InfoHub Logo

Ál-Farabı atyndaǵy Qazaq ulttyq ýnıversıtetiniń joǵary oqý ornyna deıingi bilim berý fakúltetiniń sheteldikterdiń tildik jáne jalpy bilim berý daıyndyǵy kafedrasynda sheteldik stýdentterge arnalǵan «16 jeltoqsan – Táýelsizdik kúni» atty ashyq tárbıelik is-sharasy ótti. Bul is-sharaǵa kafedra oqytýshylary men sheteldik stýdentter qatysty.

İs-sharanyń maqsaty – sheteldik stýdentterge ata-babamyzdyń táýelsizdik jolyndaǵy erligin úlgi etip, elimizdiń táýelsizdigin atap ótý qarsańynda el tarıhyna sholý jasaý.

Jıynda sóz alǵan kafedra oqytýshylary 1991 jyly 16 jeltoqsanda «Qazaqstan Respýblıkasynyń Memlekettik táýelsizdigi týraly» Konstıtýsıalyq Zańy qabyldanyp, Qazaqstan búkil álem moıyndaǵan, zańdy túrde rásimdelgen táýelsiz memleket mártebesine ıe bolyp, bul zamanalyq oqıǵa – halqymyzdyń urpaqtarynyń oryndalǵan armany men úmitiniń nátıjesi ekeni týraly málimdeme jasaı otyryp, búgingi kúni Qazaqstan TMD elderi arasynda jańǵyrtý men damytýdyń kóshbasshysy ekenin maqtanyshpen sóz etti.

Odan keıin kafedranyń oqytýshylary kezekpen sóz alyp, táýelsiz elimizdiń jetken jetistikterimen tanystyra otyryp, Táýelsizdik kúni elimizdiń barlyq azamattary úshin orny erekshe mereke ekenin, osynaý júrekjardy qýanyshqa toly kúndi ata-babalarymyz ǵasyrlar boıy armandap, kútkenin aıta otyryp, baıandamalarymen tanystyrdy.

Stýdentter Qazaqstan Respýblıkasy Táýelsizdigi jóninde kóptegen suraqtar qoıdy. Sonymen qatar sheteldik stýdentter úsh tilde Qazaqstan Respýblıkasy Táýelsizdigi týraly óleńder oqydy jáne atalǵan is-sharaǵa arnaıy uıymdastyrylǵan shaǵyn qoıylymǵa qatysa otyryp, qazaq jáne orys tilderin meńgergen deńgeılerin kórsete bildi.

«16 jeltoqsan – Táýelsizdik kúni» atty ashyq tárbıelik is-shara sheteldik stýdentterdiń ózderiniń belsendi qatysýymen joǵary deńgeıde ótti.

A. Sadenova
Ál-Farabı atyndaǵy QazUÝ, Joǵary oqý ornyna deıingi bilim berý fakúlteti,
Sheteldikterdiń tildik jáne jalpy bilim berý daıyndyǵy kafedrasy

---