InfoHub Logo

Tanymal akter ári jekpe-jek sheberi Erkebulan Toqtar týǵan inisine erekshe syı jasady. Bul qýanyshty sátti akter bes jyl boıy asyǵa kútkenin aıtty.

Bul týraly Infohub.kz aqparat agenttigi habarlaıdy.

İnisiniń armany oryndaldy

Erkebulan Toqtar ózine materıaldyq jaǵynan qatty kómektesken inisine páter kiltin tabystady. Akterdiń aıtýynsha, bul sátti ol 5 jyl boıy armandap kelgen.

«Men inime 5 jyl buryn, qumar oıyndaryna aqsha tigip, qaryzǵa batqan kezimde bardym. Ol kezde aǵamnyń jaǵdaıy da máz emes edi. Biraq ol meni qoldap, nesıe alyp berdi. Sol kezdegi kómeginiń arqasynda men aıaqqa turyp, qaryzdarymdy ótedim. Sondyqtan inim men úshin erekshe jan. Onyń orny bólek. Bar aqshamdy jınap, oǵan 2 bólmeli páter aldym. Onyń eki balasy bar, áke-sheshemmen birge turady. Úsh jerde jumys istese de, páter ala almaı júrgen edi», - dep jazdy akter.

Allaǵa shúkirshilik

Erkebulan Toqtar bul syıdy óziniń aqshasyna emes, Allanyń bergen nesibesi dep sanaıtynyn jetkizdi. «Men muny ózim berip jatyrmyn dep oılamaımyn. Alla taǵala men arqyly berip jatyr. Osy kúndi 5 jyl armandadym. Allaǵa shúkir búgin jettim», - dep jazdy ol.

Jeli qoldanýshylary akterdiń bul ıgi isine rızashylyqtaryn bildirip, ony «naǵyz aǵa», «erkeksiń» dep quttyqtady. «Jylap otyrmyz. Jaraısyń, Erkebulan», «Berekeli bolsyn», «Qutty bolsyn», «Aǵasy bardyń jaǵasy bar» degen pikirler qaldyrdy.