InfoHub Logo

ومىردە اقشانىڭ ماڭىزى جوق دەپ ايتاتىندار، ءسىزدى نەمەسە ءوزىن الداعىسى كەلەتىندەر قاتارىندا. شىن مانىندە كوپتەگەن ادامدار اۋقاتتى بولىپ، قالاعانىن الىپ، اقشادان تارشىلىق كورمەسەم دەپ ويلايدى. الايدا اۋقاتتى بولۋ كوپشىلىكتىڭ قولىنان كەلە بەرمەيدى... ءسىز وزىڭىزگە نەگە مەن ميلليونەر ەمەسپىن دەگەن سۇراق قوياسىز با؟ وندا تومەندەگىلەردى وقىپ كورىڭىز.

ءسىز وزىڭىزگە جۇمىس جاسامايسىز

ارينە، ءسىز ءوز ءىسىڭىزدىڭ قوجايىنى بولساڭىز ميلليونەر بولىپ كەتۋىڭىزگە كەپىلدىك جوق. ءبىراق بىرەۋگە ءومىر بويى جۇمىس جاساپ ميلليونەر بولۋعا مۇمكىندىك از. ءبىر جۇمىسپەن ءوزىڭىز الىپ جۇرگەن جالاقىنى بىرنەشە ەسە الۋعا بولاتىندىعىن ەسىڭىزدەن شىعارماڭىز.

مەن بىردەن كوپ اقشا تاپقىم كەلەدى دەپ جۇمىسىڭىزدى تاستاپ، تاۋەكەلگە بەل بۋۋدىڭ قاجەتى جوق. ونىڭ ورنىنا قازىرگى جۇمىسىڭىزدى ءوزىڭىزدىڭ جەكە بيزنەسىڭىزبەن ۇشتاستىرىپ، اقىرىنداپ العا قاراي جىلجىڭىز. وسىلايشا ءسىز ءوزىڭىزدىڭ قارجىلىق قاۋىپسىزدىگىڭىزدى قامتاماسىز ەتىپ، ءوز ءىسىڭىزدى دوڭگەلەتۋگە مۇمكىندىك الاسىز.

ءسىز تاۋەكەلدەردەن قاشاسىز

ادامدار تاۋەكەلگە بارماي ميلليونەر بولمايدى. تاۋەكەل ءتۇبى جەلقايىق، مىنەسىڭ دە كەتەسىڭ. بۇل قولدا بار بارلىق اقشاڭىزدى ءبىر جوباعا عانا سالىپ نەمەسە تابىستى ويلانباي جۇمساۋ دەگەن ءسوز ەمەس. دۇرىسى قولدا بار اقشانى دۇرىس ينۆەستيسيالاپ، ساۋاتتى جۇمساۋ. بانككە سالىنعان اقشادان پايىز الىپ ەشكىم باي بولىپ كەتپەيدى. ميلليونەرلەر وزدەرىنىڭ قارجىسىن ينۆەستيسيالاۋ جولدارىن جاقسى بىلەدى.

ءسىز ءوز يدەياىڭىزدى پايدالانبايسىز

بىزدە ميلليونەر بولۋعا يدەيالار كۇن سايىن تۋىپ جاتادى دەپ ەشكىم ايتپايدى. ءبىراق ەگەر مۇنداي يدەيا تۋىنداسا، وعان قايشى يدەيالار مەن پىكىرلەر دە تۋىندايدى. ماقساتقا جەتۋ ءۇشىن ارمانداۋ از، ارەكەت ەتۋ كەرەك. ميلليونەرلەر تابىسقا جەتىپ جاتقان باسقالاردى قاراپ، ولاردىڭ ءومىرىن باقىلاپ وتىرمايدى. ولار ءوزىنىڭ ماقساتىنا جەتۋ ءۇشىن تىنىمسىز ارەكەت ەتەدى.

ءسىز اقشانى ويلانباي جۇمسايسىز

قازىرگى زاماندا كەز كەلگەن ادامنىڭ ميللونەر بولۋعا مۇمكىندىگى بار. قاراجاتتى ءتيىمدى ينۆەستيسيالاۋ جانە ناقتى ماقسات ءبىزدى اۋقاتتى ەتۋگە العىشارت بولا الادى.

