن جيرەندىرۋ، تاۋىپ سويلەۋگە توسەلدىرۋ.
كورنەكىلىگى: ينتەراكتيۆتى تاقتا ماتەريالدارى

ساباقتىڭ بارىسى: ءى. ۇيىمداستىرۋ كەزەڭى.
وقۋشىلارمەن سالەمدەسىپ، سىنىپ تازالىعىن، ساباق جابدىقتارىن باقىلاۋ.
1. كىرىسپە.
2. سىنىپتى 3 توپقا ءبولىپ، سايىستىرۋ.
3. شەشەندىك سوزدەر. كورىنىس.
4. تاپقىرلىق. وي ۇندەستىگى.
5. سەرگىتۋ ءساتى.
6. توبىقتاي ءتۇيىن. وقۋشى ءتۇيىنى. جىراۋ شەشەندىگىندەگى نەگىزگى وي.
7. بي جانە مەن.

1. كىرىسپە. ساباقتىڭ ءوتىلۋ تارتىبىمەن تانىستىرىپ، سىنىپتى 3 توپقا بولگەننەن كەيىن، شەشەندىك سوزدەر تۋرالى كورىنىس كورسەتىلىپ، ءادىلقازى القالارى سايلانىپ، باعاسى بەرىلەدى. ءادىل باعا 5 بالدىق جۇيەمەن بەلگىلەنەدى.
سايىسىمىزدىڭ ەكىنشى ءبولىمى «تاپقىرلىق» دەپ اتالادى. بۇندا وقۋشىلارعا شەشەندىك ءسوزدىڭ باسى عانا ايتىلىپ، ءارى قاراي وزدەرى جالعاستىرۋلارى كەرەك. ايتىلعان وي شەشەندىك سوزدەگى نەگىزگى ويمەن ۇندەسۋى سايىستىڭ شارتى بولىپ تابىلادى.
ءى توپ
بىردە اباي اڭگىمە ۇستىندە:
- قالقام ءابىش وسى الەمدەگى جاراتىلىستا اق زات اسىل ما، قارا زات اسىل ما؟- دەپ سۇراپتى. ول ىركىلمەستەن:
- اق زات اسىل عوي،- دەيدى.
- نەگە قارا زات اسىل ەمەس پە؟
ءابىش كۇلىمدەپ:
- قارانى قالاي اسىل دەيسىز؟- دەيدى.
.............................................................
ءسىزدىڭ ويىڭىز.....................................
ءىى توپ
اتاقتى جانقۇتتى شەشەن ابايدى بوزبالا شاعىندا كورىپ، اقىل - ويىن، ءبىلىم - بىلىگىن، تانىم - ءورىسىن تەكسەرەدى
- شىراعىم، دۇنيە نەگە سۇيەنەدى؟ كوزدىڭ كورمەسى بولا ما؟
شام جارىعىنىڭ تۇسپەسى بولا ما؟
بولات پىشاقتىڭ كەسپەسى بولا ما؟
تاماعىنا تارتپايتىن ماقلۇقات بولا ما؟- دەپ سۇرايدى. اباي لەزدە:.....
ءسىزدىڭ ويىڭىز.....................................
ءىىى توپ
ءاز جانىبەك حاننىڭ الپىس ءبيى بولعان ەكەن دەيدى ءبىر اڭىز. ءبىر جولى حان بيلەرىنە: “بۇل دۇنيەدە نە ولمەيدى؟- دەپ سۇراق قويىپتى. سوندا الپىس ءبيى بىردەن: “اسقار تاۋ ولمەيدى، اسپاندا اي مەن كۇن ولمەيدى، اعىن سۋ ولمەيدى، قارا جەر ولمەيدى،- دەپ جاۋاپ بەرەدى. وعان جيرەنشە داۋ ايتادى.
ءسىزدىڭ ويىڭىز.....................................


