InfoHub Logo

Elimizde erli-zaıyptylardyń bank qupıasyna qol jetkizý múmkindigine qatysty mańyzdy másele Konstıtýsıalyq sottyń qaraýyna tústi. Bul jaǵdaıǵa bir azamatshanyń shaǵymy sebep boldy. Sot endi «Bankter jáne bank qyzmeti týraly» zańnyń 50-baby 4-tarmaǵynyń Konstıtýsıaǵa sáıkestigin tekseredi.

Bul týraly Infohub.kz aqparat agenttigi habarlaıdy.

Bank qupıasy men nekedegi múlik

Atalǵan zań normasyna sáıkes, bank qupıasyn quraıtyn málimetter tek klıentke nemese shot ıesiniń (múliktiń) kelisimimen úshinshi tulǵaǵa ǵana ashylýy tıis.

Alaıda, shaǵymdanýshy qazaqstandyq áıel bul erejeniń nekede birge tapqan jınaqtar týraly aqparat alýǵa múmkindik bermeıtinin jáne erli-zaıyptylardyń ortaq múlki úlesin alý quqyǵyna kedergi keltiretinin alǵa tartty.

Ajyrasqannan keıingi qıyndyq

Aryz ıesiniń aıtýynsha, ajyrasqannan keıin ol burynǵy kúıeýimen neke kezinde jınaǵan qarjylyq qarajattaryn bólisý týraly talap aryz daıyndaǵan. Biraq, sol kezde kúıeýiniń jınaqtary týraly aqparatty ala almaǵan.

Áıel ekinshi deńgeıli bankterge bul málimetterdi berýdi mindetteý týraly sotqa júgingen. Alaıda, sot onyń talap-aryzyn qanaǵattandyrýdan bas tartqan.

Konstıtýsıalyq sottyń sheshimi

Konstıtýsıalyq sot otyrysyna aryz ıesi men onyń zańgeri, Parlament palatalarynyń, Bas prokýratýranyń, Ulttyq banktiń, Qarjy naryǵyn retteý jáne damytý agenttiginiń, Ádilet mınıstrliginiń, Zańnama jáne quqyqtyq aqparat ınstıtýtynyń, sondaı-aq Parlamentarızm ınstıtýtynyń ókilderi qatysty.

Konstıtýsıalyq sottyń qorytyndy sheshimi onyń resmı saıtynda, sondaı-aq «Egemen Qazaqstan» jáne «Kazahstanskaıa pravda» gazetterinde jarıalanady. Bul jaǵdaıdyń qalaı sheshiletinin biz de baqylaýda ustaımyz.