InfoHub Logo

Táýelsizdik degende, bizdiń kóz aldymyzǵa eń aldymen ata-abalarymyz túsedi. Táýelsizdik úshin kúresken bizdiń ata-babalarymyzdyń orny erekshe. Sonaý kezdegi «Aqtaban shubyryndy, Alqakól sulama» shaıqasy, Jońǵarlarmen, Qalmaqtarmen shaıqasy, Ult-azattyq kóterilis, Ekinshi dúnıejúzilik soǵys, Jeltoqsan oqıǵasy munyń bári de bolashaq el úshin bolǵan qandy oqıǵalar bolatyn. Munyń bári qazirgi kúni tarıh betterinde qaldy. Tuǵyrly táýelsizdigimizge – 25 jyl toldy. Qazaq halqy 1991 jyly 16-jeltoqsanda óz aldyna derbes, táýelsiz memleket boldy. Mine sodan beri 25 jyl ótti. Táýelsizdik alǵan jyly týylǵan sábı 25-ke toldy. Osy 25 jyl ishinde Qazaqstandy barlyq elder tanydy. «Qazaqstan» degen memlekettiń baryn bildi. Buryn biz KSRO-y memleketteriniń biri ǵana edik. Ol kezde bizdi eshkim tanymaıtyn. Sebebi, 70 jyl boıy Reseı memleketi bizdi bılep-tóstep keldi. Reseı memleketine baǵynyshty edik. Al qazirgi kúni biz eshkimge baǵynbaımyz. Nege deseńiz derbes táýelsiz memleketpiz. Árıne, 70 jyl buǵaýdan buryn da, qazaqtyń batyrlary óz jeri, eli úshin qanyn tókken, janyn qıǵan. Odan bergi eń sońǵy qan tógilip, jan tapsyrǵan «Jeltoqsan jastaryn» naǵyz patrıot batyrlar dep aıtýymyzǵa bolady. Olar da bekerden-beker alańǵa shyqqan joq. Qaqaǵan qysta, jalań bas, jalań aıaq jaýǵa qarsy shyqty. Qarsy shyqqan jastardyń barlyǵy derlik abaqtyǵa jabyldy. Sol ata-babalarymyzdyń, jeltoqsanshylardyń arqasynda táýelsiz el boldyq. Táýelsiz elimizdi saqtaý, qurmetteý bizdiń basty boryshymyz. Elimizdiń basynan ne ótpedi asharshylyq ta, soǵys ta, azap ta ótti. Tegi myqty, rýhy myqty qazaq halqy sonyń bárine tótep berdi. Men osyndaı táýelsiz elde týylyp, táýelsiz elde ómir súrip jatqanyma qýanamyn. Árdaıymda meniń elimde beıbit zaman bolsa eken. Eshkimge baǵynbaı, máńgi táýelsiz el bolaıyq degim keledi.

Almaty qalasy, Almaly aýdany
M.Dýlatov atyndaǵy
№136 mektep-gımnazıasynyń
Bastaýysh synyp muǵalimi
Karımkýlova Gúlbaqyt

---