سىباعا
نارتاي بۇگىن كۇندەگىدەن ەرتە تۇردى. ويتكەنى، قالادان قىسقى دەمالىسقا كەلگەن ستۋدەنت كوكەسى نارمان ساباعىنا قايتپاق.
بىرگە وتىرىپ شاي ءىشتى.
— اعاڭا، كەلىنگە سالەم ايت،— دەدى اتاسى ءبىر كەزدە شىنىسىن قولىنا الىپ.— ايبات پەن گۇلىمدى مەن ءۇشىن ءسۇيىپ قوي. جازعا قاراي كەلسىن…
— ماقۇل،— دەدى نارمان كوكەسى باسىن يزەپ.
نارتاي سەزدى، اتاسىنىڭ ايتىپ وتىرعانى — قالاداعى ۇلكەن كوكەسى، ايبات پەن گۇلىمنىڭ اكەسى. بىلتىر جازدا ۇي-ىشتەرىمەن كەلىپ اۋناپ-قۋناپ قايتقان.
نارتايدىڭ نارمان كوكەسى سول ۇيدە جاتىپ وقيدى.
— اعاڭ مەن كەلىنگە ايت، كەلىپ، سىباعالارىن جەپ كەتسىن،— دەدى اجەسى وسى ارادا ءسوز قوسىپ.— ايتپاقشى، سادىق قۇداعا دا ارنايى بارىپ سالەم ايت. ول كىسى دە كەلىپ، سىباعاسىن جەپ كەتسىن. ۇمىتپا، ۇلكەن كىسى… ۇيات بولادى.
— ماقۇل، — دەدى نارمان كوكەسى بۇل جولى دا باسىن يزەپ. — ۇمىتپايمىن. ءوزىم دە بارامىن عوي، سوندا ايتام.
كوكەسىنىڭ ودان ارى نە ايتقانىن ەستىمەي قالدى، ويتكەنى بۇل كەزدە نارتايدىڭ نازارى «سىباعا» دەگەن جاڭا سوزگە اۋىپ ەدى.
— اجە، سىباعا دەگەن نە؟ ونى ءبىز جەسەك بولماي ما؟— دەدى كەيىنگە قالدىرۋعا تاعاتى جەتپەي.
وتىرعاندار دۋ كۇلدى. نە بولعانىن بىلمەي نارتاي جان-جاعىنا جاپاقتاي قارادى.
— سەن سىباعاڭدى جەپ الدىڭ عوي، — دەدى اجەسى كۇلىپ. — سوعىم سويىلعالى بەرى جەپ جاتسىڭ، جەتپەي مە سول؟
— سىباعا دەگەن سوعىم با؟ — دەدى ىڭعايسىزدانىپ قالعان نارتاي ەندى اتاسىنا بۇرىلىپ.
— ءيا، — دەدى اتاسى باسقالارعا «قويىڭدار» دەگەندەي يشارا جاساپ.— بىلمەسە، قايتەدى ەندى… — دەدى سوسىن نارتايدى قورعاي سويلەپ. — دۇرىس ايتاسىڭ، سىباعا دەگەن — سوعىم. ءبىراق، ءبىر ايىرماشىلىعى، ۇياتتى ۇلكەن كىسىلەرگە، جاقىن تۋىستارعا، قۇدا-جەگجاتتارعا الىپ قوياتىن سوعىمنىڭ كادەلى مۇشەلەرى. ونى جاڭاعى كىسىلەر قىس شىققانشا كەلىپ، جەۋى كەرەك. كەيدە، ءتىپتى، ءتۇرلى جاعدايلارعا بايلانىستى قاتىناسقان ادامداردان بەرىپ جىبەرۋگە دە بولادى. ەندى ءتۇسىندىڭ عوي…
— ءتۇسىندىم، — دەدى نارتاي باسىن يزەپ.
You Might Also Like
-
نارتاي ەرلان اعالارىنىڭ ۇيىنە ەرتە كەلىپ الدى. ويتكەنى كىشكەنتاي ەرجاننىڭ تۇساۋىن كەسكەلى جاتقانىن اجەسىنەن كەشە ەستىپ العان بولاتىن. سول ەسىندە، ەرتەڭگىلىك شايىن ءىشتى دە، تارتىپ وتىردى.
