InfoHub Logo

Mańǵystaý oblysy,
Jańaózen mektep - gımnazıasy aǵylshyn tili muǵalimi
Rametýlla Z. M.

9 synyp
Ata - analar, oqýshylar jáne muǵalimder arasynda mamandyqqa baǵyt - baǵdar berý semınary
Semınardyń taqyryby: «Aldymda myń san tańdaý, myń san taraý»
Maqsaty: Mamandyqtar jóninde málimet berý, qajetti mamandyqtarmen tanysa otyryp jańa kásip kózderin ashý joldaryn qalaı uıymdastyrý kerektigin ata - analarmen birge qarastyrý
Semınar túri: dóńgelek ústel
Semınardyń ádisi: suraq - jaýap, jaǵdaıattyq suraqtar, joǵary deńgeıli suraqtar, oı qozǵaý, oılaý arqyly oılaný ádisteri
Kórneki - quraldar: mamandyqtar jóninde qanatty sózder, maqal - mátelder, beıne rolikter, úlestirmeli betsheler, ata - analarǵa arnalǵan psıhologıalyq trenıń suraqtary.
Qatysýshylar: oqýshylar, ata - analar, mamandar, mektep - muǵalimderi jáne áleýmettik - psıholog.

Semınardyń júrý barysy
İ. Kirispe
İİ. «Men qyzyǵamyn»
İİİ. «Bizden suraq, sizden jaýap».
İV. «Jaǵdaıattyq suraqtar».
V. «Oı túıý»
V İ. «Eńbekpen tapqan tıin»
Vİİ. «Oılaý arqyly oılaný»
VIİİ. Mamandardyń keńesi
IX. Qorytyndy

İ. Kirispe
«El prezıdenti Nursultan Nazarbaev aıtqandaı «Otannyń bolashaǵy, memlekettiń keleshegi jastardyń qolynda, olaryń óristi oıy, órkendi isi, tabandy tirshiligi tek bilimmen ushtasqan biliktiń arqasynda bıik belesterge jetedi» demekshi mamandyq tańdaý – jasóspirim jastaǵy eń mańyzdy sheshimderiniń biri. Úlken ómirge endi ǵana aıaq basqan jas ulannyń aldynda myńdaǵan mamandyqtan ózine laıyqty bireýin tańdaý mindeti turady. Júsipbek Aımaýytovtyń «Jan júıesi jáne óner tańdaý» eńbeginde «Mamandyqtyń jamany joq, biraq munyn kez kelgenine ıkemdilik qajet, bul jaı kúneltý, tamaq asyraýdyń ǵana joly emes, úlken ónerdi, zor sheberlikti qajet etetin nárse» deıdi.

İİ. «Men qyzyǵamyn» Ár oqýshy óziniń qyzyǵatyn jáne qyzyqpaıtyn mamandyqtardyń atyn ataıdy.
İİİ. «Bizden suraq, sizden jaýap».
1. Ózińniń bolashaq mamandyǵyńdy tańdadyń ba?
2. Sen ol mamandyq týraly ne bilesiń?
3. Mamandyq tańdamaýyńnyń sebebi nede?
4. Seniń mamandyq tańdaýyna kim áser etti?
5. Qaı jaqta oqyǵandy unatasyń?
6. Sen oqýǵa túskennen keıin oqýdyń qıyndyǵyna tóze alasyn ba?
7. Adamnyń mamandyq tańdaýy onyń áleýmettik jaǵdaıyna áser ete me?

İV. «Jaǵdaıattyq suraqtar».
1. Sen ózińe unaǵan mamandyqty tańdadyń, biraq ol mamandyqqa ata - anań qarsy. Sen ol kezde ne ister ediń?
2. Ata - anań saǵan bir mamandyqty tańdap berdi, biraq ol mamandyq saǵan unamady. Sen ata - anańnyń sheshimine qarsy bolasyń ba?

V. «Oı túıý» Oı salý ádisi boıynsha oqýshylardyń shyǵarmashylyǵyn shyńdaý. Oqýshylar topqa bólinedi, ár topqa bir taqyryptan beriledi. Taqyryptar top arasynda talqylanyp, mátinniń moraldik paıymyn tabady.

1. İ top. «Eńbekpen tapqan tıin»
Ertede shal men kempirdiń jalǵyz uly bolypty. Shal bir kúni kempirine oınap júrgen balasyn kórsetip: Kempirim - aý, bizdiń balanyń túri, sıqy mynaý, men muramdy kimge qaldyramyn? – dep ýaıymdaıdy.
Kempir muny estip alyp, balasyna ákeńe baryp myna tıindi aparyp ber, ózim eńbekpen taptym de, - deıdi.
Balasy: - Ata, men myna tıyndy eńbekpen taptym – deıdi.
Atasy: - Bul seniń eńbekpen tapqan tıynyń emes, - dep tıyndy otqa laqtyryp jiberedi. Bala buǵan qóńil bólmeı, láńgisin oınaýǵa ketedi.

Joǵary deńgeıli suraqtar:
1. Atasy nelikten tıyndy otqa laqtyryp jiberdi?
2. Nelikten atasy bul eńbekpen tapqan tıyn emes dep aıtty?
3. Láńgi oınaý eńbekke jatpaı ma?
4. Anasy balasyna tıyn berip durys jasady ma?
5. Ótiriktiń quıryǵy bir tutam degenge qalaı túsinesiz?

2. İİ top. «Eńbekpen tapqan tıin»
Anasy ulyna: - Ulym, seniń keshegi tıynyń eńbeksiz aqsha ekenin shal bilip qoıdy. Endi saǵan murasyn qaldyrýdy ýaıymdap otyr, sen odan da baryp jumys istep, aqsha tap, - deıdi.
Bala ketpen shaýyp, qudyq qazyp, aqsha tabady da ákesine kelip:
- Áke men myna tıyndy eńbekpen taptym dep ákesine beredi. Ákesi tıyndy jáne de otqa laqtyryp jiberedi. Ony kórgen bala ot ishinen tıynyn alyp:
- Áke, bul meniń eńbekpen tapqan tabysym edi, ne qylǵanyńyz? – deıdi.
Sonda ákesi:
- Sendim balam, eńbekpen tapqan ekensiń, - dep balasynyń mańdaıynan súıdi.

Joǵary deńgeıli suraqtar:
1. Nelikten atasy murasyn balasyna qaldyrýdy ýaıymdap otyr?
2. Anasy durys baǵyt berdi me?
3. Nelikten bala ketpen shaýyp, qudyq qazdy? Basqa qandaı jumystardy atqarýǵa bolatyn edi?
4. Birinshi ret laqtyrǵanda bala nelikten úndemeı kete berdi, al ekinshi ret tıyndy otqa laqtyrǵanda otqa qaraı tura umtyldy?
5. Ákeniń murasy balaǵa azyq bola ala ma?

VI. «Oılaý arqyly oılaný» Toptarǵa sýretter beriledi. Sýretter boıynsha óz oılaryn aıta otyryp, jańa kásip kózderin ashý úshin alǵashqy qadamdardy jasaý jáne táýekelge bel býý arqyly qıyndyqtardy jeńip shyǵý joldaryn qarastyrady.
İ top. «Alma aǵashy»