InfoHub Logo

رومان-ەسسە كەيىپكەرلەرىنىڭ ءبىرى – ۇستاز، ەكىنشىسى – شاكىرت. ياعني، ۇستاز – مۇحتار اۋەزوۆ، شاكىرت – زەينوللا قابدولوۆ. جازۋشى م. اۋەزوۆتىڭ ۋنيۆەرسيتەت اۋديتورياسىندا وقۋ شەبەرلىگىن، شەشەندىگىن كورسەتىپ، لەكسيانىڭ تانىمدىق تابيعاتىن، تالىمدىك ءمانىن سيپاتتاي وتىرىپ، ۇستاز وبرازىن جاسايدى. اۆتور م. اۋەزوۆتىڭ ۇستازدىق ەڭبەگىن بىرنەشە قىرىنان كورسەتەدى:

1. ۋنيۆەرسيتەت اۋديتورياسىندا لەكسيا وقۋى؛

2. كافەدرادا وقىتۋ مەن عىلىمي زەرتتەۋ جۇرگىزۋدىڭ باعىت-باعدارىن بارلاۋ؛

3. شاكىرتتەرمەن اۋديتوريادان تىس جاعدايدا اڭگىمە-دۇكەن قۇرىپ، ولارعا اقىل-كەڭەس بەرۋ.

بۇل تۋىندىنى باسقالاردان وقشاۋلاپ تۇرعان ەرەكشەلىگى – دارا تۇلعانىڭ ۇستازدىعى مەن جازۋشىلىق قاسيەتىن توعىستىرا وتىرىپ، قاتار سۋرەتتەي بىلۋىندە. وعان شىعارماداعى: “اۋەزوۆ كادىمگى قازاقتىڭ “سەگىز قىرلى، ءبىر سىرلى” دەيتىن كىسىلىكتى كىشى، ۇلى تۇلعاسى. ول ۇستاز عانا ەمەس، جازۋشى ءارى عالىم” – دەگەن سوزدەرى دالەل بولا الادى. زەينوللا قابدولوۆ وسى اتالعان ءۇش قىرىنىڭ ىشىنەن ۇستازدىق جانە جازۋشىلىق قاسيەتىن وزگەشەلەپ، دارالاپ كورسەتەدى.

ز. قابدولوۆتىڭ “مەنىڭ اۋەزوۆىم” رومان-ەسسەسىنىڭ ءون بويىندا م. اۋەزوۆتىڭ ساناسى مەن عۇمىرى مەن قىزمەتىنىڭ  ءوزارا ساباقتاس ۇستازدىڭ جانە جازۋشىنىڭ ۇعىمدارى ەرەكشە دارالاپ كورىنەدى. ال جالپى العاندا، بۇل شىعارما ەلدىڭ وسەر وركەنىنە حالىقتىڭ ۇلتتىق اسىل قۇندىلىقتارىن، قوعامدىق سانانىڭ تازالىعىن ساقتاۋ، قورعاۋ، وسكەلەڭ ۇرپاققا كىناراتسىز تاپسىرۋدى ۇسىنعان ينتەلەكتۋالدى رومان ۇلگىسى.

---