الايدا، ءسىز ءوز اقشاڭىزدى قالاي بولسىن سولاي جۇمساساڭىز، ءسىز ميللونەر بولۋ ارمانىڭىزبەن قوشتاساسىز. ءبىر ۋاقىت بەلگىلەپ، بيۋجەتىڭىزدى انىقتاپ اقشا جيناي باستاڭىز. بۇل ءسىزدىڭ جيناق قاراجاتىڭىزدى ۇلعايتىپ قانا قويماي، ماقساتقا جەتۋگە زور مۇمكىندىك اشادى.

ءسىز ناقتى ماقسات قويمايسىز

الدىنا ناقتى ماقسات قويماعان ادامدار ەشقاشاندا باي بولمايدى. سوندىقتان دا تابىسقا جەتكىڭىز كەلسە ءوزىڭىزدىڭ الدىڭىزعا ناقتى جانە دۇرىس ماقسات قويىڭىز.

تەك ماقسات قانا قويماي، وعان جەتۋدىڭ تەتىكتەرىن قاراستىرۋ كەرەك. بۇل سىزگە دۇرىس تاڭداۋ جاساۋعا، اقشاڭىزدى دۇرىس ءارى ءتيىمدى جۇمساۋعا، ارتىق زاتتار الماۋعا كومەكتەسەدى. ەگەر ءسىز ناقتى ويىڭىزداعى ماقساتىڭىزعا اقشا جيناي باستاساڭىز، وندا تاپقانىڭىزدى كۇندەلىكتى قاجەت ەمەس زاتتارعا جۇمساپ جىبەرۋدەن اۋلاق بولا باستايسىز.

ءسىز ۋاقىتىڭىزدى، كۇشىڭىز بەن ەنەرگياڭىزدى دۇرىس پايدالانبايسىز

ەشكىمت 12 ساعات بويى ديۆاندا جاتىپ، تەلەديدار كورىپ ميلليونەر بولعان جوق. ارينە ەگەر ءسىز لوتەرەيادان ميلليون ۇتىپ العان باقىتتى ادام نەمەسە باي مۇراگەر يەسى بولماساڭىز. نەگىزى ميلليونەر بولۋ وتە اۋىر مىندەت ەكەندىگىن ەسىڭىزدەن شىعارماڭىز.

ميلليونەرلەر ءوزىنىڭ ۋاقىتى مەن ەنەرگياسىن ينۆەستيسيا دەپ ەسەپتەيدى. ولار بىردەن باي بولىپ كەتپەيتىندىگىن جاقسى تۇسىنەدى، سوندىقتان دا وسى ماقساتتا جىلدار بويى قاجىرلى ەڭبەك ەتەدى. ءاربىر بوس مينۋتىڭىزدى ماقساتىڭىزعا جەتۋ ءۇشىن ءتيىمدى ەتىپ وتكىزۋگە كۇش سالىڭىز.

ءسىز پايدالى ادامدارمەن قارىم-قاتىناس جاسامايسىز

ەگەر ءسىز ەرىنشەك، ەرتەڭى ءۇشىن الاڭدامايتىن ادامدارمەن ارالاسساڭىز ەشقاشاندا تابىسقا جەتە المايسىز. ءسىز قاسىڭىزدا ەنەرگياسى كوپ، تابىستى ادامدار جۇرسە وندا جاقسى جاققا قاراي ۇمتىلارىڭىز شىندىق.

تابىستى، ومىرگە ءپوزيتيۆتى كوزقاراسپەن قارايتىن ادامدارمەن دوس بولىڭىز. ولارمەن كوبىرەك ارالاسۋعا تىرىسىپ، اقشانى قالاي دۇرىس ينۆەستيسيالاۋ، بيزنەستى جۇرگىزۋ جولدارىن ۇيرەنىڭىز. مۇنداي ادامدارمەن ارالاسۋ ءسىزدىڭ ماقساتىڭىزدى ايقىنداپ، تابىستى ادام بولۋىڭىزعا ءوزىنىڭ كومەگىن تيگىزەدى.

وقۋعا كەڭەس بەرەمىز:

گەنەتيكالىق كەدەيلىكتىڭ سەبەپتەرى

دجەك ما: ەگەر 35 جاسىڭىزدا ءسىز ءالى دە كەدەي بولساڭىز – وندا ءسىز بۇعان لايىقتىسىز

ازيانىڭ ەڭ باي ادامدارىنىڭ ءبىرى دجەك مانىڭ جەتىستىككە جەتۋ تاريحى

ۋولت ديسنەي جەتىستىگىنىڭ تاريحى

---