InfoHub Logo

Qazaqstandyq boksshy Jánibek Álimhanuly orta salmaqtaǵy International Boxing Federation (IBF) nusqasy boıynsha álem chempıony ataǵynan aıyryldy. Bul sheshimdi uıymnyń dırektorlar keńesi 2026 jylǵy 5 naýryzdaǵy telekonferensıada qabyldady. Sebebi – boksshynyń chempıondyq belbeýin belgilengen merzimde qorǵaı almaýy.

Buǵan deıin Jánibek Álimhanulynyń dopıng-synamasynan meldonıı tabylǵany habarlanǵan bolatyn. Alaıda, Qazaqstan kásibı boks federasıasy júrgizgen tekseris nátıjesinde, bul preparat sportshynyń jedel medısınalyq emdeý kezinde qabyldanǵany anyqtaldy.

Soǵan qaramastan, Jánibek Álimhanuly kásibı bokstan 2026 jyldyń 31 mamyryna deıin ýaqytsha shettetildi. IBF erejesi boıynsha, antıdopıngtik talaptardy buzǵan sportshy bir jyl boıy uıym reıtıńinde bola almaıdy jáne IBF aıasyndaǵy jekpe-jekterge qatysa almaıdy.

Boksshynyń shettetilý merzimi 2025 jylǵy 2 jeltoqsannan 2026 jylǵy 2 jeltoqsanǵa deıin esepteledi. Osyǵan baılanysty, qazaqstandyq sportshy 2026 jylǵy 4 shildege deıin ótýi tıis mindetti chempıondyq jekpe-jegine qatysa almaıdy. Osy jaǵdaıdy eskere otyryp, IBF basshylyǵy orta salmaqtaǵy álem chempıony tıtýlyn dereý bosatý týraly sheshim qabyldady.

Bul týraly Infohub.kz aqparat agenttigi habarlaıdy.