ءسىزدى باتىل ەتە تۇسەتىن قاراپايىم ءادىس
قاتەلەسەمىن دەگەن قورقىنىش جەتىستىككە اپارار جولدا كوپ ادام ءۇشىن ۇلكەن كەدەرگى. وقىتۋشى ءارى جاتتىقتىرۋشى اندرەي ياكوماسكين جاس جازۋشىعا قورقىنىشتى ۇمىتىپ، الەم الدىندا تانىمال بولۋعا كومەكتەسكەن اق پاراق ءادىسى جايلى ايتىپ بەردى.
امەريكالىق جازۋشى ەلبەرت حاببارد بىلاي دەپ جازادى:
ومىرىڭىزدە جول بەرۋىڭىز مۇمكىن ەڭ ۇلكەن قاتەلىك – قاتەلىك جاسايمىن دەپ ءاردايىم قورقۋ.
دارىندى ادامداردىڭ وقيعاسىن تىڭداي كەلە كوپ جاعدايدا كوپتەگەن قاتەلىكتەردەن كەيىن جاسالعان تۇجىرىمداردان قۇرىلعانىن ءاردايىم ىشىمنەن قايتالاپ جۇرەمىن. قاتەلەسە الۋدىڭ قانشالىقتى ماڭىزدى ەكەنىن تۇسىنەمىز، سەبەبى ءدال وسى قاسيەت الداعى ۋاقىتتا دانالىققا جەتەلەيدى.
زاماناۋي جازۋشى ءارى ر. ل. مورگان اتىنداعى مەملەكەتتىك ۋنيۆەرسيتەتىنىڭ جاس پروفەسسورى م. ك. اسانتە قاتەلىك الدىنداعى قورقىنىشتى ءتۇيسىنۋدىڭ كەرەمەتتەي جولىن اشتى.
فيلادەلفيانىڭ بالاما مەكتەبىندە وقىپ جۇرگەن ءجاسوسپىرىمنىڭ الدىنا اعىلشىن ءتىلىنىڭ ءمۇعالىمى اق پاراق قويىپ، بىلاي دەپتى:
— جاز.
— نە جازامىن؟ – دەپ سۇرايدى ول.
— قالاعانىڭدى.
بۇل قاراپايىم جاۋاپ ونىڭ ءومىرىن وزگەرتىپ جىبەرگەن.
وسى جاعدايدى ەسكە الا وتىرىپ، اسانتە بىلاي دەپ جازادى: «مەن اق قاعازعا قاراپ وتىردىم، جارقىراپ تۇرعان اق مۇحيت، وندا مۇمكىندىك بار ەدى. ونىڭ تازالىعى بار وقيعامدى جازۋعا شاقىرىپ تۇردى. ءبىراق جازا المادىم. قورىقتىم، توقتاپ قالدىم. ايتقىم كەلگەن وقيعالار بولدى، ءبىراق قولىمدى قوزعالتا المادىم، سوزدەرىم مۇز استىندا قالىپ قويعان سۋ سياقتى قاتتى دا قالدى».
وسى كەزدە ءمۇعالىمى وعان ەڭ ماڭىزدى سوزدەردى ايتادى:
باستاۋ ءۇشىن ۇلى بولۋدىڭ قاجەتى جوق، ءبىراق ۇلى بولۋ ءۇشىن باستاۋ قاجەت.
سول كەزدە ول اق پاراقتىڭ ءوزى جانە قاتەلەسۋدەن، تۇسىنىكسىز بولۋدان قورقاتىن ءاربىر ادام ەكەنىن ءتۇسىندى.
اسانتە اتاقتى بولا تۇسكەننەن كەيىن پەنسيلۆانيالىق تۇرمەگە بارىپ، اباقتىداعىلارمەن جازۋ ونەرى بويىنشا سەمينار وتكىزەدى. سول جاقتا ول ءوز ءومىرىن تولىقتاي وزگەرتىپ جىبەرگىسى كەلەتىن جاستاردى كەزدەستىرەدى.
شىعىپ كەلە جاتىپ، ول سەمينارعا قاتىسۋشىلاردىڭ ءبىرى دجورداننىڭ كامەراسىندا ماتراسى جوق ەكەنىن بىلەدى.
— مەندە بار، ءبىراق مەن ونىڭ ۇستىندە ۇيىقتامايمىن، - دەپ تۇسىندىرەدى دجوردان.
— ەندى نەنىڭ ۇستىندە ۇيىقتاپ ءجۇرسىڭ؟
— ەدەندە، تەمىر قاڭقانىڭ ۇستىندە. تەك ماتراستا ەمەس. تۇسىنەسىز بە، - دەپ جالعادى ول ءسوزىن، - مەن مۇندايدىڭ ۇستىندە ۇيىقتاي المايمىن. تىم ىڭعايلى، مۇنداي جەردە كومفورتتىڭ بولعانىن قالامايمىن.
دجوردان ىڭعايلى ماتراستىڭ ۇستىندە ۇيىقتاسا، قاتەلىكتىڭ سالدارىن تۇزەۋگە بولمايدى دەگەن ويمەن كەلىسۋى ىسپەتتى ەدى. ءسويتىپ، ول العا قويعان ماقساتتارىنا جەتۋ ءۇشىن بۇل جاعدايدان شىعا الماس ەدى.
اسانتە دجوردانعا اق قاعاز بەرەدى.
بارلىعىمىز تازا اق پاراقتايمىز، جاڭا جەتىستىكتەر تۋرالى جازبالاردىڭ جازىلا باستالعانىن قالايتىن. وقيعاڭىزدى كۇن سايىن جازىڭىز. ەسىڭىزدە بولسىن: تازا اق پاراقتىڭ الدىنداعى قورقىنىش قاراپايىم وقيعانى ۇلى تۋىندىعا اينالدىرادى.
ساتتىلىك!
You Might Also Like
-
"قىمباتتى مەنىڭ مەكتەپ ءبىتىرۋشى قۇربى-قۇرداستارىم! مىنەكي، ءبىز ءۇشىن قوڭىراۋدىڭ سيقىرلى دا سازدى اۋەنى سوڭعى رەت ءان سالماق. جانە ول ءان بارلىعىمىزدى سونىمەن بىرگە ءومىر دەپ اتالاتىن الىپ كۇرەجول...
