ۇستاز – ۇلى تۇلعا
تاۋەلسىز ەلىمىزدىڭ بولاشاعى – مەكتەپ. ول وقۋشىلارعا ساپالى ءبىلىم مەن سانالى تاربيە بەرۋمەن قاتار بولاشاققا ءجون سىلتەر كيەلى ورىن دەسەك قاتەلەسپەيمىز. ەلباسىمىز ن.نازاربايەۆ "سىزدەر مەن بىزدەر تەك بولاشاق بۋىندى عانا ەمەس، جالپى ادامزاتتىڭ قادىر-قاسيەتىن، ءمان-ماڭىزىن تۇسىنەتىن، جانى دا، ءتانى دە تازا، ءبىلىمدى ازاماتتار تاربيەلەۋگە مىندەتتىمىز" دەگەن بولاتىن.
دۇرىس تاربيە بالاعا ءومىر بويى ازىق. ال، وعان دۇرىس تا جۇيەلى تاربيە بەرەتىن ەكىنشى انا - ۇستاز. ۇرپاق تاربيەسى سەكىلدى ۇلى مىندەت جۇكتەلگەن مەكتەپتەگى مەرەيلى ىستەردىڭ بارلىعى مۇعالىمدەردىڭ ارقاسى.
ۇستاز - ۇلاعاتتىلىقتىڭ كوزىن اشار، جىلىلىق ءنارىن سەبەر جان. مەكتەپتىڭ جۇرەگى دە، تىرەگى دە ۇستاز. كۇن سايىن جۇزدەگەن شاكىرتتەردىڭ جۇرەگىنە جول تاۋىپ، ىزگىلىك ءنارىن سەبۋگە ۇمتىلاتىن جىلى ءجۇزدى جايدارى جان.
مۇعالىمدىك قىزمەتتى، ۇستازدىق ۇلاعاتتى تەرەڭ قادىرلەگەن حالقىمىز ءبىلىم مەن تاربيە ماسەلەسىنە دە ەرەكشە دەن قويعانى بەلگىلى. ويتكەنى قوعامنىڭ تولىققاندى مۇشەسى بولۋ ءۇشىن ادام بالاسى مىندەتتى تۇردە ءمۇعالىم الدىن كورۋى ءتيىس. ال، وركەنيەتتىلىككە، جارقىن، زايىرلى قوعامعا قول جەتكىزۋ ءۇشىن اقىل-ەسى ءبۇتىن كەز-كەلگەن جاس سانالى تاربيە، ساپالى ءبىلىم الۋى كەرەك. ءمۇعالىمنىڭ قولىندا – ادام تاعدىرى، بولاشاق ەل تاعدىرى تۇرادى. ءمۇعالىمنىڭ قاتەلەسۋگە قاقىسى جوق.
مەكتەپتىڭ ابىرويىن اسپانداتىپ، جالپى بالا تاربيەسىنە،ءبىلىم بەرۋ ىسىنە اسقان قۇلشىنىسپەن كىرىسىپ، ۇنەمى ەڭبەكتەنىپ جۇرەتىن ۇستازدارىمىز امان بولسىن! ءار ءىسى ۇلگى، ۇلاعاتتى ۇستازدارعا – مىڭ تاعزىم ەتسەڭ دە ارتىق ەمەس-اۋ ءسىرا!
قۇرمەتتى دە قادىرمەندى ۇستازدار قاۋىمى ءاردايىم ەڭبەكتەرىڭىز جانىپ، وسى ءبىر ۇرپاق الدىنداعى اۋىر مىندەتتەرىڭىزدىڭ ىلعي دا جەمىسىن كورە بەرىڭىزدەر دەگىم كەلەدى.
ماڭعىستاۋ وبلىسى، بەينەۋ اۋدانى
ى.التىنسارين ورتا مەكتەبى
باستاۋىش سىنىپ ءمۇعالىمى
جۋلبايەۆا گۋلايىم ساعىنباي قىزى
You Might Also Like
-
ميوكارد ينفاركتى – جۇرەك اۋرۋىنىڭ وتە ءجيى كەزدەسەتىن ءتۇرى. بۇل جۇرەك قانتامىرلارىنىڭ ءبىر بولىگىنىڭ ۇيىعان قانمەن بىتەلۋى نە كەنەتتەن ءتۇيىلۋى سالدارىنان جۇرەك بۇلشىقەتىنىڭ، ءتىنىنىڭ ءبىر بولىگىن...
-
سوناۋ كەڭەستىك زاماننان بەرى ءبىلىم بەرۋ جۇيەسىنە جىل سايىن قانداي دا ءبىر جاڭاشىلدىق ەنگىزىلىپ كەلەدى. تاۋەلسىزدىك جىلدارىندا جۇرگىزىلگەن تۇراقتى يننوۆاسيالار مەن رەفورمالار كەز كەلگەن ءمۇعالىمن...
