ۇلت ماسەلەسى تۋرالى بايانداما
ۇلت ماسەلەسىنىڭ ماڭىزى
روسسيا كوممۋنيست پارتياسىنىڭ 12-جيىلىسىندا جولداس ستالين ۇلت ماسەلەسى تۋرالى بايانداما قىلعاندا ايتقان سوزدەرىنىڭ قورىتىندىسى مىناۋ.
— ۇلت ماسەلەسىن شەشۋدە 2 ماعىنا بار. ول ەكى ماعىنانىڭ بىرەۋى — ءبىزدىڭ پارتيانى سىرتتان باقىلاۋشى جەر-دۇنيەدەگى بارلىق حالىقتار ءۇشىن كەرەك. بىرەۋى ءوزىمىزدىڭ ىشكى جايىمىز ءۇشىن كەرەك.
ءبىزدىڭ قازىرگى كەڭەستىك رەسپۋبليكانىڭ وداقتاس كۇراماسىنا كۇللى كۇنشىعىس حالىقتارى سىرتتان كوزىن الماي باقىلاپ قاراۋدا. قاراعاندا جەرگە جاڭا ءبىر جات تۇقىمدى ەگىپ، سونىڭ شىققان ونىگى قانداي بولار ەكەن دەپ باعىپ وتىرعانداي قاراۋدا.
ەگەردە ءبىز وسى قۇرامالىق وداقتاستىق شاراسىنداعى ۇلت ماسەلەسىن دۇرىس شەشىپ، ءار حالىقتىڭ اراسىن شىن تۋىسقاندىق نەگىزىنە كەلتىرىپ جاقىنداستىرساق، ءبىزدىڭ مۇنىمىزدى كۇللى كۇنشىعىس كورىپ، ءبىزدىڭ روسسيانىڭ كەڭەستىك قۇراما وداقتاس ۇكىمەتىن شىن جولباسشى تانىپ، ءبىزدىڭ سوڭىمىزدان ەرىپ، ءام سونىمەن جالپى دۇنيە كاپيتاليزمىنىڭ وزبىرلىعى جويىلا باستاماق.
ال ەگەردە ءبىز بۇل ۇلت ماسەلەسىن شەشكەندە قاتە ىستەسەك، روسسيانىڭ جارلى ەڭبەكشىلدەر تابىنا (پرولەتارياتقا) بۇرىنعى ەزىلگەن ۇلتتاردىڭ سەنىمى قالمايدى. روسسيانىڭ قۇراما كەڭەس ۇكىمەتىنىڭ كۇنشىعىس حالىقتارىن بويىنا جاناستىرۋعا، وزىنە قاراي تارتاتىن كۇشى كەتەدى ءام ولاي بولعاندا دۇنيە كاپيتاليزمنىڭ وبىرلىعى، يمپەرياليزم ءبىزدى جەڭەدى.
مىنە، بۇل ۇلت ماسەلەسىن دۇرىس شەشۋدىڭ جالپى دۇنيەدەگى حالىقتاردىڭ الدىندا زور ماعىناسىنىڭ بارلىعى.
ال ەندى ۇلت ماسەلەسىن دۇرىس شەشۋدىڭ ءوز ىشىمىزدە زور ماعىناسىنىڭ بار ەكەنى مىناۋ:
روسسيادا جاڭا شارۋاشىلىق ساياساتىن (نەپ) جۇرگىزگەننەن بەpi ورىستىڭ ۇلتشىلدىعى كۇشەيە باستادى. ءام دەنيكيننىڭ ىستەي الماعان بۇرىنعى «ۇلىق روسسيانى بولمەي-جارماي تۇتاس ساقتاۋ» پىكىرىن قازىرگى ۋاقىتتا ەپپەن، بىلدىرتپەي ىسكە اسىرماق تىلەك تە بار.
