InfoHub Logo

Ál-Farabı atyndaǵy Qazaq ulttyq ýnıversıteti 

Dintaný mamandyǵynyń 4 kýrs stýdenti Amanjolova A.N.

Ǵylymı jetekshisi PhD, aǵa oqytýshy Áltaeva N.S.

Din taqyryby qaı ǵasyrda bolmasyn, óziniń ózektiligin joǵaltpaǵan. Áserise, qazirgi tańda álemde dinı alaýyzdyq, dinı ekstremızm, terorızm,dinı fanatızm sıaqty kóptegen jaǵdaılar oryn alyp jatyr. Osyndaı jaǵdaılarda, dindi zertteıtin, saralaıtyn bilgir mamandar tapshy. Zaıyrly,kópultty, quqyqtyq, memleketimizge ult tynyshtyǵy men qoǵam tatýlyǵyn qadaǵalaıtyn bilikti de bilimdi dintanýshy mamandar kerek. 

Elimizdiń eń úzdik oqý orynynyń biri ál-Farabı atyndaǵy Qazaq ulttyq ýnıversıtetiniń «Fılosofıa jáne saıasattaný» fakúltetiniń «Dintaný jáne mádenıettaný» kafedrasy dintanýshylarǵa zaman talabyna saı bilim berýde. Atalmysh ýnıversıtet «Dintaný» mamandyǵy boıynsha 1999 jyldan bastap  bilikti mamandardy daıarlaýǵa kiristi. Bul ýnıversıtette túlekter «bakalavrıat», «magıstratýra», «doktorantýra»  deńgeılerinde bilim alýǵa múmkindikteri bar.  

Dintaný mamandyǵy elimizdegi eń jas mamandyqtarynyń biri.  Bul mamandyq boıynsha bilim berý baǵdarlamasy joǵary bilim berýdiń memlekettik jalpyǵa mindetti standartyna sáıkes qurylymdalǵan.

Dintaný barlyq dinderdi – álemdik dinderdi, etnıkalyq dinderdi, qazirgi dinı aǵymdardy – adamzat mádenıetiniń bir bóligi retinde qarastyra otyryp, birdeı zertteıdi. Dintaný ǵylymynyń zertteý pánine dinniń paıda bolýy, damýy jáne qyzmet etý zańdylyqtary, sonymen qatar onyń qurylymy men ártúrli quramdas bólikteri, san alýan qubylystary jatady. Dintanýdy teologıadan jáne din fılosofıasynan ajyratý bilý  kerek.

Ál-Farabı atyndaǵy Qazaq ulttyq ýnıversıtettinde  barlyq ustazdar ımandy, dinı joralǵylar men dástúrlerdi qurmetteıdi.Ýnıversıtette oqytylatyn dintaný pánderiniń taqyryptary men mazmuny qaıyrymdylyq, meıirimdilik, otansúıgishtik, ózge din ókilderin qurmetteý qaǵıdattaryna qurylǵan. Bul jerden bilim alýdyń múmkindikteri óte kóp. Kafedra ustazdarynyń bilimi óte joǵary, sabaq berý tásilderi de stýdentterge yńǵaıly ári túsinikti. 

Stýdentter ınternetke, dintaný men teologıaǵa qatysty sońǵy otandyq jáne sheteldik ádebıetterge qol jetkizýge, shetelde jáne rýhanı ortalyqtarda, ákimdikter janyndaǵy ishki saıasat bólimderinde, joǵary oqý oryndarynda, kolejderde taǵylymdamadan ótý múmkindigine ıe. Qorytyndy dısertasıasyn sátti qorǵaǵan stýdentter magıstratýrada, ýnıversıtet programmalary arqyly shet elderde oqýyn jalǵastyryp, bilimderin shyńdaı alady.

Meniń pikirimshe, QazUÝ stýdentteriniń jaqsy bilim alýy men demalýyna barlyq jaǵdaı jasalǵan.  Stýdentterge ál-Farabı atyndaǵy QazUÝ-dyń qalalyq stýdenttik emhanasy men medısınalyq pýnkti tegin qyzmet kórsetedi. 

Qorytyndylaı kele, qazirgi tańda dintaný memleket tarapynan erekshe kóńil bólinip, qajet dep tapqan mamandyqtardyń birine aınaldy. Ál-Farabı atyndaǵy Qazaq ulttyq ýnıversıteti «Dintaný»mamandyǵyn zaıyrly túrde, stýdentterge túsiniktibilim berýde. Men dál osy oqý orynynyń 4 kýrs stýdentimin. «Dintaný» mamandyǵynyń qoǵamdaǵy orny zor ekenin bildim. Osyndaı bilim oshaǵynda oqyp júrgenime óte qatty qýanamyn. Sebebi óz mamandyǵymnyń elimizge ákeletin paıdasyn jaqsy túsindim. Destrýktıvti jat aǵymdardan halqymyzdy qutqaryp, dinı saýattymyzdy ashýǵa kómek berý qajet. Qazaqstannyń dinı ahýalyn jaqsartýǵa mende óz úlesimdi qosamyn degen úmittemin.

---