InfoHub Logo

فيلوسوفيا جانە ساياساتتانۋ فاكۋلتەتىنىڭ
ءدىنتانۋ جانە مادەنيەتتانۋ كافەدراسىنىڭ 2 كۋرس ستۋدەنتى بەك ۇلى دياس
جەتەكشى: اعا وقىتۋشى كۋدەرينا ا. ن

عىلىمي-تەحنيكالىق پوتەنسيال كەز-كەلگەن مەملەكەتتىڭ ۇلتتىق بايلىعىنىڭ نەگىزگى سالاسى. بارلىق دامىعان ەلدەر تاجىريبەسى كورسەتكەنىندەي، ەكونوميكالىق دامۋ، كوركەيتۋدىڭ نەگىزگى جولى - عىلىمي-تەحنيكالىق جانە تەحنولوگيالىق سالادا ليدەر بولۋ. تەحنولوگيالىق جاڭالىقتار ەكونوميكانىڭ قۇلدىراۋىنا توتەپ بەرىپ، عىلىميتەحنيكالىق پروگرەستىڭ بەلسەندى تۇردە دامۋىنا جاعداي جاساپ، ۇلتتىق ەكونوميكانىڭ تيىمدىلىگى مەن باسەكەگە قابىلەتتىلىگىن جوعارىلاتادى. سوندىقتان بۇكىل دۇنيەجۇزىندەگى كاسىپكەرلەر جاڭا تەحنولوگيالاردى ءتيىمدى باسقارۋ مەن ۇيىمداستىرۋعا كوڭىل بولەدى. ال مەملەكەت ءوز تاراپىنان عىلىمي-تەحنيكالىق جانە تەحنولوگيالىق دامۋ سالاسىنا قولداۋ جاساپ، ءتيىمدى ساياسات جۇرگىزىپ وتىرادى. ويتكەنى مەملەكەتتىك تەحنولوگيالىق ساياسات – تەحنولوگيالىق جەتىستىكتەردى ادام يگىلىگى ءۇشىن پايدالانىپ، ادامزات ءومىر ءسۇرۋ جاعدايلارىن ساپالى تۇردە جاقسارتۋعا باعىتتالعان. سوندىقتان دا، شەتەل تەحنولوگياسى مەن تەحنيكاسىن يگەرۋمەن قاتار، ءوز ۇلتتىق عىلىمي-تەحنيكالىق پوتەنسيالىمىزدىڭ دامۋىنا جاعداي جاساپ، وتاندىق عالىمداردىڭ عىلىمي جەتىستىكتەرىن وندىرىسكە ەنگىزىپ، ولاردى باعالاي ءبىلۋىمىز قاجەت. بۇل ماقالادا قاراستىرىلاتىن بولاشاعى بار جوبالاردىڭ ءبىرى Digital Kazakhstan.

Digital Kazakhstan جوباسى – بۇل قازاقستان ەكونوميكاسىن دامىتۋ قارقىنىن جەدەلدەتۋگە جانە ءبىزدىڭ ازاماتتاردىڭ تۇرمىس ساپاسىن جاقسارتۋعا ارنالعان باعدارلاما.

باعدارلاما جوبالارىنىڭ باعىتتارى: ەل ەكونوميكاسىنىڭ باستى سالالارىندا سيفرلىق تەحنولوگيالاردى ازىرلەۋ، ەنگىزۋ جانە دامىتۋ.

قازاقستاندىقتارعا ينتەرنەتكە جانە 4G (بولاشاقتا 5G) ءموبيلدى بايلانىسىنا بارلىق جەردەن كەڭ جولاقتى قولجەتىمدىلىك ۇسىناتىن ينفوكوممۋنيكاسيالىق ينفراقۇرىلىمدى كەڭەيتۋ.

ونلاين ۇسىنىلاتىن مەملەكەتتىك قىزمەتتەردىڭ ساپاسىن جاقسارتۋ مەن سانىن ارتتىرۋ. بۇل بيۋروكراتيا مەن جەمقورلىقتى تومەندەتۋگە، سونداي-اق مەملەكەتتىك ورگانداردى نەعۇرلىم ءتيىمدى جانە اشىق ەتۋگە مۇمكىندىك بەرەدى.

ەلەكتروندىق كوممەرسيانى دامىتۋعا بەلسەندى ىقپال ەتۋ ارقىلى كاسىپكەرلەر ءۇشىن جاڭا مۇمكىندىكتەر مەن قولايلى جاعدايلار جاساۋ.