بۇل يدەيا — سمەنوۆەحوۆستۆو، جاڭا شارۋاشىلىق ساياساتى (نەپ) ورناعالى ىشكى تۇرمىسىمىزدا ءبىر جاڭا كۇش تۋا باستادى. ول جاڭا كۇش ءبىزدىڭ كەڭەس مەكەمەلەرىنە ءام حاتتا پارتيا مەكەمەلەرىنە ۇيالاي باستاعان ورىستىڭ ۇلتشىلدىعى، وزىمشىلدىگى. ناسيونالنو-شوۆينيستيچەسكوە. ەگەردە ءبىز بۇل جاڭا تۋا باستاعان ءقاۋىپتى كۇشتى، تامىرىنان قىرقىپ قۇرتپاساق، جارلى تابى مەن اۋىل شارۋالارىنىڭ اراسى ايىرىلىپ كەتۋگە مۇمكىن. ءام سونىمەن بۇل جارلى تابىنىڭ ۇكىمەتىن سۋ تۇبىنە باتۋ حالىنە جەتكىزۋگە سەبەپ بولۋعا مۇمكىن (ك گيبەلي ديكتاتۋرى پرولەتارياتا). جاڭا شارۋاشىلىق ساياساتى ورىستىڭ وزىمشىلدىگىمەن قاتار، جەرگىلىكتى حالىقتاردىڭ دا وزىمشىلدىگىن تۋدىرا باستادى. بۇل اسىرەسە كوپ ۇلتتاردان قۇراسقان مىنا رەسپۋبليكالاردا كوبىرەك كورىنەدى. ماسەلەن، گرۋزيا، ءازىربايجان، بۇحارا ءام تۇركىستاندا.
ءبىز ەندى ورىستىڭ بولسىن ءام تۇرعىن حالىقتاردىڭ بولسىن وزىمشىلدىكتەرىنە (شوۆينيزمىنە) قارسى ءتيىستى ىستەر قىلۋىمىز كەرەك.
ۇلت ماسەلەسىنىڭ تاپتىق ەڭ نەگىزگى ماعىناسى ءبىزدىڭ كەڭەس ۇكىمەتىنىڭ حالىندە بۇرىنعى ۇلىق بولىپ بيلەپ قالعان ۇلتتىڭ جارلى تابى مەن بۇرىنعى ەزىلىپ قالعان حالىقتىڭ اۋىل شارۋاسىنىڭ اراسىن جاقىنداستىرىپ، سولاردىڭ اراسىن دۇرىس قىلىپ بايلاستىرۋ.
ەگەردە ورىستىڭ جارلى تابى (پرولەتارياتى) جالعىز ورىستىڭ كرەستيانستۆوسىمەن ەمەس، بۇرىنعى ەزىلگەن ۇلتتاردىڭ كرەستيانستۆوسىمەن (اۋىل شارۋاسىمەن) دۇرىس جالعاسۋ ءام دۇرىس وداقتاستىق جاساي السا، سوندا عانا ماسەلە دۇرىس شەشىلگەن بولادى. بۇلاي بولۋ ءۇشىن جارلى تابىنىڭ ۇكىمەتى ورىسقا قانداي وزىنىكىندەي بولسا، ءار ۇلتتىڭ اۋىل شارۋالارىنا دا سونداي وزىنىكى بولۋ كەرەك. ال ءار ۇلتتىڭ اۋىل شارۋالارىنا كەڭەس ۇكىمەتى وزىنىكى بولۋ ءۇشىن ول كەڭەس ۇكىمەتى جەرگىلىكتى ۇلتتار ءۇشىن تۇسىنىكتى بولۋى كەرەك. جەرگىلىكتى مەكەمەلەردە ءىس ولاردىڭ انا تىلىندە ءجۇرۋ كەرەك. جەرگىلىكتى مەكەمەلەردە ىلعي سول جەرگىلىكتى حالىقتاردىڭ ءتىلىن، تۇرمىسىن، زاڭىن، ادەت-عۇرپىن بىلەتىن ءوز ادامدارىنان وتىرعىزۋ كەرەك.
You Might Also Like
-
ەكىباس زاۋىتىنان ورىنبورعا قازاقستاننىڭ كوممۋنيست پارتياسىنىڭ ايماقتىق 3-جالپى جيىلىسىنا قازاق جۇمىسكەرلەرىنەن ەلشىلەر كەلدى.
-
قازاقستاننىڭ پارتيا ءھام ۇكىمەت قىزمەتكەرلەرىنىڭ ارالارىندا ءىس جۇزىندە ەرىكسىز ۇلتشىلدىققا ۇيىسىپ كەتۋ بار ما، جوق پا؟ — دەگەن سۇراۋعا «جوق» دەپ ەشكىم دە ايتا المايدى.
