ۇلتتىق ءبىرىڭعاي تەستىلەۋگە 100 مىڭنان استام ءوتىنىش ءتۇستى - بعم
قازاقستاندا قاڭتار ايىندا وتەتىن ۇلتتىق ءبىرىڭعاي تەستىلەۋ باستالدى. وعان قاتىسۋشىلاردان 104 مىڭعا جۋىق ءوتىنىم ءتۇستى.
ۇلتتىق ءبىرىڭعاي تەستىلەۋ (ۇبت) 22 اقپانعا دەيىن جالعاسادى. وسى ۋاقىتقا دەيىن ۇبت-نى 10 قاڭتار مەن 10 اقپان ارالىعىندا وتكىزۋ جوسپارلانعان بولاتىن.
الايدا، ەلدە توتەنشە جاعداي رەجيمىنىڭ ەنگىزىلۋىنە بايلانىستى مەرزىمى كەيىنگە شەگەرىلدى. قاجەتتىلىگىنە قاراي تەستىلەۋگە قوسىمشا كۇندەر ەنگىزىلدى.
بيىل مينيسترلىك تالاپكەرلەرگە قولايلى جاعداي جاساۋ ءۇشىن، سونداي-اق ترانسپارەنتتىلىگىن كۇشەيتۋ ءۇشىن ءبىرقاتار وزگەرىس ەنگىزدى.
«مىسالى، ەرەكشە ءبىلىم بەرۋ قاجەتتىلىكتەرى بار تۇلەكتەرگە 2022 جىلى قوسىمشا ۋاقىت بەرىلدى. كورۋ، ەستۋ، تىرەك-قيمىل اپپاراتىنىڭ فۋنكسيالارى بۇزىلعان تالاپكەرلەرگە تەستىلەۋ تاپسىرمالارىن ورىنداۋ ءۇشىن نەگىزگى 240 مينۋتتان بولەك قوسىمشا 40 مينۋت بەرىلەدى. ياعني، ولار ۇبت-نى 4 ساعات 40 مينۋت ىشىندە، باسقالارعا قاراعاندا ۇزاعىراق تاپسىرا الادى. سونىمەن قاتار ەرەكشە قاجەتتىلىكتەرى بار تالاپكەرلەرگە ارنالعان تاپسىرمالاردىڭ مازمۇنىنا دا وزگەرىستەر ەنگىزىلدى. ولار ءۇشىن سۋرەتسىز، سىزبالارسىز جانە دياگراممالارسىز تەست نۇسقالارى جاسالدى.
بۇل وزگەرىستەر ۇبت تاپسىرۋدى ايتارلىقتاي جەڭىلدەتەدى»، – دەپ اتاپ ءوتتى ق ر بعم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
تەستىلەۋ «1 كومپيۋتەر - 2 كامەرا - 1 تەستىلەنۋشى» قاعيداتى بويىنشا جۇرگىزىلەدى. وقۋعا ءتۇسۋشىنىڭ تەست تاپسىرۋ ورنىندا نەگىزگى كامەرادان باسقا، تەستىلەنۋشىنىڭ دىبىسىن جازۋ جانە قوزعالىسىن تىركەۋ ءۇشىن الدىڭعى ۆەب-كامەرا ورناتىلادى. فرونتالدى ۆەب-كامەرا تالاپكەردىڭ جەكە باسىن سايكەستەندىرۋگە جانە ۇبت كەزىندە بوگدە ادامداردىڭ كىرۋىن بولدىرماۋعا مۇمكىندىك بەرەدى. سونداي-اق بۇل قاعيدات ەمتيحان تاپسىرۋ بارىسىنا باقىلاۋ جۇرگىزۋ جانە تەستىلەۋدىڭ اشىقتىعىن قامتاماسىز ەتۋ ءۇشىن قاجەت.
تاپسىراتىن پاندەر سانى وزگەرگەن جوق – ەكى بەيىندى جانە ءۇش مىندەتتى ءپان قامتىلادى. تەست تاپسىرمالارانىڭ سانى – 120. ونىڭ ىشىندە قازاقستان تاريحى بويىنشا – 15، ماتەماتيكالىق ساۋاتتىلىق بويىنشا – 15، وقۋ ساۋاتتىلىعى – 20 جانە ەكى بەيىندى پاننەن 35 تاپسىرمادان بەرىلەدى.
تەستىلەۋدى وتكىزۋ ۋاقىتى – 4 ساعات (240 مينۋت). ۇبت ناتيجەسى بويىنشا تالاپكەرلەر ەڭ جوعارى 140 بالل جيناي الادى.
تەستىلەۋگە كىرەر كەزىندە قولمەن تەكسەرەتىن جانە رامالىق مەتالل ىزدەگىشتەر قولدانىلادى. بۇل تالاپكەرلەردىڭ قاۋىپسىزدىگى ءۇشىن، ەرەجەلەردى بۇزۋدىڭ جانە تىيىم سالىنعان زاتتاردى (تەلەفوندار، شپارگالكالار جانە ت.ب.) الىپ ءوتۋدىڭ الدىن الۋ ءۇشىن دە قاجەت. قاتىسۋشىلاردان تىيىم سالىنعان زاتتار تابىلعان جاعدايدا تەستىلەۋ اۆتوماتتى تۇردە توقتاتىلادى.
تەستىلەۋ كەزىندە ءموبيلدى جانە راديوەلەكتروندىق بايلانىس سيگنالدارىن باساتىن قۇرىلعىلار پايدالانىلادى. ول اۋديتوريانىڭ (كومپيۋتەرلىك سىنىپتىڭ) جانە بەينەباقىلاۋ كامەرالارىنىڭ اۋدانىنا بايلانىستى جۇمىس ىستەيدى.
ۇبت-2022 اياقتالعاننان كەيىن كۇنتىزبەلىك جىلدىڭ سوڭىنا دەيىن بەينەجازبالارعا تالداۋ جۇرگىزىلەدى. تىيىم سالىنعان زاتتاردى پايدالانۋ جانە ەرەجەلەردى بۇزۋ فاكتىلەرى انىقتالعان جاعدايدا، وقۋعا ءتۇسۋشىنىڭ ۇبت ناتيجەلەرى جويىلادى.
ايتا كەتسەك، قاڭتار ايىنداعى ۇبت قورىتىندىسى بويىنشا اقىلى نەگىزدە وقۋعا بولادى. تۇلەكتەر جازعى تەستىلەۋ نەگىزىندە گرانتقا ۇمىتكەر بولا الادى. سونداي-اق بارلىق سانيتارلىق-ەپيدەميولوگيالىق تالاپ قاتاڭ ساقتالادى.
You Might Also Like
-
اقىندار تۋرالى ەڭ بەدەلدى پىكىر: «كۇلۇبۇ-ش ءشۋارا ءھازاينۋللاھ».
-
كەڭەس وداعىنىڭ باتىرى، جازۋشى، ەكىنشى دۇنيەجۇزىلىك سوعىستىڭ داڭقتى جاۋىنگەرى، اسكەري قولباسشى باۋىرجان مومىش ۇلىنىڭ سوعىسقا دەيىنگى ومىرىندە دە تالايلارعا عيبرات بولارلىق جايلار جەتكىلىكتى. ون...
