InfoHub Logo

«Alǵashqy qońyraý» saltanatty jıyny
Qymbatty ustazdar, ata - analar, oqýshylar! Bilim ordasynyń jańa oqý jylyndaǵy merekesine barshańyzda qosh keldińizder!

Qaǵyldy zor qońyraý kúmbirledi,
Aralap aılyq jerdi, kúndik jerdi,
İlesip sol qońyraý únimenen
Qazaqtyń dalasyna bilim keldi! – dep aqyndarymyz jyrlaǵandaı bilim kúnimen quttyqtaı otyryp, saltanatty jıynymyzdy ashyq dep jarıalaımyz!

Al saǵa álem kezip, Ánuranym
Qalyqta Eltańbasy shańyraǵym
Kók Baıraq kógert meniń kósegemdi
Aspandat atam qazaq árýaǵyn!
Qazaqstan Respýblıkasynyń Memlekettik Týy saltanatty túrde ákelinsin!(Ánuran aıtylady)

Keldi mine, qyrkúıek esik ashyq
Sen kiresiń esigiń eptep ashyp
Álippeni alasyń, qyzyqtaısyń
Bireý emes birneshe betten ashyp – degendeı kúz aıynyń alǵashqy kúni 1 - qyrkúıek – Bilim kúni. Búgingi kúnniń ereksheligi mektep dep atalatyn bilim ordamyz taǵy da kishkentaı 23 búldirshinmen tolyqqaly otyr.
Olar birinshi ret mektebimizdiń esigin ashyp, tabaldyryǵyn attamaqshy.
/mektep tabaldyryǵyn attaǵaly turǵan oqýshylardy ortaǵa shaqyramyz./
Jasta bolsa mektebime bas bolǵan
Ujym úshin talaı isti basqarǵan
Sóz alady basshylary mekteptiń
Quttyqtaýǵa jańa oqýmen bastalǵan – deı kele alǵashqy quttyqtaý sóz kezegin mektep dırektory Joldybaeva Dana Saýbaıqyzy hanymǵa, oqý isiniń meńgerýshisi Orazǵalıeva Indıra.
Sálem berdik qonaqtar barshańyzǵa,
Sizdermen tola bersin ortamyzda,
Búgingi el basqarǵan azamattar,
Aıtady aq tilegin ustazdarǵa - deı kele quttyqtaý sóz kezegi aýyl ákimi myrzaǵa, aýdandyq bilim bóliminiń bas ekonomısi myrzaǵa, aýdandyq máslıhatynyń (depýtatynyń) depýtaty hanymǵa beriledi.

Búgingi mereke ata - analar úshin erekshe. Sebebi biriniń balasy alǵash mektepke kelgenine, al ekinshisi synyptan synypqa kóship bilim tabaldyryǵynyń satylaryna kóterilgenine qýanyp jatady, sondyqtan olardyń qýanýy men qobaljýy oryndy. Olaı bolsa quttyqtaý sóz kezegi ata - analarǵa beriledi.
Ardager ustaz, Ardagerler keńesiniń tóraǵasy: Dúısenov Q myrzaǵa, ata - analar tóraıymy: Mýsına G hanymǵa beriledi.
Ustazdardyń arqasynda shattanyp,
Sózin tý ǵyp bolashaqqa attanyp,
Mektebimde ustazdar bar ardager,
Barlyǵymyz júretuǵyn maqtan ǵyp.
Quttyqtaý sóz kezegi ustazdar atynan
Toılaıdy búgin bilim kúnin
Bizdiń baıtaq baqytty el.
Ustazdardy shyn júrekten,
Quttyqtaıdy shákirtter - kelesi quttyqtaý mektep ulandaryna beriledi.
Qońyraý úni syńǵyrla,
Estildi jyly janyma.
Kúlkideı ásem syldyrlap,
Bóbekti jıdy mańyna.

Bilimniń gúlin ashylǵan,
Terýmen oqyp júr eken.
Baqytqa bizdi shaqyrǵan,
Qońyraý daýsy jyr eken - deı kele jańa oqý jylynyń alǵashqy qońyraý soǵý kezegin mektebimizdiń 11 - synyp oqýshysy mektep tabaldyryǵyn attaǵaly turǵan kishkentaı búldirshinderimizge usynamyz. Qazaqstan Respýblıkasynyń Memlekettik týy saltanatty túrde áketilsin.

Ómirde baqytty adam ózderime,
Qudiret danalyq bar sózderińde,
Aıaýly ustazdarǵa tilerimiz,
Nur oınap júrsin árkez júzderińde!- deı kele saltanatty jıynymyzdy aıaqtaımyz. Synyp jetekshileriniń daıyndap kelgen «Astana - Qazaqstan halqynyń birligi men táýelsizdiginiń nyshany» atty synyp saǵattaryn tyńdaýǵa shaqyramyz. Jyldyń barsha aıy árqaısyńyzǵa tek jaqsylyqpen qýanysh ákelsin. Saý bolyńyzdar.