InfoHub Logo

Taqyryby: Abaı jaqqan bir sáýle sónbeý úshin...

Ótý barysy: 1. Uıymdastyrý.
2. Kirispe. Muǵalim sózi: Bıyl qazaqtyń uly aqyny, qazaq saharasynyń danasy, uly oıshyl, úlken ımandylyqty boıyna jınaǵan tamasha sýretker Abaı atamyzdyń 165 jyldyǵyn toılamaqpyz.
Júregimniń túbine tereń boıla,
Men bir jumbaq adammyn ony da oıla.
Soqtyqpaly, soqpaqsyz jerde óstim,
Myńmen jalǵyz alystym kiná qoıma!- dep keler urpaqqa ún qata otyryp, ózi ústem tap ókilinen shyqsa da buqarashyl tilektegi halyq aqyny boldy. Ol shyǵarmalarynda sol halyqtyń múddesin, arman - muńyn jyrlady.
Kóp adamdar ómirge boı aldyrǵan,
Boı aldyryp aıaǵyn kópshaldyrǵan.
Óldi deýge bola ma aıtyńdarshy,
Ólmeıtuǵyn artyna sóz shaldyrǵan,- dep tóreligin ózi sheshken Abaı búkil jarqyn beınesimen de, jalyndy jyrymen de bizben birge jasasyp keledi.
Ólmeý úshin, qulqyndy jemdeý úshin,
Men – daǵy óleń jazbaımyn ermek úshin.
Jazdym úlgi jastarǵa bermek úshin,
Abaı jaqqan bir sáýle sónbeý úshin,- dep Muqaǵalı aqyn jyrlaǵandaı keshimizdi jalǵastyramyz.

3. Negizgi bólim: «Abaı jaqqan bir sáýle...» saıys
Saıystyń sharty:
1. Toptyń aty, urany, áni (Eki top tanystyryp shyǵady).
2. «Kemedeginiń jany bir» suraq - jaýap
İ top. 1. Abaı balalaryn medresege ne úshin berdi?
(- Balamdy medresege bil dep berdim)
2. Sheshendigi jóninde ózin qalaı baǵalady?
(- Ózim de basqa shaýyp, tóske órledim,
Qazaqta qara sózge des bermedim)
3. Abaı sóz órnegin óre aldy ma?
(Tolǵaýy toqsan qyzyl til
Sóıleımin deseń óziń bil,
Ótkirdiń júzi,
Kesteniń bizi,
Órnegin sendeı sala almas.)

İİ top: 1. Ol jartasqa barda. Ne istedi?
(- Kúnde aıǵaı saldy.)
2. Ý ishken kúnderi boldy ma?
(- Men ishpegen ý bar ma?)
3. Ol jalǵyz ba edi?
(Joq.. Atadan altaý, Anadan tórteý, Jalǵyzdyq kórer jerim joq)
3. «Mal jutaıdy, óner jutamaıdy» (kórinis kórsetý)
4. «Óleń – sózdiń patshasy...» Mánerlep oqý. 1. poezıa
2. qarasózder
5. «Qıynnan qıystyr» (Abaıdyń ulaǵat sózderin qurastyrý)
6. «Asyl sózdi izdeseń,
Abaıdy oqy, erinbe» (Abaı óleńderiniń jalǵasyn tabý)
7. «Abaı – tabıǵat jarshysy» (pontomımo kórsetý)
8. Oqyǵan biler ár sózdi. (Bir – birine suraq)
9. «Bolmasań da uqsap baq...» (shyǵarmashylyq jumys)
10. Abaıdy bilesiń be? ( «Abaı joly» epopeıasynyń keıipkerlerin ataý)

4. Qorytyndy:
Qazylar ornyqtyrar ádildikti,
Kimderdiń daıyndyǵy kámil shyqty.
Bilim men tapqyrlyqtyń arqasynda
Jeńiske jeter deımiz naǵyz myqty.
(Jeńimpaz topty anyqtap, marapattaý)