Photo: Bia Limova (https://www.pexels.com/@bia-limova-1908542654) / Pexels
15 jastaǵy qyzdy sharıǵat boıynsha turmysqa berip, zorlady: Apelásıalyq sot sheshimi
Qaraǵandy oblystyq sotynyń apelásıalyq alqasy 15 jastaǵy qyzdy sharıǵat boıynsha nekege qıdyryp, keıin zorlaǵan er adamǵa qatysty birinshi satydaǵy sottyń úkimin qoldady. Bul týraly Ulysmedia.kz habarlaıdy.
Sot otyrysynda aıyptalýshy men onyń advokattarynyń shaǵymdary qabyldanbaı, burynǵy sot úkimi tolyq rastaldy. Endi bul sheshim zańdy kúshine endi.
Oqıǵanyń mán-jaıy
Bul oqıǵa bir jyldan astam ýaqyt buryn bolǵan. Qyzdyń anasy men ógeı ákesi onyń erik-jigerine qaramastan, 38 jastaǵy er adamǵa sharıǵat boıynsha turmysqa bergen. Alaıda, qyzdyń jasy nebári 15-te bolǵan. 2025 jyldyń 11-13 naýryz aralyǵynda jaldamaly páterde sol er adam qyzdyń erkinen tys birneshe ret jynystyq qatynasqa túsken.
Sot úkimi
2025 jyldyń 16 qazanynda mamandandyrylǵan aýdanaralyq sot bul is boıynsha er adamdy 17 jylǵa bas bostandyǵynan aıyrý týraly úkim shyǵardy. Sondaı-aq, oǵan muǵalim nemese balalarmen jumys isteıtin maman retinde qyzmet etýge ómir boıy tyıym salyndy.
Zorlyq kórgen qyzdyń týystary moraldyq shyǵyn óteýdi talap etken bolatyn. Sot aıyptalýshydan 3 mıllıon teńge óndirip alý týraly sheshim qabyldady, alaıda qalǵan somadan bas tartty.
-
Sovmestnaıa operasıa pravoohranıtelnyh organov Kazahstana ı Ýkraıny presekla deıatelnostkrýpnoı prestýpnoı grýppy, obmanyvavsheı sotnı lúdeı.
-
V Astane razgorelıs spory o gromkostı novogo legkorelsovogo transporta. Mnenıa gorojan razdelılıs: odnı schıtaıýt ego slıshkom shýmnym, drýgıe ne zamechaıýt dıskomforta.
