InfoHub Logo

Adam kóp nárseni armandaıdy. Biraq naqty ne nárseni armandaý kerek ekenin, armany oryndalýy úshin qandaı jospar quryp júzege asyrý kerektigin oılamaıdy. Keıde armanshyl adamdar óz armany oryndalatyn arman ba, oryndalmaıtyn arman ba degen oıdyń túbinde qalyp qoıyp jatady.

Arman degen - adamnyń qıalyndaǵy nárselerine shynaıy ómirde qol jetkizý úshin jasaıtyn áreketiniń jeńisi men jemisi der edim. Árıne, ol oıdaǵydaı júzegi asyp oń nátıjesin kórsetip jatsa ǵana. Al júzege aspaǵan jaǵdaıda, ol adamnyń eń úlken ókinishine aınalady. Meni mynadaı suraq tolǵandyrady. Jalpy adamdar ne nárseni armandaýy kerek?  Adamdardyń turmys jaǵdaıy jaqsy, álem jaqsy bolý úshin barlyq adam armanshyl bolýy kerek pe? Adamdar nege armandarynan adasyp jatady? Bul suraqtarǵa bylaı jaýap izdedim. 

 Adamdar barlyq nárseni armandaýǵa quqyly. Barlyq túrin. Arman degen sheksiz. Bireýler densaýlyǵynyń kúshti bolǵanyn,  endi bireýler turmystyq jaǵdaıynyń jaqsy bolǵanyn,  taǵy bireýi týystarynyń bar bolǵanyn, taǵysy usaq-túıek nárselerdi armandap jatady. Mashına, úı, aqsha, ataq, mansap, bılik syndy nárseler. Joǵaryda aıtylǵan úsh armandy armandap otyrýǵa bolady. Onyń oryndalýy úshin túk isteı almaısyń, jaı ǵan armandap júre beresiń. Al qalǵandaryna jetýi úshin ómirde durys baǵytty tańdap, durys áreket jasaı bilýi kerek. Al qazirgi tańda qalaı. Adamdar  armandaıdy, biraq  júzege asýy úshin is-áreket jasamaıdy. Jasaıtyndar az-aq der edim. Adam bir nárseni armandady ma, armanyna jetpeıinshe  tynbaý áreket etýi qajet. Al oryndalmaıtynyna kózin jetkizse, ol armanynan bas tartqany jón. Al qazir qalaı? Armandaımyz, tym kóp armandaımyz. Armanda emes, armandaǵanymyzda shek joq. Biz tym kóp nárseni armandaımyz, onyń oryndalýy úshin esh nárse istemeımiz. Ýaqyt óte kele basqa nárseni armandaýǵa kóshemizde, ol da burynǵy armandar sıaqty qalyp jańasy paıda bola beredi. Sóıtip kóp nárseni armandap armandarymyzdan shatasamyz.

---