ينەلىك پەن ءتيىن
ورماندى مەكەندەيتىن جيرەن ءتيىن اعاشتاعى ۇياسىنىڭ الدىندا وتىرعان.
ونىڭ قاسىنا بادىراق كوز، ينەدەي جىڭىشكە ءبىر ينەلىك ۇشىپ كەلدى.
ول قاناتىن دىرىلدەتە تۇرا قالىپ:
— ءتيىن، ءتيىن، سەن نە ىستەپ وتىرسىڭ؟ — دەدى.
— كورمەيسىڭ بە، دوستىم، مىنالاردى كەپتىرىپ وتىرمىن، — دەپ، ءتيىن كۇنگە جايىپ قويعان ساڭىراۋقۇلاقتارىن كورسەتتى.
— ونى قايتەسىڭ؟ — دەدى ينەلىك.
— قىستا جەيمىن. بۇل دەگەن مەنىڭ قىستىق ازىعىم بولادى. ءوزىڭ دە قىسقا ازىق جينايتىن شىعارسىڭ؟ — دەدى ءتيىن.
— جوق، مەن ويتپەيمىن.
— جازدا عوي، شىبىن-شىركەي، ماسانى جەيسىڭ. ال سوندا قىستا نە جەيسىڭ؟
— قىستا مەن ەشتەڭە جەمەيمىن. ءبىر قۋىسقا كىرىپ الىپ، قىبىر ەتپەي ۇيىقتايمىن.
— وي، نەتكەن ۇيقىشىلسىڭ ءوزىڭ!؟
— ءي-ا، دوستىم، ءبىز دەگەن سولايمىز، — دەپ ينەلىك ءارى قاراي ۇشىپ كەتتى.
ءتيىن ساڭىراۋقۇلاقتارىن قويماسىنا تاسي باستادى.
You Might Also Like
-
«ءوزى بالپاق، باسى جالپاق، بۇتى تالتاق» ءبىر باقا كول جاعاسىنداعى كوگالدا جۇرگەن. ول سەكىرە-سەكىرە كول شەتىنە كەلىپ، ءمولدىر سۋعا قىزىعا قاراپ وتىردى.
-
ەرمەك دەگەن بالانىڭ اق كۇشىگى مەن كوك كۇشىگى بولدى. اق ايۋدىڭ بالاسىنداي اق كۇشىكتىڭ اتى — اپپاقاي دا، كوك ءبورىنىڭ بولتىرىگىندەي كوك كۇشىكتىڭ اتى — كوكجال ەدى.
