InfoHub Logo

Adamshylyq qosylyp,
Bolǵan durys bilimdi.
Ózgelerge árkez unap,
Jeteleısiń  ózińdi.

Dúnıe esigin ashqan árbir pende qıynshylyǵy men qyzyǵy mol ómirde ár túrli jaǵdaılarǵa jolyǵady. Kúıbeleń ómirdi keshý barysynda boıyndaǵy asyl qasıetteri men minezderi taǵdyrdyń synyna qaraı tolyǵyp nemese azaıyp otyrady. Adamgershilik jáne bilim turǵysynan keıbir adamdardan «Adamda bilimi bolmaı-aq qoısyn, eń bastysy adamgershiligi bolsa jetip artylady» degen sózderdi estip jatamyz. Sonymen qatar bul oıǵa da qarsy shyǵatyn jandardy da kezdestiremiz. «Eń birinshi bilimdi bolý kerek, áıtpese bolmaıdy» deıtinderdiń oıy da qate emes. Qasıetti Quran Kitapta da bul eki asyl qasıet týraly tushymdy da naqty dáıekter keltirilgen. Qazirgi zamanda bilimsizdiń kúni qarań. Jumysyń bolmaıdy. Jumysyń bolmaǵan soń, kúnkóris qamyn da sheshý qıyn. Bilimiń bolmaı tek adamgershilik qasıetti berik ustansań da, áıteýir bir nárseniń jetispeıtini anyq bilinip turady. Maǵynalary tereń osy eki qasıetti denemizdegi mı men júrek dep alsaq, qalaı bolar edi? Júrektegi tunyp turǵan adamgershiligiń qaraısa, mıdaǵy sarqylmas bilimiń de júrektiń yńǵaıyna qaraı taýsyla bastaıdy. Kerisinshe bolýy da múmkin. Sol sebepti árbir jannyń boıynda kez kelgen ýaqytta adamshylyq ta, bilimdilik te tabylýy kerek. Boıynda osy eki qasıeti bir-birimen ushtasqan pendeni «tolyqqandy» dep aıta alamyz dep oılaımyn. Qos minezdiń birinsiz ómir súrip jatyrǵandar da jeterlik. Kúndelikti jolyqtyryp ta jatyrmyz. Olardyń ómirleri, árıne jaman emes. Alaıda adamgershilik pen bilimdilikti janyna serik etip, qatar ustanǵan adam ǵana aldynan kezikken qıyndyqqa esh moıymaı tótep bere alary sózsiz. Eger kishkentaıynan balanyń boıyna osy eki asyldy birge darytsaq, keleshekte myqty maman, ımandy júrek ıesine kýá bolatynymyz daýsyz.

Sýıýnshkalıeva Danagýl Hamzıevna
Batys Qazaqstan oblysy
Kaztalov aýdany
Qaraózen mektep-lıseıi janyndaǵy
Aıgólek shaǵyn ortalyǵynyń tárbıeshisi

---