InfoHub Logo

Bloger Ahmetbek Nursıla oraza kezinde sý ishpeýdiń densaýlyqqa qaýipti saldary týraly aıtyp, qoǵamda qyzý pikirtalas týdyrdy. Onyń aıtýynsha, jazdyń aptap ystyǵynda sýsyzdyq qannyń qoıýlanýyna, saldarynan ınsýlt pen ınfarkt qaýpiniń artýyna ákelýi múmkin.

Densaýlyqqa qaýipti saldarlar

«Jazdyń kúni oraza kezinde adamdar shybynsha qyrylady. Aýrýyna aýrý jamap alady. Qanyń qoıýlanyp, holesterın jınalady. Insýlt, ınfarkt alý qaýpi 100 ese artady. Óıtkeni, qannyń 90 paıyzy sý. Sý ishpegennen keıin termen birge shyǵyp, qan odan saıyn qoıýlanady», – dep málimdedi Nursıla.

Usynystar men qoǵam reaksıasy

Bloger ımamdarǵa orazany sý iship ustaýǵa ruqsat berýdi nemese tolyqtaı ashyǵýǵa múmkindik berýdi usyndy. «Sý iship ashyǵýǵa ruqsat berse, solaı isteńizder. Al sýsyz ashyǵýǵa ruqsat berse, odan bas tartqan durys. Sýsyz ómir joq», – dep qorytyndylady ol.

Ahmetbek Nursılanyń bul pikiri áleýmettik jelide qyzý talqyǵa aınaldy. Kópshilik onyń sózimen kelispeı, burynǵy bilimine saı emes salaǵa aralasyp ketkenin synǵa aldy. Jeli qoldanýshylary «Shildeniń ystyǵynda da oraza ustadyq, eshkim qyrylǵan joq», «Arab elderinde jyl boıy ystyq, biraq eshkim qyrylmaıdy ǵoı» dep pikir bildirdi.

Bul týraly Infohub.kz aqparat agenttigi habarlaıdy.