InfoHub Logo

Bıyl elimizdiń eńbekke shamadan tys artyq adamdary bar óńirlerinen, negizinen Túrkistan men Almaty oblystarynan, sondaı-aq Shymkent jáne Astana qalalarynan 400-den astam otbasy Soltústik Qazaqstan oblysyna qonys aýdardy.

Bul týraly Infohub.kz aqparat agenttigi habarlaıdy.

Kóship kelgenderge jumys ornymen qatar, baspana satyp alýǵa arnalǵan ekonomıkalyq utqyrlyq sertıfıkaty beriledi. Bıyl bul sertıfıkattyń mólsheri 7 mıllıon 28 myń teńgege deıin ulǵaıtyldy.

Máselen, Taldyqorǵannan Petropavlǵa qonys aýdarǵan Kornılovtar otbasy memlekettik qoldaýdy baspana alýǵa jumsaǵan. Olar sertıfıkat pen ıpotekanyń kómegimen úsh bólmeli páter satyp alǵan.

Memlekettik qoldaý sharalary

Soltústik óńirlerge qonys aýdaratyn azamattarǵa memleket tarapynan birqatar qoldaý sharalary qarastyrylǵan. Onyń ishinde árbir otbasy múshesine 70 AEK mólsherinde birjolǵy tólem beriledi. Bıyl bul soma 300 myń teńgeden asady. Sondaı-aq, baspana jaldaý jáne komýnaldyq qyzmet aqysyn óteýge kómek kórsetiledi.

«2026 jyldyń basynan bastap kvotaǵa sáıkes, elimizdiń ońtústik óńirlerinen 800 otbasy, ıaǵnı 2820 adam, sondaı-aq 65 otbasy qandas kóship kelýi tıis. Búgingi tańda 401 otbasy jáne 37 otbasy qandas kelip ornalasty», - dedi SQO Eńbek mobıldilik ortalyǵynyń basshysy Nurlan Bıbulaev.

Ótken jyly oblysqa eki myńnan astam adam kóship kelgen. Soltústik óńirge qonys aýdarǵysy keletinderdiń ótinimderi áli de qabyldanyp jatyr.