InfoHub Logo

Abylaı han bolyp turǵanda birneshe batyrlarymen jolǵa shyǵypty. Sonyń ishinde Abylaımen teteles orazdyń nemeresi Sapaq birge shyǵypty (Orazdan — Qojageldi, Qojageldiden — Sapaq).

Sapaq júrgen jerinde:

— Meniń uly atam Abylaıǵa joldas bolyp Túrkistannan kelgen. Men de atamnyń jolyn qýyp hannyń joryǵyna erip júrmin, — deıdi eken.

Oǵan jurt:

— Oraz Abylaıdy elinen, jurtynan bezip, qıyn jerde janyn qıyp joldas bolǵan eken. Sen atańnyń jolyn qýa alasyń ba? — dese, Sapaq maqtanyp:

— Nege bolmaıyn, bolam, — deıdi eken. Kópshilik «osyny bir synaıyq» dep júripti.

Bir kúni qonalqy jerde qatty jaýyn bolyp, as pisiretin otyn bolmaı taryǵypty. Sonda bireýler:

— Myna jerde mola bar, sonyń aǵashyn alaıyq, — depti, — qarańǵy túnde molanyń aǵashyn kim buzady, oǵan erlik etip kim barady, myna

Sapaq bolmasa, — depti.

Sapaq:

— Nesi bar, men baram. Atymdy ustarǵa bireýiń erińder, — depti.

Mana mazaqtap júrgen kópshilik «muny bir synaıyq» dep kúni buryn molaǵa bir adamdy jasyryn jiberipti de, oǵan: «sen jasyrynyp jatyp, molany buza bergende tura umtyl!» — depti.

Aıtqanyndaı qasyna joldas alyp Sapaq molaǵa kelipti de, atyn joldasyna ustata salyp molany buza beripti. Ar jaǵynda ańdyp jatqan adam Sapaqqa tura:

— Bardyń malyn aldyńdar, qyrǵyz,  qalmaqtyń  ja- nyn aldyńdar, endi meniń molamdy nege buzasyń, — dep umtylypty.

Sonda Sapaq:

— Óli sen túgil, tiri Abylaı qosta ash jatyr, — dep qarsy umtylǵanda, ana adam:

— Ala ber, ala ber, — dep týra qashypty. Sapaqtyń atyn ustap turǵan adam o da qorqyp, Sapaqty tastap anadaı jerge baryp turypty. Sapaq kereginshe otyn alyp qaıtypty.

Erteńinde muny Abylaı estipti. Sapaqty shaqyryp alyp:

— Batyr ańǵyrt bolatyn, sen júrekti batyr ekensiń. Biraq jaý tura qashpaıdy, júrekpen birge amal da, aıla da kerek, — depti.

Oqýǵa keńes beremiz:

Abylaı hanmen sońǵy kezdesý

Abylaıdyń «Qandy qaraǵaı qan boldy, jol boldy» dep at berýi

Abylaıdyń qyrǵyz, ózbekke joryǵy (İİ nusqa)

---