InfoHub Logo

تۇركىستان قالاسى – كوپ عاسىرلىق تاريحى بار ەڭ ەجەلگى قالالاردىڭ ءبىرى. 2018 جىلدىڭ ماۋسىم ايىندا ەلباسى نۇرسۇلتان نازاربايەۆتىڭ قاۋلىسى بويىنشا وڭتۇستىك قازاقستان وبلىسى تۇركىستان وبلىسى دەپ وزگەرگەن بولاتىن. ءدال وسىلاي تۇركىستان قالاسى تۇركىستان وبلىسىنىڭ ورتالىعىنا اينالعان بولاتىن. جالپى تۇركىستان وبلىس ورتالىعى عانا ەمەس، رۋحاني قازىنامىزدىڭ ورتالىعى. قازىرگى تاڭدا قالا قارقىندى تۇردە دامىپ كەلەدى. كوپتەگەن جاڭا عيماراتتار تۇرعىزىلىپ، جوندەۋ جۇمىستارى جۇرگىزىلىپ جاتىر، ونىڭ نەگىزگى ماقساتى تاريحي-مادەني مۇرانى ساقتاۋ جانە دامىتۋ بولىپ تابىلادى. تۇركىستاننىڭ ساۋلەتى تەك ەسكى قۇرىلىستى قامتىپ قانا قويماي، زاماناۋي ساۋلەتتى ۇيلەسىمدى دە قامتىپ دامۋ ۇستىندە. تۇركىستان قالاسىندا حالقىمىزدىڭ وركەنيەتىنىڭ ءسالت-داستۇرى مەن قولونەرى ساقتالعان، ونى بولاشاق ۇرپاققا جەتكىزۋ ءۇشىن ارنايى تاريحي ورتالىق بار. وندا كوپتەگەن كونە جادىگەرلەر قويىلعان. قازىرگى تاڭدا بۇل شاھاردا اشىلىپ جاتقان ساۋدا ورتالىقتارىنىڭ ساۋلەتىنە، ديزاينىنا ەرەكشە ءمان بەرىلىپ وتىر. سونىمەن قاتار، ورتا ازيا ەلدەرىنىڭ سەزدەرى، مادەني باس قوسۋلار سەكىلدى ماڭىزدى جيىندار تۇركىستاندا وتەتىن بولدى. قالادا ەكونوميكا جانە الەۋمەتتىك سالالارى دامىپ، مادەنيەت، ءبىلىم جانە رۋحاني جۇمىستار قولعا الىنعان بولاتىن. تۇركىستان – باعزى زاماننان اق ساۋدا-ساتتىقتىڭ ورتاسى بولعان. سوندىقتان، تۇركىستاندى وبلىس ورتالىعى ەتۋ - كەرەمەت شەشىم بولدى. تۇركىستاندى تاماشالاۋعا قازاقستاننىڭ ءار ايماعىنان ادامدار بارىپ جاتىر. دەمەك، قالانىڭ ءتۋريزىم سالاسى قارقىندى دامۋدا. قالادا كوپتەگەن ويىن-ساۋىق ورتالىقتارى، قوناق ۇيلەر، مادەني-تاريحي ورىندار، تەاترلار، مەيرامحانالار، سالتانات ۇيلەرى، سپورتتىق دەمالىس نىساندارى مەن بازارلار كوپ جانە ولار شەت ەلدەن كەلگەن قوناقتاردىڭ تالاپتارىنا ساي. تۋريستەرگە تولىقتاي ساپالى قىزمەت كورسەتە الاتىن ورىندار جەتىپ جاتىر دەي الامىز.

 

---