تارازدا روبوتوتەحنيكا وقۋ-زەرتحانالارى اشىلدى
تاراز مەملەكەتتىك پەداگوگيكالىق ينستيتۋتىندا روبوتوتەحنيكا وقۋ-زەرتحانالارى اشىلدى. «روبوتوتەحنيكا»، «مەكتەپتەگى روبوتوتەحنيكا» ءدارىسحانالارى 50 دانا Lego، Tetrix جانە اrduino روبوتتارىمەن، وقۋ-ادىستەمەلىك جانە باعدارلامالىق نۇسقاۋلىقتارمەن جابدىقتالعان، دەپ حابارلايدى تارمپي اقپاراتتىق-يميدجدىك قىزمەتى.
ينستيتۋتتىڭ فيزيكا-ماتەماتيكا فاكۋلتەتىندە ستۋدەنتتەر مەن مەكتەپ وقۋشىلارىنىڭ روبوتوتەحنيكا بويىنشا عىلىمي-تەحنيكالىق شىعارماشىلىق قابىلەتتەرىن دامىتۋ ماقساتىندا «ينفورماتيكا جانە ەسەپتەۋ تەحنيكاسى»، «ماتەماتيكا جانە ماتەماتيكانى وقىتۋ ادىستەمەسى» جانە «فيزيكا جانە فيزيكانى وقىتۋ ادىستەمەسى» كافەدرالارىندا «ەلەكتروتەحنيكا»، «راديوتەحنيكا»، «ەلەكترونيكا نەگىزدەرى» جانە «مەكتەپتەگى روبوتوتەحنيكا» وقۋ-زەرتحانالارى جۇمىس ىستەيدى.
سونىمەن قاتار، فاكۋلتەتتىڭ جامبىل وبلىسىنداعى ورتا جانە ارنايى مەكتەپتەرىندەگى ينفورماتيكا ءپانى مۇعالىمدەرىنىڭ روبوتوتەحنيكا، ەلەكترونيكا نەگىزدەرى مەن راديوتەحنيكا پاندەرى بويىنشا بىلىكتىلىگىن كوتەرۋگە ارنالعان ماتەريالدىق جانە رەسۋرستىق بازالارى بار.
Marwin برەندىمەن جەتكىزىلەتىن روبوت جاساۋعا ارنالعان جيىنتىقتار ارقىلى ستۋدەنتتەر تەوريا مەن تاجىريبەنى ۇشتاستىرا الادى. سونداي-اق، زاماناۋي قۇرالدى تەرەڭ مەڭگەرە تۇسەدى.
You Might Also Like
-
الەمنىڭ ۇلى تۇلعالارىنىڭ قاناتتى سوزدەرى ميلليونداعان ادامداردىڭ ومىردە ۇستاناتىن ەرەجەسى بولدى. سەبەبى ولاردىڭ ىستەگەن ىستەرى، ەڭبەكتەرىنىڭ قوعامداعى بەدەلى وتە جوعارى. قازاق ادەبيەتىندە دە ۇلى ەڭ...
