InfoHub Logo

Uly Jeńiske – 78 jyl!
9 – mamyr jeńis kúnin merekeleýge arnalǵan jıynnyń senarıi

1 júrgizýshi: Armysyzdar, qurmetti qonaqtar! Qurmetti aýdan turǵyndary!
Otan aldyndaǵy boryshyn aqtap, qandy qyrǵan soǵysty tunshyqtyryp, urpaǵyna baqyt ákelgen ardagerlerimizge myń alǵys dep, Uly Jeńistiń 76jyldyq merekesine arnalǵan saltanatty jıynǵa qosh keldińizder!

2 júrgizýshi: 9 mamyr Uly Jeńistiń 78 jyldyq merekesi qutty bolsyn!
1 júrgizýshi: Anany balasynan, aǵany baýyrynan aıyryp, myńdaǵan bozdaqtardy jer jastandyryp, bóten eldiń topyraǵyn buıyrtqan zulmat soǵystyń ólshemi adam ómirimen, taǵdyrymen baǵalanyp, óte qymbatqa túsken jeńistiń aıaqtalǵanyna 78 jyl.

2 júrgizýshi:
69 beıbit kóktem tań atqaly.
69 shýaqty kún taratty ánin.
69 kóktemde sodan beri,
Ashyldy jeńis kúnniń paraqtary.

1 júrgizýshi: Uly Jeńisti jaqyndatýǵa Amankeldi aýdany halqy da zor úles qosty. Amankeldi aýdany boıynsha 4872 adam maıdanǵa attanyp, 1521 jaýynger maıdan dalasynda qaza tapty.
2 júrgizýshi:
Otan úshin mert bolǵan qaharmandardyń erlik rýhyna bas ıip, kózi tiri ardagerlerge qurmet kórseteıik. Bizdiń saltanatty jıynǵa baqytty kúndi eli men jeri úshin arystandaı alysqan jeńimpaz ardagerlerimiz jaqyndap keledi. Ornymyzdan turyp qurmet kórseteıik.
(Osy kezde mashınamen soǵys ardagerleri alańǵa betteıdi).
1 júrgizýshi:
Ardagerler - atameken aıbyny.
Saqtady olar elin - jerin, namysyn,
Aqtady olar azamattyq boryshyn.
Sol úshin de qoltyǵynan demeıik,
Ardagerge, maıdangerge
Barlyq jerde basymyzdy ıeıik.

2 júrgizýshi:
«Nur Otan» partıasy uıymdastyrýymen «Ardagerlerdi ardaqtaıyq» respýblıkalyq jobasy aıasynda «Meniń atamnyń portreti» aksıasyna qatysýshy Uly Otan soǵysy ardagerleriniń urpaqtary rýhyna bas ıip, ardagerlerge qurmet kórsetedi.

Jazylǵan joq ótken kún joralary,
Sırep ketti – aý qarttardyń aralary.
Babam jaýǵa bermegen týǵan jerdi
Qorǵaıdy áli balamnyń balalary.

1 júrgizýshi: Fashısik Germanıany jeńýde basty kúsh halyq birliginde edi. Ol soǵysqa tartylmaǵan jan, otbasy joq. Uly Otan soǵysynda qaza tapqan erlerdiń rýhyn únsizdikpen eske alaıyq. (1 mınýt únsizdik)

2 júrgizýshi: Merekelik quttyqtaý sóz Amankeldi aýdany ákimi Taýkenov Jansultan Qońyrtaıulyna beriledi.
«Maıskıı váls»

1 júrgizýshi:
Jańǵyrtyp án men aspan keńistigin
Halqymyz qýanyshta tegis búgin.
Jaýdy janshyp, Otandy azat etken
Qurmettep qarsy alady Jeńis kúnin.

2 júrgizýshi: Merekelik sóz kezegi Amankeldi aýdanynyń Qorǵanys İsteri jónindegi bólim bastyǵy kapıtan Aımuhanov Sábıt Asylbekulyna beriledi.

1 júrgizýshi: Uly Otan soǵysynda qaza tapqan ardagerlerge arnalǵan eskertkish taqtanyń aldyna merekelik gúl shoqtary qoıylsyn.

2 júrgizýshi: Soǵystyń ot jalynynan ótip, ólimmen betpe – bet kezdesip, adamzat qasiretin kózimen kórip elge aman oralǵan maıdanger atalarymyz Esir aýylynan Baıdildın Haırolla ata, aýdan ortalyǵynan Muqanov Ertaı atalarymyz búginde balalaryn ósirip, nemere - shóbere súıip eldiń qurmetine bólengen jandar. Sóz kezegi soǵys ardageri Baıdildın Haırolla ataǵa beriledi.

1 júrgizýshi:
Jeńis kúni bar álemge áıgili.
Kóktem shýaq – Toǵyzynshy maı kúni.
Aıtshy, káne, bizdiń jeńis sherýi
Kezdeısoq pa kóktemge saı kelýi.

2 júrgizýshi:
Bizdiń Uly Jeńisimiz kóktem bop,
Kóńilderge shuǵylasyn tókken kóp.
Sonaý jyly Toǵyzynshy maı kúni
Almastyrǵan qýanyshqa qaıǵyny.

Jeńis kúni (ÁN)
1 júrgizýshi: İshki İster Bólimi qyzmetkerleriniń merekelik salúty soǵys ardagerleriniń qurmetine arnalady.

2 júrgizýshi:
Saǵan qurmet beıbitshilik saqshysy
Sen turǵanda qýyrylar jaý apshysy
Saǵan mıllıon júrekterdiń salúty
Saǵan sózdiń shyraılysy jaqsysy.

1 júrgizýshi:
Batyr ul esimderi aqtalady
Jyr bolyp júrekterde saqtalady.
Ǵasyrdan ǵasyrlarǵa ańyz etip,
Urpaǵy máńgi baqı maqtanady.
2 júrgizýshi: Búgingi kún – kópten kútken saltanatty kún, zymyraǵan ýaqyttyń qanatynda jeńistiń mine 78 kóktemi de kelip jetti. Eshkimde, eshnárse de umytylmaq emes. Bul sóz ótkenge emes, bolashaqqa arnalǵan. Olaı bolsa, Uly Jeńistiń 79 jyldyǵynda kezdeseıik.
1 júrgizýshi: Uly Jeńistiń 78 jyldyǵyna arnalǵan saltanatty jıynymyz aıaqtaldy.
2 júrgizýshi: Ardagerlerge myń taǵzym!
1 júrgizýshi: Jeńistiń týy máńgi jelbiresin!
2 júrgizýshi: Jer ústiniń shýaǵy tarqamasyn!
1 júrgizýshi: Jeńis toıy máńgi jasasyn! Merekelik beıbit kúnde kezdeskenshe aman - saý bolyńyzdar!