InfoHub Logo

كىتاپ: شىراعىڭ سونبەسىن

اۆتورى: تاحاۋي احتانوۆ

ماحاببات ءۇشىن ەلدەن جىراققا كەتكەن باستى كەيىپكەرىمىز،قازاق قىزى نازيرا-وتانىمىزدىڭ باتىس شەكاراسىنا جۇرگەن قاسىمبەك ەدىلبايەۆقا ۇزاتىلادى.جاڭا ورتاعا ۇيرەنىسە باستاعان جاس جۇبايلار ەندى كوندىگىپ كەلە جاتقاندا سوعىس باستالىپ كەتەدى.جاۋ تىلىندا قالعان كەلىنشەك ءوزىنىڭ جۇكتى ەكەنىن بىلەدى.جولداسى جوق،وفيسەر ايەلدەرى ءۇشىن تاعدىر سالعان سان قيلى شىرعالاڭ جولدار باستالادى.قورعانسىز ايەلدەر جاۋ تىلىندا قالىپ قويادى.ال ەرلەرى جاۋعا توتەپ بەرەدى.بىتىراپ ءجۇرىپ جان ساۋعالايدى.ال نازيرانىڭ قاسىنداعى جول سەرىگى سۆەتا جارتى جولدا قازاق قىزىن تاستاپ كەتەدى.نازيرا ورىس اۋىلدارىنا كىرىپ،ەل جاۋىنىڭ اپاسى،قارتايعان اجەنىڭ قولىندا قۇپيا قونىستانادى.ورىس اۋىلىن قىرعان كەزدە دە كوپ قيىنشىلىق كورىپ،قاشىپ قۇتىلادى.قاشىپ ءجۇرىپ ۇل بوسانىپ(دۋلات)،كۇيەۋى قاسىمبەكپەن كەزدەسەدى.ەندى پارتيزاندار ومىرىنە باس سۇققان وتباسى نەشە ءتۇرلى قيىندىقتار كورەدى.شىعارما وسىلاي جالعاسادى.

روماننىڭ كۇللى وقيعاسى ايەلدىڭ كوزىمەن تىزىلگەندىكتەن دە شىعار،شىعارماداعى ايەلدەر بەينەسى-پسيحولوگياسى اسەرلى شىعىپتى.جازۋشى ماقساتىنىڭ ءوزى وسى ەۆۋاكۋاسياعا ۇشىراعان ايەل،بالا-شاعانىڭ حال-كۇيىن كورسەتۋ.ءبىراق،اۆتور نازيرانىڭ عانا ەتەگىنەن ۇستاپ،ەرىپ كەپ وتىرسا،كىتاپ مۇنشا قىزعىلىقتى بولماس ەدى.سوعىستى سۋرەتتەپ وتىرىپ اۋىل تىرلىگىنە اۋىسادى،بۇگىنگىدەن وتكەنگە،وتكەن كۇننەن ودان ارعىعا.ودان قايتا ورالعاندا سيۋجەتتىڭ جىگى بىلىنبەيدى.كىتاپتىڭ تىڭعىلىقتى جازىلۋى،وقىرماندى ەلىكتىرمەۋى مۇمكىن ەمەس.

تۇرعانبەك ءبيبىفاتيما

---