InfoHub Logo

Bloger, belsendi Ahmetbek Nursıla oraza ustaý kezinde sý ishpeýdiń saldarynan adamdardyń densaýlyǵyna qaýip tónýi múmkin ekenin aıtyp, jurtshylyqtyń qyzý talqysyna tústi.

Onyń aıtýynsha, jazdyń aptap ystyǵynda sýsyzdyqtan qan qoıýlanyp, ınsýlt pen ınfarkt qaýpi artady. «Jazdyń kúni oraza kezinde adamdar shybynsha qyrylady. Aýrýyna aýrý jamap alady. Qanyń qoıýlanyp, holesterın jınalady. Insýlt, ınfarkt alý qaýpi 100 ese artady. Óıtkeni, qannyń 90 paıyzy sý. Sý ishpegennen keıin termen birge shyǵyp, qan odan saıyn qoıýlanady», – deıdi Nursıla.

Ol ımamdarǵa orazany sý iship ustaýǵa ruqsat berýdi nemese tolyqtaı ashyǵýǵa múmkindik berýdi usyndy. «Sý iship ashyǵýǵa ruqsat berse, solaı isteńizder. Al sýsyz ashyǵýǵa ruqsat berse, odan bas tartqan durys. Sýsyz ómir joq», – dep qorytyndylady bloger.

Ahmetbek Nursılanyń bul pikiri áleýmettik jelide qyzý talqyǵa aınaldy. Kópshilik onyń sózimen kelispeı, burynǵy bilimine saı emes salaǵa aralasyp ketkenin synǵa aldy. Jeli qoldanýshylary «Shildeniń ystyǵynda da oraza ustadyq, eshkim qyrylǵan joq», «Arab elderinde jyl boıy ystyq, biraq eshkim qyrylmaıdy ǵoı» dep pikir bildirdi.