ءىىى ءبولىم سەرگىتۋ ءساتى. سلايد ارقىلى سايكەستەندىرۋ. وقۋشى جاۋابىنان كەيىن عانا سىلتەمەمەن دۇرىس نۇسقاسى كورسەتىلەدى.
ادامنىڭ باسشىسى سابىر
جەتەكشىسى حالىق
شولۋشىسى ارمان
قورعاۋشىسى اقىل
سىناۋشىسى ار ساقتاۋ
تاۋسىلمايتىنى تالاپ
ەڭ قىمباتتىسى وي

اتا - انانىڭ ءقادىرىن ءدال جەتكەندە بىلەرسىڭ
اق ءتانىڭنىڭ ءقادىرىن جازالى بولساڭ بىلەرسىڭ
بوستاندىقتىڭ ءقادىرىن مال كەتكەندە بىلەرسىڭ
داۋلەتىڭنىڭ ءقادىرىن ءسان كەتكەندە بىلەرسىڭ
اجارىڭنىڭ ءقادىرىن جان كەتكەندە بىلەرسىڭ
تىرشىلىكتىڭ ءقادىرىن جارالى بولساڭ بىلەرسىڭ
اڭدىپ جۇرگەن دۇشپاندى بالالى بولساڭ بىلەرسىڭ

ءىV ءبولىم. توبىقتاي ءتۇيىن. وقۋشى ءتۇيىنى. جىراۋ شەشەندىگىندەگى نەگىزگى وي. ولەڭدى مانەرلەپ وقىعاننان كەيىن، 3 توپ ءوزىنىڭ تۇسىنگەنىن، ياعني نەگىزگى ويدى اشىپ كورسەتەدى.
اينالاسىن جەر جۇتقان
ايدى باتپاس دەمەڭىز
اينالا ىشسە تاۋسىلماس،
كول سۋالماس دەمەڭىز
قۇرساعى قۇشاق بايلاردان
داۋلەت تايماس دەمەڭىز.
جارلىنى جارلى دەمەڭىز،
جارلى بايعا تەڭ كەلىپ،
جايلاۋعا جارىسا كوشپەس دەمەڭىز
جالعىزدى جالعىز دەمەڭىز
جالعىز كوپكە تەڭ كەلىپ
ءبىر جاپاندا سوعىسىپ،
كەگىن الماس دەمەڭىز،
قۇلاندار وينار قۋ تاقىر،
قۋراي بىتپەس دەمەڭىز،
قۋراي بىتپەس قۇبا جون،
قۇلان جورتپاس دەمەڭىز.
قۇرساعى جۋان بوز بيە
قۇلىن سالماس دەمەڭىز.
قۋلىق تۋعان قۇلاشا
قۇرساقتانباس دەمەڭىز.
قۋ تاياقتى كەدەيگە،
داۋلەت بىتپەس دەمەڭىز
بۇقار جىراۋ

V ءبولىم. بي جانە مەن.
قازىبەك ءبيدىڭ بۇقارعا بەرگەن جاۋابى
ءبىر دەگەنىڭىز - بىرلىگى كەتكەن ەل جامان
ەكى دەگەنىڭىز - ەگەسىپ وتكەن ەر جامان
ءۇش دەگەنىڭىز - ءۇش بۇتاقتى شىدەرىدەن شوشىنعان ات جامان
ءتورت دەگەنىڭىز - توسكەيگە شىعا الماعان كارىلىك جامان
بەس دەگەنىڭىز - بىلىكتى ادامنان بەلگىلى ازامات تۋماعان جامان
التى دەگەنىڭىز - ايماعىن بيلەي الماعان حان جامان
جەتى دەگەنىڭىز - جەتەم دەگەن ماقساتىنا جەتە الماعان جامان
سەگىز دەگەنىڭىز - سەركەسىز باستاعان قوي جامان
توعىز دەگەنىڭىز - تولعانىڭىز
ون دەگەنىڭىز وتكەنىڭىز، و دۇنيەگە جەتكەنىڭىز

وزىمشە
وقۋشى جاۋابى
ءبىر دەگەنىڭىز - بىلگەننىڭ ءتىلىن الماعان جامان
ەكى دەگەنىڭىز - ەل ءقادىرىن بىلمەگەن جامان
ءۇش دەگەنىڭىز - ءۇمىتتى اقتاماعان جامان
ءتورت دەگەنىڭىز - ءتىلازارلىقتى سەرىك ەتكەن جامان
بەس دەگەنىڭىز - بەلسەندىلىك
التى دەگەنىڭىز - اتا انانى سىيلاماعان جامان
جەتى دەگەنىڭىز - جەتەسىزدىككە بوي الدىرعان جامان
سەگىز دەگەنىڭىز - سەرتتەن تايعان جامان
توعىز دەگەنىڭىز - تاربيەگە كونبەگەن جامان
ون دەگەنىڭىز ولاقتىق، وي مەن ىسكە سالاقتىق

قورىتىندى. ءادىلقازىلار شەشىمى.
ۇيگە تاپسىرما: بابالار ءسوزى - اقىلدىڭ كوزى.
ويتولعاۋ.