Photo: Pixabay (https://www.pexels.com/@pixabay) / Pexels
116 jastaǵy keıýana uzaq ǵumyrynyń qupıasyn aqty
Elimizdegi eń qart turǵyn, Ulytaý oblysynyń týmasy Túımegúl Temirbaeva 116 jasqa toldy. Áli de shıraq ári eńbekqor keıýana uzaq ǵumyrynyń syryn adal eńbek pen jaqsy nıetten kóredi.
Bul týraly Infohub.kz aqparat agenttigi habarlaıdy.
Eńbekpen ósken jan
Túımegúl apaı ómir boıy jylqy baqqan. Óziniń aıtýynsha, mal sońyndaǵy aýyr jumystan eshqashan qajymaǵan. Onyń jary Aıazbaı Temirbaev ta 95 jasqa deıin ómir súrgen. Al 116 jasqa kelgen Túımegúl ájeı qazir kózáıneksiz ıne sabaqtap, tigin tige alady. Qımyly da áli shıraq.
"Aýyrdym" degenin estimedik
Túımegúl ájeıdiń balalary analarynyń osy kúnge deıin "aýyrdym" dep shaǵynǵanyn estimegenderin aıtady. Es bilgennen eńbekpen ósken jan, qazir de tynysh otyrmaıdy. Nemereleriniń qarsylyǵyna qaramastan, úı sharýasyna aralasyp júredi.
Kelini Raýshan Temirbaeva: "Ol kisi kóbinese úıde bolady. Bıyl solaı boldy. Oǵan deıin barlyq sharýaǵa jarap turǵan. Syrttyń sharýasyna da, ishtiń sharýasyna da. Jasy keldi ǵoı, qansha degenmen. Ózi otyrady, teledıdaryn kórip. Bizge tamaq istep qoıady", - deıdi.
Eń qart turǵyn retinde resmı tirkelgen
Túımegúl Temirbaeva qańtar aıynda 116 jasqa tolǵan. Onyń eldegi eń qart turǵyn ekenin Eńbek jáne halyqty áleýmettik qorǵaý mınıstrligi rastaǵan. Qazir keıýana Qyzyljar kentinde kenje ulynyń qolynda turady. Onyń 4 balasynan 15 nemere, 25 shóberesi bar.
-
Astana's Barys hockey club secured a decisive 8-4 victory over the Shanghai Dragons in a thrilling Kontinental Hockey League encounter.
-
Kazakhstan's oldest resident, Tuynegul Temirbaeva, celebrates her 116th birthday, attributing her long and active life to honest labor and a positive outlook.
