InfoHub Logo

«Ájem meniń áli de......»
Maqsaty: Balalardy meıirimdilikke, analardyń ólsheýsiz eńbegin baǵalaı bilýge, úlkenge izet, kishige úlgi bola bilýge tárbıeleý. Bala boıyna izgilik, ınabattylyq, bıazylyq qasıetterdi qalyptastyrý.

Jospary:
1. «Sálem - sózdiń anasy» /tanystyrý/
2. «Ónerli órge júzer» /óner saıysy/
3. «Sheberdiń qoly ortaq» /qolóner saıysy/
4. «Áje áldıi» /besik jyry nemese ónegeli sózder aıtý/
5. «Ájemizge syılaımyz» /ájelerine merekelik syılyq ázirleý/
6. «Qazaǵymnyń dástúrleri umytylmasyn» /salt – dástúrlerden kórinis kórsetý/
7. Qorytyndy.

Júrgizýshi: Naýryz keldi shýaqty kúnderimen
Dúnıe búkil álem jańǵyrady
Naýryz meıramymen quttyqtaımyz
Meıirimdi, aıaýly analardy.
Elime dúrkiregen toı jetkendi
Kóńilge jańa aqyl oı jetkendi
Naýryz meıramymen quttyqtaımyz
Jany jaısań jaıdary jeńgelerdi.
Kóktem ıisi burqyrap seziledi
Saımen qyrat boı jazyp keriledi
Naýryz meıramymen quttyqtaımyz
Qolań shashty ádemi sińlilerdi.

Qurmetti: Ájeler, aıaýly ustaz analar, boıjetkender!
Kóktemniń alǵashqy merekesi barshańyzǵa da qutty bolsyn!
Adamzattyń anasy, ákemniń de anasy, anamnyń da anasy – ol bizdiń aq ájelerimiz. Ájeniń áńgimesin tyńdap, ertegisin estý, ónegesin úırený, aqylyn alý urpaǵynyń dástúrli mindetteri. Olaı bolsa búgingi «Ájem meniń áli de....» atty ájelermen nemereler saıysyn ashyq dep jarıalaımyz.
Saıysqa qatynasýshy ájelerimizdi ortaǵa shaqyramyz.
1. Birinshi áje ónerli
Jurttyń bári biledi
Nazıramen qosylyp,
Ándi de salyp beredi - ortaǵa Orynsha ájemen nemeresi Nazırany shaqyramyz.
2. Ustaz áje ekinshi
Úlgi onyń ár isi
Ájesimen Dınara
Ortamyzǵa kelsinshi – ortaǵa Esengúl ájemen nemeresi Dınarany shaqyramyz.
3. Úshinshi áje jyrshy eken
Shýaǵy mol nurly eken.
Dıanamen ájesin
Bárińizge úlgi etem – ortaǵa Janbıbi ájemen nemeresi Dıanany shaqyramyz.
4. Tórtinshi áje kórikti
Ónerimen elitti
Nemeresi Ásemgúlmen
Bul saıysqa kelipti – ortaǵa Baqtyly ájemen nemeresi Ásemgúldi shaqyramyz.
Qazaq bıi. oryn: «Aıgólek» bıshiler toby.
«Sálem – sózdiń anasy» degen sózben bastaıyq
Kórermendi bir serpiltip tastaıyq
Ata anańmen jeti atańdy atap shyq
Otyrǵan jurt qoldy soǵyp qostaıyq – deı kele tanystyrý bólimi.

«Sálem – sózdiń anasy» bul bólimde saıyskerler ózderin tanystyrady.
Ónerdiń nár beredi shapaǵaty
Árkimniń ónerge bar mahabbaty
Saıyskerler ónerlerin kórsetse
Halaıyq qoshemettep qol soǵady.
«Ónerli órge júzer» bul bólimde ónerlerin kórsetedi.
Án: Anaǵa arnaý. oryn: D. Qyzdarbaı.
Qazaqtyń dástúri bar óner degen
Ónerdi úırenip ót jıren be sen
Degen sóz ata – baba dástúriniń
Jún tútip urshyqty da úıren degen.
«Sheberdiń qoly ortaq» bul bólimde nemeresimen ájesi ózderiniń jasap ákelgen buıymdaryn tanystyrady.

Án: «Mama» oryn: L. Orazǵalıev.
Maǵan úlgi sózińiz
Ónegesiz ózińiz
Jaqsylyqqa talpynar
Bizdiń naǵyz kezimiz
Jaqsy degen nemene
Jaman degen nemene
Osyndaıda ájetaı
Aıtyp bershi ónege. «Áje áldıi». Bul bólimde ájelerimiz nemerelerine «Besik jyry» nemese ónegeli sózder aıtyp berýi kerek.
Biz dospyz gúldermen
Tekke ony julmaımyz
Mereke kúnderi
Ájemizge syılaımyz. «Ájemizge syılaımyz». Bul bólimde nemereleri ájelerine syılyq jasaıdy.

Án: «Anaǵa sálem» oryn: Mýzameluly R.
Ájelerdiń júrgen jeri nurlandy
Sońdarynan tańǵajaıyp syr qaldy
Umyt qalǵan qazaǵymnyń dástúrin
Dáripteıtin ájeler bar ımandy. «Qazaǵymnyń dástúrleri umytylmasyn» bul bólimde ájesi nemeresi ekeýi salt – dástúrlerden kórinis kórsetedi.
Ájem meniń áli de
Uqsamaıdy kárige
Aman júrse saıystarǵa
Qatysady álide – deı kele ájelerge sáttilik tileı otyryp. Búgingi saıysymyzdy aıaqtaımyz. Saý bolyńyzdar.