2021-2023 جىلدارعا ارنالعان عىلىمي جانە (نەمەسە) عىلىمي-تەحنيكالىق جوبالار بويىنشا گرانتتىق قارجىلاندىرىلاتىن «مۇعالىمدەردىڭ سيفرلىق قۇزىرەتتىلىگىن قالىپتاستىرۋ – ادامي كاپيتالدى دامىتۋ كىلتى» اتتى بۇل جوبا مۇعالىمدەردىڭ كاسىبي تۇرعىدا سيفرلىق ءبىلىم بەرۋ ورتاسى مەن ءبىلىم بەرۋدىڭ سيفرلىق كونتەنتتەرىن قۇرۋ دايىندىعىن، سيفرلىق تەحنولوگيالارعا نەگىزدەلگەن ءبىلىم بەرۋ تەحنولوگيالارىن كەشەندى ىسكە اسىرۋ مەن جەلىلىك كوممۋنيكاتيۆتىك داعدىلاردى جەتىلدىرۋدى، اقپاراتتىق قۇقىق جانە اقپاراتتىق قاۋىپسىزدىك بويىنشا بىلىمدەردى قامتيتىن سيفرلىق قۇزىرەتتىلىكتەرىن قالىپتاستىرۋدى كوزدەيدى.

جوبا اياسىندا جوعارىدا اتالعان پروبلەمالاردىڭ شەشىلۋى. عالامدىق ءبىلىم قوعامىنا قادام باسقان قوعامنىڭ ءوز دەڭگەيىندە دامۋىنا ىقپال ەتەدى. سيفرلىق تەحنولوگيالار ارقىلى مۇعالىمدەردىڭ سيفرلىق قۇزىرەتتىلىگىن قالىپتاستىرۋ باعىتىندا جۇرگىزىلەتىن زەرتتەۋلەر وتاندىق پەداگوگيكا عىلىمىنىڭ دەڭگەيىن جوعارىلاتىپ، ءبىلىم بەرۋ مەن تاربيە ءىسىنىڭ دەڭگەيىن كوتەرۋگە ىقپال ەتەدى.جوبانىڭ ماقساتتى اۋديتورياسى تۇركىستان وبلىسى بويىنشا مەكتەپتەردىڭ، قوسىمشا ءبىلىم بەرۋ مەكەمەلەرىنىڭ پەداگوگ قىزمەتكەرلەرىن قامتيدى.

جوبا ماقساتى: سيفرلىق ءبىلىم بەرۋ ورتاسىن جانە ءبىلىم بەرۋ سيفرلىق كونتەنتىن قۇرۋعا دايىندىقتى، سيفرلىق تەحنولوگيالارعا نەگىزدەلگەن ءبىلىم بەرۋ تەحنولوگيالارىن كەشەندى ىسكە اسىرۋدى، جەلىلىك كوممۋنيكاسيالىق داعدىلاردى جانە اقپاراتتىق قۇقىق پەن اقپاراتتىق قاۋىپسىزدىك تۋرالى ءبىلىمدى جەتىلدىرۋدى قامتيتىن مۇعالىمدەردىڭ سيفرلىق قۇزىرەتتىلىگىن قالىپتاستىرا وتىرىپ، ادامي كاپيتالدى دامىتۋ.

ناتيجەلەردى قورىتىندىلاي كەلە، ءار ءتۇرلى باعدارلامالىق انالوگتاردىڭ ارتىقشىلىقتارىن قولدانىلىپ، قوسىمشا فۋنكسيالاردى پايدالانا وتىرىپ، سيفرلىق ءبىلىم بەرۋ ورتاسى مەن ءبىلىم بەرۋدىڭ سيفرلىق كونتەنتتەرىن قۇرۋ دايىندىعىن، سيفرلىق تەحنولوگيالارعا نەگىزدەلگەن ءبىلىم بەرۋ تەحنولوگيالارىن كەشەندى ىسكە اسىرۋ مەن جەلىلىك كوممۋنيكاتيۆتىك داعدىلاردى جەتىلدىرۋدىڭ تيىمدىلىگىن ارتتىرۋعا مۇمكىندىك بەردى دەپ قورىتىندى جاساۋعا بولادى. جوبالانعان جۇيەنى ونلاين جۇمىس جاساۋعا ارنالعان ورتالىقتاندىرىلعان ەلەكتروندىق اعىندى جۇيەنى قاجەت ەتەتىن ءارتۇرلى ۇيىمداردىڭ قاجەتتىلىكتەرىن قاناعاتتاندىرۋ ءۇشىن وڭاي جازۋعا بولادى. بۇل جۇيە كەلەشەكتە تاعى دا جاڭا دەرەكتەرمەن تولىقتىرىلادى جانە بۇل جۇيە تەك قانا قازاقستاندىق مۇعالىمدەر ءۇشىن ەمەس، دۇنيەجۇزىلىك مۇعالىمدەرگە دە پايداعا اسادى دەگەن ءۇمىت بار.

بۇل زەرتتەۋدى قازاقستان رەسپۋبليكاسى ءبىلىم جانە عىلىم مينيسترلىگىنىڭ عىلىم كوميتەتى قارجىلاندىردى («مۇعالىمدەردىڭ سيفرلىق قۇزىرەتتىلىگىن قالىپتاستىرۋ – ادامي كاپيتالدى دامىتۋ كىلتى»).

---