سوتتالىپ كەتە جازدادىم عوي...
جۇمىس كۇنى ءتامامدالىپ، ءۇيىمنىڭ جانىنا جەتكەنىم سول عانا تامۇقتىڭ قارا توبەتتەرى تاپ باسىپ قولىمدى قايىرىپ كەتتى. نە بولىپ جاتقانىن ءتۇسىنىپ ۇلگەرمەدىم. تەرگەۋشىگە الىپ باردى.
تەرگەۋشى اشىلعان ءىستى زەرتتەۋدە. ونىڭ قاسىندا نە كىنا جاساعانىمدى بىلمەي دەل-سال بولىپ وتكەنىمدى پاراقتاپ وتىرىمىن. تاپتىم. كەزىندە، ءبىر تانىسىمنىڭ بالاسىن مەكتەپكە وقۋعا تۇرعىزۋعا ءبىراز سەپتىگىمدى تيگىزىپ، سوعان ريزالىعىن بىلدىرگەندە، العانىم بار ەدى سول شىعار. نە دە بولسىن، جاساعانىمدى مويىنىممەن كوتەرۋىم كەرەك. تەرگەۋشى ءبىر ساتتە قالىڭ قاعازداردان باسىن كوتەرىپ، زورعا ءۇن قاتتى:
— پالەنشە پالەنشييەۆ ءسىزدىڭ پەرزەنتىڭىز بە؟
— ءيا، ءبىراق ونىڭ بۇعان نە قاتىسى بار...
— ول قالانىڭ نومەرى ءۇشىنشى بوبەكجايىنا بارادى ما؟
— ءيا ... — دەدىم، تاماعىما جينالعان سىلەكەيدى ارەڭ جۇتىپ. دەمەك، بۇلاردا مەن جايلى بارلىق اقپارات بار ەكەن.
— بىلەسىز بە؟ تاربيەنى اتا-انا بەرگەندىكتەن ولاردىڭ جاساعان قىلمىستارىن دا ونىڭ اتا-اناسى كوتەرەدى.
— سولاي شىعار... — دەۋى دەدىم دە، ءارى قالاي ويىما «ولاردىڭ قىلمىسى» دەگەن ءسوز بالعامەن باسىما قويىپ قالعانداي بولدى — قانداي؟ نە دەپ وتىرسىز؟
— ءوزىڭىزدى باسىپ الىڭىز... ماسەلە بىلاي... — دەدى دە تەرىس قاراپ اششى سۋدى شولدەگەن ادامشا ءسىمىردى دە: — ءبىز دە ويناپ جۇرگەن جوقپىز. مىنە، ءسىزدىڭ ۇلىڭىزدىڭ ۇستىنەن شاعىم ءتۇستى. ءسىزدىڭ جۇگىرمەگىڭىز توبىنداعى اناۋ-مىناۋ ەمەس، سونا-ا-ۋ — دەپ، سۇق ساۋساعىن كوككە تىرەپ: - كوكەمنىڭ بالاسىنا قول كوتەرگەن. سوعان جەڭگەمىز مىنا شاعىمدى... — دەپ، رومانمەن كولەمدەس شاعىمدى مەنىڭ الدىما ىسىردى. تانىسىپ شىعىڭىز.
وقىپ وتىرمىن... تەرگەۋشى جاققا كوز جۇگىرتسەم ول اينانى الىپ جىلتىر جۇزىندەگى تۇكتەرىن جۇلىپ وتىر. بولعان جاعدايمەن تانىسىپ شىعا
— ەندى، نە ىستەۋگە بولادى. ايعاق بار ما؟ — دەگەن سۇراعىما
— ايعاق دەگەندە، ماسەلە بىلاي... — دەپ، ستول ۇستىندەگى كومپيۋتەردىڭ تۇيمەشەسىن باسىپ، ەكرانعا نۇسقادى. وندا ويىنشىق تالاسقان كوكەسىنىڭ بالاسى مەنىڭ جالعىزىمدى تومپەشتەي باستادى. ول، باسىندا ۇندەمەي وتىردى دا، كەيىن شىداي الماي، الگىنىڭ قولىن ۇستاپ ءبىر سىلكىپ قويا بەردى. سونى اۋىرسىنىپ جىلاي باستادى. بار بولعانى سول. تاماشالاپ بولعاننان كەيىن، ەش كىنامىز جوق ەكەندىگىن بايقاپ
— ەندى نە ىستە دەيسىزدەر؟!
— ماعان دەسە ەشنارسە... ءبىراق، ول كوكەممەن بايلانىستى بولعان ءۇشىن كەشىرىم سۇراپ، باسقا وقۋ ورىنىنا اۋىستىرا سالىڭىز. بولماشىعا بولا ءىس باستاپ، قولىمىزدى بۇلعاعىمىز كەلمەيدى.
— بۇل دەگەن بارىپ تۇرعان...
— بىلەسىز عوي... ەلدەگى جاعداي وسى... قالاساڭىز سوت الدىندا جاۋاپ بەرەسىز. ءبىراق... ول جەردە جەڭىسكە جەتەسىز دەپ ايتا المايمىز. دۇرىس تاربيە بەرە الماعانى ءۇشىن جارتى جىلدان ءۇش جىلعا دەيىن باس بوستاندىعىنان ايىرۋ قۇقىعى بار. سول سىزگە كەرەك پە؟
مۇرنىمنىڭ الدىنا دايەكتەردى ءۇيىپ تاستاعاننان سوڭ، امالسىزدان كوندىم. شاراسىزدىعىم ءۇشىن، ۇلىمنان كەشىرىم سۇراپ، كوكەلەر مەن ونىڭ وتباسى مۇشەلەرىنە مۇلدە قاتىسى جوق بوبەكجاي ىزدەۋگە تۋرا كەلدى..
You Might Also Like
-
كاسىپكەر تىشقاندار مەكتەبىنىڭ ءۇش وقۋشىسى ءۇزىلىس كەزىندە اۋا جۇتۋعا شىقان. ءبىرى ءوز ويىمەن بولىسە باستادى:
-
كۇيەۋى كورشى بولمەدە تەلەفون بەتىنە قاراپ، اراسىندا «تىرق-تىرق» كۇلىپ قويادى. كەشكى تاماق قامىنا كىرىسەيىن دەسە، جاسىنان اسقان بالاسى ەتەگىنەن جابىسىپ مازاسىن قاشىرىپ قويمادى. ۇلىن قولىن...
