تىعىز ىستەر
الدىمىزداعى مامىر ايىنىڭ باسىندا ءباسپاسوزدى كۇشەيتۋ ءام جەتىم بالالاردىڭ تۇرمىسىن جوندەۋگە كىرىسىپ، جاردەم جيناۋ شارالارى ىستەلەيىن دەپ جاتىر. بۇل ەكى جۇمىستىڭ ەكەۋى دە — ەڭ تىعىز، ەڭ زور، ەڭ ەكپىندى جۇمىستار. قانشاما كۇشىن سالىپ، قانشاما قولىنان كەلگەن جاردەمىن ۇكىمەت ىستەگەنمەن، ايتىلعان ىستەر كوڭىلدەگىدەي تولىق جاردەم الا الاتىن ەمەس.
ۇكىمەت سىرتقى ءام ىشكى سوعىستاردىڭ ءتۇرلى زاردابىنان ءالى كەدەي، مۇنى جۇرت ءوزى دە كورىپ وتىر.
«ءباسپاسوزدى كۇشەيتۋ جۇمىسىن» پارتيا مەكەمەلەرى باسقارماق. ال «جەتىم بالالارعا جاردەم كورسەتۋ جۇمىسىن» باسقارىپ، وتكىزەتىن حالىق اعارتۋ مەكەمەلەرى. بۇل ايتىلعان ەكى ورىننىڭ (پارتيانىڭ ءام حالىق اعارتۋ ءىسىنىڭ) مەكەمەلەرى جەر-جەرلەرگە ءتيىستى جوبالارىن جىبەرىپ جاتىر. سول جوبالارمەن جەرگىلىكتى مەكەمەلەر بۇل ەكى جۇمانى جاقسىلاپ وتكىزۋلەرى كەرەك.
بۇل ەكى ىسكە الدىن الا دايارلانىپ كوڭىلدەگىدەي قىپ وتكىزۋگە قازاقستاننىڭ بارلىق مەكەمەلەرى ءام بارلىق جارلى تابىنىڭ ازاماتتارى زور مىندەتتى.
قازاقستاندا قازاق تىلىندە شىعاتىن ءباسپاسوزدىڭ جايىن، قازاقستاندا جەتىم بالالاردىڭ كۇيى جۇرتتىڭ بارىنە قانداي ەكەنى بەلگىلى. بۇلار تۋرالى قايتا-قايتا ايتۋدىڭ دا، جازۋدىڭ دا كوپ قاجەتى جوق.
ەڭبەكشىل تابىنىڭ ازاماتتارى جۇمىلۋ كەرەك. بۇل ەكى ءىس سولاردىڭ مىندەتى.
25.04.1923 جىل
You Might Also Like
-
نادان ادام گازەت، جۋرنال وقىمايدى. گازەت، جۋرنال وقىماعان ادام — سوقىر، مۇگەدەك.
-
ءبىر حالىقتىڭ مادەنيەت رەتىندە قانداي دارەجەدە ەكەندىگى سول حالىقتىڭ حات بىلەتىندەرىنىڭ سانىنىڭ كوپ-ازدىعىنا قاراپ بىلىنەدى. حات بىلەتىندەرى كوپ بولسا، ول حالىق مادەنيەت، ونەر-بىلىم رەتىندە ارتتا قا...
